عشان أكوون صوت الأعضاء والخـط الدفاعي الأول إذا تم مالا يحمد عقباه
لذلك الله يخليكم اقرؤا الموضوع و حطوه في بالكم زين
ترى إذا فات الفوت ماينفع الصوووت
هذا أنا بقولكم الأحداث مع كل التوثيقات الرسميـة والبراهين والأدلـة
و أنتوا و ذمتكم
~*¤ô§ô¤*~الموضوووع~*¤ô§ô¤*~
بسم الله الرحمن الرحيم والصلاة والسلام على سيد الخلق والمرسلين
محمد وعلى آل وصحبة أجمعين أما بعــد <<---- تحسب اليوم الجمعه ؟
من فتره اجتمع بنا المشرف العام لمنتديات عالم حواء
وتكلم عن تطوير المنتديات وضرورة أن كل عضو مشارك لازم يسعى
من خلال تواجده ومشاركاته إلى التمـيـز بكل جهـد و قوة و مثابرة
كي نحقق النجاح الفــذ على الشبكة العنكبوتيه
وفي هذه الاثناء سئل المشرفيــن عن المشاكل اللي يواجهونها
والتي تقف حائلاً دون التقدم المطلووب فصــاح جميــع المشرفين
بصووت واحــــد : النقـل ( يقصدون نقــل المواضيــع )
واثناء ماكان نقاشنا يحتد واصواتنا تتعالـى وكل واحد يقول الحل
اللي عنده التفت المشرف العام على زارع الورد ولقاه مكتم وسرحان
وكن في راسه شي بس ماوده يقووول قام طالع هــزار وغمــز له بعينه
وأشر له على زارع ...
هــزار طالع زارع ورد له بإشارة انه اوكي يعني فهم عليه!
دقايق بس لحد مارجعت اصواتنا تلعلع لقينا هــزار وزارع الورد طلعوا
من قاعدة الإجتماعات وراحو لقاعة ثانيه صغيرة , بيني وبينكم انا
ضرب عندي الفضول مليوون عشان اعرف وش فيه زارع ؟
وايش رح يتكلمون عنـه؟ وايش ناوي عليه؟
قمـت تسحبت من القاعة وأخذت شنطتي حيث اني مااستغني عنها
لما بها من محتويات هامه متطورة وضرورية للتلصص والتلقف!
المهم لحقتهم ولما سكروا الباب قعدت اطل عليهم من فتحـة زجاجية صغيرة
لكن الصوت ماكان واضح عشان كذا طلعت الكاميرا اللي معي لانوه فيها
مجسات ولاقطات صوتيه عاليه الدقـة
حطيتها على الفتحـة وثبتها بإحكام وقعدت اسمع وش يقولون
وفي هذه الاثناء التقطت هذه الصـورة ودونت عليها الجزء المهم من حديثهم
7
7
7
يمامي منك يا توم كروز انت
وبينما انا مندمجه في التجسس سمعت صووت احد جاي فخفت
انهم يحسوون فيني ويعرفون اني كنت اصور ويعلمون هــزار ويقص
رقبتي , قمت باحاش لكن الطريق كان واحد وهو اللي جايين منـه فقلت
مالي غير اطمر مع النافذة و ادخل من نافذة دورة المياة وأسوي
اني كنت هناك و أرجع للقاعـة ولا من شاف ولا من دري وتهيأت بسرعه
ولبست ملابس المطامر والتسلق وحطيت الخوذه عشان ماحد يعرفني ..
7
7
7
عبرت بعديت من النافذه الثانيه ودخلت وبدلت ملابسي وعدلت مكياجي
وشعري ورجعت لهم قاعات الإجتماعات ... طبعا استغرو مني ليه تاخرت ؟
فقلت لهم مصرفه : كان عندي اسهـال
وفجأءة وحنا قاعدين نكمل حديثنا سمعنا صوت احد يطلب فزعـه
وكأنه شايفين شي غريب و مسنتكرين الوضع ! وعلى طوول وقتهــا
طالعني المشرف العــام بنظرة شـك وسئلني :
7
7
7
تذكرت وقتها إني كمخـة ونسيت اشيل الكاميرا اللي ثبتها على الباب
ولحسن الحظ اني ماشلتها لانها التقطت لكم هالصــورة
7
7
7
http://2s2s.com/krstena/ar/mohima5.jpg
لما عثروا على الكاميرا والحمد لله تصريفتي مشت عليهم قالوا أكيد
إن منتدانا مستهدف عشان كذا زرعوا كاميرات تجسس وأكيد انه لهم
نيه لاختراقه والسيطرة عليه عشان كذا لازم نستعـد للهجوم ونهيأ
أنفسنا للحرب وانا كان لازم عليّ اتجاوب معهم عشان مايشكون فيني
وتصريفتي تكون تمام التمام قلت لهم : اكيــد ان اللي ينقلون مواضيع
هـم اللي مستهدفينا وحطوا كاميرا عشان يشوفون وش نسوي
بواضيعهم وايش نقول عنهم <<< ماهيب شريه ابـد
بيني وبينكم هـم ماقتنعوا بكلامي لكن انا اصريت عليه وسويت نفسي
متحمسة للمواجهه ماهووب عشان استر على نفسي ومايعرفون
ان الكاميرا لي لاااااااء ولكمنا كرهاً في النقل والمنقولات
بعد طوول كلام وحديث اقنتعوا وعزموا على المواجهة و القتال
مـع المتمردين وكان من اولهم:
ديزل قال انه رح يوقف على باب المنتدى وأي أحــد يتأكد
منه رح يستخدم سلاحـة ويجيب خبره وماعنده أي مجال للتراجـع
مع ان مصرقع و كاراميل يهدوونه لكنه مصمم :.
7
7
7
هيروو لما شاف ديزل متحمس كذا وكنه من جده هو بعــد تحمس
فــز من مكــانه وأخذ مفاتيح سيارته وركبها وحرك على طول
وكني سمعتها بعد ما مشى شووي يقــول : قولي للمشرف العام
بروح القطب الشمالي أجيب الشباب يفزعون معنــا ...
مارح اتأخر تطمنوا .
7
7
7
مسكين كان له راي ثاني يقول ان اللي حط الكاميرا وله نيه القضاء
على منتدانا أكيد انه زرع ألغام في البحيرة اللي تبع المنتدى ولازم
نروح نطلع منهــا الألغام والمتفجرات حقتهم و نخليها أرض تابعه لنا
حنــا ونستخدمها ضدهم و نتغدى فيهم قبل لا يتعشون فينـا
7
7
7
بقيـة الأعضاء من غير المشرفين والإداريين كان لهم دور أيضا
لما شافوا الحماس والتجمهرات و الاستعدادات حطــو لافتات ولوائح
ينكروون فيهـا النقــل والإرهــاب على المنتدى وبعضهم
قال بتصريحات رسميـة انهم مع التطور والرقـي للمنتدى وانهم سوف
يسعون ويآزرون في الحمله ضــد الإرهاب والنقـــل
بعد كــذا ابطو الجماعه وهم ينتظرون ذا الإرهابيين اللي مستهدفين المنتدى
ومازالو مصممين مع ان ماحد منهم طلع ولا بان له آثر والنقــل ولله الحمــد
اندثر نهائياً والأعضاء كلهــم صارو تمام التمام ويكتوب بأنفسهم مواضيع
يكفي انها من اجتهادهم و من افكارهم وانتاجهم
الا انهم ماقتنعوا وظل كل منهم قايم بمكانه ويحتري ذا الارهابيين
وانا اقول لهم خلاص يكفي اننا قضينا على النقل خلو الارهاب فحاله
وماعلينا منـه وهم مصممين اللي طالع عند السور واللي عند البحيرة
واللي رايح القطب الشمالي مابقـى أحـد في المنتدى غيري جالسه
وافتر فيه لوحدي , صادف هذاك الوقت ان تشلن كان توه راجـع من السفـر
فاستغرب الوضع وسئلني عن الشباب !
7
7
7
وش رايكم؟
ولازم اقول
قووود نايت :03:
منقول .... :39:
يا واد يا خطير انت ياواد
تسلمين