كيفكم أحلى جروب
انا هالة من مصر
نويت اعمل update مدته 4 شهور
دايت و رياضة و اعتناء بالشعر و البشرة
ان شاء الله هبتدى من 01/09/2018 يوم السبت
انا محتاجة مشاركات معايا علشان نشجع بعض
هنزل انظمة رجيم علشان البنات
وصفات للبشرة و اسماء فيتامينات للشعر
يلا شدوا الهمة
كل بنوتة تحد هدف علشان توصله
انا بالنسبالى هدفى انقص حوالى 20 كيلو
و يوم راس السنة 31/12/2018 اخرج مع اسرتى و اكون لابسة فستان تحفة ههههههههههههه
و بكون بجنن فى هدا اليوم
شاركونى اهدافكم و احلامكم و كل يوم لمدة 4 شهور هنكتب اكلنا ايه فطار غدا عشا و كمان هنكتب اخدنا فيتامينات ايه
و عملنا ماسكات ايه و كمان الرياضة يلا بسرعة ال 4 شهور ماهى مدة طويلة هتمر بسرعة عايزين نعمل حاجة فيهم
كل بنوتة عايزة تشترك معانا تكتب اسمها و الوزن و الطول و لو محتاجة ماسكات تقلى و انا اكتبلها
انا هالة من مصر
طول : 170 سم
وزن: 113 كيلو
اليوم الاول : 01/09/2018
الفطار : بيضة مسلوقة + ربع رغيف اسمر + 1 شاى بلبن خالى الدسم بسكر دايت
الغدا : ربع فرخة مسلوقة + 3 معالق رز + قليل من الشوربة + 1 نسكافيه بلبن خالى الدسم بسكر دايت
الرياضة : هبتدى رياضة بعد اول او تانى اسبوع لانى سمعت من دكتور ان الواحد مش المفروض يعمل كل حاجة بتخسس مرة وحدة لانه كده بيحرق مراكبه كلها
هنزل كمان شوية اشترى فاكهه علشان العشا
دعواتكم احلى بنات
موفقة باذن الله