السلام عليكم ...
حيا الله الجمهور الكريم
كل وحده بمكانها لو سمحتوا
انتي ياللي واقفه
انتي يالطويله( أمة الله 99 او رويفااااااان ) ما اشوف زين اقعدي خل اللي وراتس تشوف
حيا الله الشباصات <<< هليل البلوي على غفله هع <<< تعلمكم اسم اقبال الحقيقي خخخخخخخ
اولا : نبارك لأهل الرياض الراين اللي نزل اليوم
جعله الله راين خير وبركه وعم به الارجاء المعموره
ونفع به الاسلام والمسلمين .. وجعله عذابا للكفار والملحدين << سقع انما ايه يمديكم علي بس .. المهم قولوا امين
باشرح لكم حالة الطقس عندنا اليوم << ترى مهي من الرياض
اولا : عجـــــاج طيرنا من يوم دخلنا المدرسه حتى ماصفينا طابور <<< معجبها الوضع هع
الين ما طلعنا خخخخ
هواء هواء وبررررررررد يصقع بالكبد ..
وأنا مالبست صروال طويل تحت المريول قهررر كراعيني تصافق من البرد خخخخ
شعور البنات توووووووحفه كشش انما ايه ..
وصديقاتي جدلوا شعورهن <<< بانن على حقيقتهـــــن خخخخ
بس أنا مشكلة الشعر القصير لعنبو جدفته هع
لميته بشباصه ومسكته ببنس العن ام شعره تطير بس :30:
وبنات اول ثانوي لبسن طرحاتهن <<< الله لايلومهن ههههه
وتبعهن في ذلك بنات ثالث تخيلوا يشحذن الطرح ..
حتى اللي لها زميله من بعيد راحت تزين معها علاقه خخخخ
واحدى الطالبات قاعده في الفصل لابسه عبايتها ومتلملمه من البرد خخخخخ
<<< من قالها ماتلبس بجامه 00 دروش والاصيل ماقصرووو مسوين تخفيضات خخخخخخ
ازداد الطلب على الحليب والشاهي من مقصف المتعسه هع
فقام المقصف بزيادة الاسعار <<< نعنبوهم يالله
مراييل البنات ترااااب حتى لونها مابان ...
تخيلوا المديره ماسكه زميلتي تقول ليش لابسه مريول متوسط خخخخخخخ
<<< من كثر التربان قلب اللون خخخخخخ <<< وشلون قلب لاتسألوني ..
عاباتي مغبره بشكل ومريولي شيفه الشين ..
حتى رموشي بيضاء خخخخخخخ
وأحس أني شبعت من كثر التراب اللي دخل فمي وخشمي ..
سمعت وحده تقول لصديقتها الحسي شفايفك <<< عرفتوا ذيك الحركه خخخخخ
لحستها وقالت : لعنبوك وكلتيني تراب يالشينه ..
بنت خالي في نهاية الدوام كنت جالسه معها وشوي الا ( تتشكّر )
خخخخخخ تقول : ماافطرت اليوم بس شبعانه من الرمل اللي مرج بطني
وقسسسسسسسسسم مت من الضحك عليها الله يرجها تتشكر من (الساند) هع
<< تعلمكم انها تعرف عنقليش ..
تتشكّر بمعنى والله مدري .. اذا احد يعرفه يشرح خخخخخخخ
طلعنا من المدرسه وشكلها
كنها بيت عمي عبد العزيز الله يرحمه
القديم اللي بوسطه شجرة طرنج ومبني من الطين خخخ عرفتوه خخخخخ
وكيسان البنات عقب الحليب والشاهي تصافق من الهوا
وقسم شكل المدرسه توووووحفه ودي كان معي جوال كميرا اصورهـــا
والبلاط ماتشوفينه من الكثبان الرمليه الجائره <<< متعوب عليها هالجمله خخخخخ
... ( كأنها اعجاز نخل خاويه )00 وكن المدرسه مادخلها احد من عشرين سنه
يوووه نسيت اني بنزل لكم صور الراين اللي نزل على الرياض :
<<< صدق اني فاهيه ...
هذي واحد من الشنبات في منتدى الــ <<< اقوله خخخخ
<<< اسكتي لايشوتونك انت وموضوعك خخخخخخخ
يقول وانا رايح للدوام <<< يحظه انا تونا طلاب هع
كان الجو رايقن بالحيل
وبوسط الطريق رشت بعضاً من القطرات..
ثم انفتقت السماء بأرطال من الماء<< انعن ابوك يالتعبير خخخخخ
السماء ملبده بالغيوم أول لحظات المتر <<< للامانه هو كاتب المطر بس انا ابغى اتدلع هع
لقطة لبداية إنهطال المطر.. كنت مشغّل (أحبائي) لأبو ريان بس قهر ما طلع الصوت كان جو رومانسي<< هذا كلامه خخخخخ
http://drr.cc/up12/Rain.rm
رابـــت الحفز <<< ياشين التدلّـــع خخخخ ...
قوس قزح.. كان مسوي نصف دائرة دقق شوي تشوفه.. <<<< المفروض يقول ( قوس الرحمن ) بس يالله عشان الامانه << عندي ضمير يحليلي خخخخ << الله يهدينا وياه
لقطة للطرف الثاني من قوس قزح.. يمكن هنا مهيب واضحة..
بس وش رايكم بالنخلة :biggrin:
العمارة التي يسمونها بالعماره الطويله اللي فوقها مفك ببسي <<< يقولون انها المملكه بس مااقدر أأكد خبركم الاشاعات خخخخخخخ
والسماء ملبدة فوقها بالغيوم..<<<ترى عليها شوي بهارات من شخصي الكريم خخخخخ
وهاللمبة اللي طالعة من يمين والله من اللقافة خخخخخ
وبـــــــــــــــــــــــــس
اقول باركو لخويتكم نزلت موضوعين اثنين خلال اليومين السالفين
والله يااني حركتات ... <<< محد قدهــــــــا هع
المفروض تعطون مميز اللي متوفر عند قلوبه
نشاطي بالواحه لايضاهى هاليومين خخخخخ << ليه المراعي على غفله هع
ودي اختم بس تعبت برسل الموضوع خخخخخخ<< عاده هع
شووووقرن .......
ملاحظه
اللي بالاســـود حتسي اللي نقلت منه الموضوع
واللي بالفوشي تعليقي على حتسيه خخخخخخ
