مرحبا مليوووووووووووووون
كيف الصبايا اللى بالرجيمات مشغوله
ايه هين
المهم كيفكم حبيباتى عساكم بخير وربي لكم وحشه وش كبرها اخاف اعبر وتتحترق الرابطه من حر الاشووووووووووووووواق
اخباري انا ماااشي حالى قدرت امسك نفسي بعد العيد الحمدلله
واروح النادى الجسم يتغير بس الوزن موذاك الزود
حااايسه باااختبارات الجامعه والمذااااكرة المواد صعبه مرة واخاف اكل حلى
وانشاء الله بعد الامتحانات ناويه ااااروح الدكتور عشان اضوووق وعشان اشيك على المرئ
المهم ارجع لكم
مناهل
ماقلتيلي رحتى ضوقتى اونو طمنيني يالغاليه
متحمسه
كلام امينه مضبوووط ميه ميه واحب ازيد عليها واعقب انه ممكن تاكلين كميات كبيره بس طريقه الاكل تختلف يعنى مع الربط تضطرين تمضغين كويس وبس
يعنى لابد من الاراده العمليه ماااهي الاشي مساعد فقط فااانتبهى حبيبيه قلبي
بنت الكبيسي
تشتاقلك العافيه انتى اخبارك ؟؟وانتبهى توسوسين اتوكلى على الله وشوفينا حنا مااشاء الله علينا سويناها وماااشي حالنا
روزززززا
اخبارك بشرينا عنك قلبي امورك تمام ؟؟
نعناعه
احنا بخير وصحه وفاااقدينك ياااقمرهم
شوشو القطريه
الله يكتب لك الرشاقه والصحه ياااااااااااااااارب بهالعمليه انه سميع مجيب الدعاء
مدام مااايا
مااشاء الله عليكى نزولك حلو
بس انتبهى النزول سريع بالاول فحاافظى عليه
ياجماعه وين باااقي البنات ؟؟؟؟؟؟
وابي اعرف كيف احط شريط الوزن واغير لون الخط ؟؟؟
ترانى ماااعرف
وسلامتكم

هالوووووووووووووو يا احلى متحزمات.

اخباري: اسمحولي ما عرفت ادخل على النت لانو السيرفر عندي داون من 4 ايام و المنتدى معصلق معايه يعني كلما كتبت رد طويييييييييييييييييل عرييييييييييييض طار اعصب و اسجل خروج.
على اي حال لاحقين بحاول قدر الامكان ارد على كل المشاركات.
بالنسبه ليه وزني متذبذب بين ال86 و 85 من بعد التوسيييييييييع الظاهر انفجعت بس خلوني شوي اتمتع و اريح لانو الشهور اللي طافت كانت عذاب حتى الماي يغصصني.
الموهم من اليوم ناويه ارجع لنظامي المتاد ان شاء الله علشان الحق اكون سيكسي قبل كتب كتاب اخويه. صحيح ما خبرتكم اني خذيت بكج ثاني للمساج لاني حاسه انو الكرشه من النص مترهله زياده و حابه اخلص عليها قبل لا تترهل اكثر مع نزول الوزن.
بعدها الدوره معايه و ما شاء الله عليه مناكير احمررررررررر صايره اشارة مرور حظرتي

نجي للردود و الله يقدرني اكفي الكل حقه

مناهل : انا و لا شي قدام اهل الذوق كله تسلمي يا قلبي. و يا رب تتوفقي و يرزقك سبحانه و تعالى بالذريه الطيبه الصالحه الباره ان شاء الله.

متحمسه : زين صحى ضميرك و لازم تسوين كنترول من الحين علشان تتعودين بعد العمليه قولي هذا نظام حياتي الجديد خلاص ايام التخبيص ولت بلا رجعه ان شاء الله.
بالنسبه للبس اذا حاسه انو ملابسك مبهدله عليكي خلاص روحي اشتري طقم و الا اثنين و معاهم انصحك تشترين طقم اصغر بمقاس و الا مقاسين و بعد شهر و الا شهرين من العمليه البسيهم و استمتعي علشان يكون حافز ليكي يلا انا بالذات رح اخلي هدفي في الرابطه اني اشجعك.

توته البطوطه: الله يسلمك عيوني طيب مادام انك تاكلين عادي و زدتي ليش ما راح فقر الدم و الله خايفه اروح اسوي شيك اب لا يطلع فيني فقر دم على اي حال انا الدكتور عطاني طلب تحاليل بسويه بعد ما اخلص من المقروده ان شاء الله انتي ديري بالك على نفسك و طمنينا عليكي الا كم صار وزنك الحين؟؟ غتاته اعرف هههههه
حبوبه الحمد لله انا راضيه بقراري و حاسه انو اللي صار خير ليه و ان شاء الله يعوضني باللي احسن منه كانت تجربه سيئه بس تعلمت منها كثير و الحمد لله على كل حال.
انا صار عندي توسع في المرئ فما رح اقدر اضوق لبعد شهر الله يستر و ما اكتسح موائد الاكل بدل الساحه.

لولو: هههههه و الله ضحكتيني من القلب الله يضحك سنك دنيا و اخره و ان شاء الله بس ينزل هل الوزن رح تكونين فعلا كتكوته و فيري سيكسي بعد و الكل ينهبل و راكي يتمنون يعرفون شو سويتي علشان تصيرين سووووووووووووو كيوووووت كده.
و كلامك كله صح تعرفين لو اهتممنا حنا بمجالسة الضيف و التحدث معاه اكثر من تقديم الاكل له لكان استمتع اكثر و ما عوره بطنه بس طلع من عندنا ههههه.
حبوبه اني توك مضوقه ما لازم تاكلين اللحوم و الاشياء صعبه البلع خليكي على المهروس احسن.

مملوحه مره: الصراحه انا خفت عليكي من طريقه طرحك لقصتك بس مادام الثقه موجوده و انتي تعرفين انك تستاهلين تكونين رشيقه و حاسبه حساب كل شي خلاص فرفشي قد ما تقدرين لانو الاكتئاب ما يجيب نتيجه بالعكس ينقلب علينا يلا انا اشجعك و اشد على ايدك و باذن الله تصيرين رشيقه مثل العصافير و ما يد يزيد وزنك ابدا و ما دام انك رياضيه يلا نتنافس عطيني جدولك الرياضي اليومي و انا رح امشي فيه معاكي علشان نشجع بعض. انا مو معاكي في اننا نقبل نفسنا مثل ما هي لاني اذا تقبلت شكلي خلاص رح اهون عن الرياضه و الريجيم تعرفين انا حاليا في الثمانينات بس لاني رياضيه جسمي مشدود و يعطي اقل من وزني بس ليش اتقبل شكلي مثل ما هو و انا ممكن اكون افضل بكثيييييييير الله سبحانه و تعالى ما خلقنا كده هذا تجنينا على انفسنا لازم اطور في نفسي طوووووووول ما انا عايشه علشان احس بقيمه وجودي و انجازي في هذا الكون طبعا هذي وجهة نظري الخاصه.
حبيت كلامك و طرحك حلو بس انا فضوليه شويه انتي شو تدرسين؟؟؟ لقافه

كوكيتا: لا تخافي وكلي امرك لله و ان شاء الله ما يصير الا اللي فيه الخير ليكي روحي عند دكتوره و افحصي و اذا فيه حمال وسعي الحلقه بدون اشعه و عادي بس من البدايه انصحك تروحين عند اخصائيه تغذيه تتابعك شهريا علشان ما يزيد وزنك مع الحمال انا الدكتور قالي الحامل مفروض ما تزيد اكثر من 9 - 12 كيلو خلال الحمل.

بنوته : انتي العسل و زياده لا تخافي و لا شي و كلي امورك لله لاني عارفه بنات كثير سوا ربط و المراره مع بعض و نحفوا انتي اسمعي كلام الدكتور و ان شاء الله ما يصيبك سوء.

قموووووووووووره : لك وحشه وين ايامك يا قمر و كيف الكتاكيت عساهم طيبين يا رب. و الحمد لله على السلامه. هي راحه شويه و الحين ابدي الشغل المزبوط و ان شاء الله تنزلين كل اللي زاد ابا اشوفك 60 يا رب.
ابا اكون سيكسي غصبن عن عيني من اليوم بطلع روحي رياضه و ما رح يدخل حلقي الا الكل الصحي مادام انتي تشجعيني خلاص انا ابشد على روحي.

بعدني ارد على صفحه 773 بس اخاف يطير الرد لين اخلص فرح انزل الرد الحين و اتابع

عسولة كلامك والله العسل كله , شاكرة لك على اهتمامك فأنت من الرعيل الأول من الرابطين وذوي الخبرة وما نستغني عن توجيهاتك ونصائحك

مرحبا بنات كيفكم يالغاليات
كيفكم؟؟
ماشاءالله الرابطه أمس واليوم بأحلى حالاتها للأمام ياحلوين

أخباري: بديت رجيم من اليوم لازم أنحف لازم أكسر التسعين مو راضي ينكسر مليت له ثلاث شهور مقابل وجهي مليت نفسي أشوف الثمانين ولازم لازم خلال هالشهر أنقص من 6 إلى 8 كيلو عندي مناسبه بعد شهر وناويه أسوي فستان وااااووو عالجسم أبغى أكون نجمة الحفل برشاقتي صحيح مايمديني أكون رشيقة بس يكفيني كيف كنت وكيف صرت الحمدلله والشكر يارب العالمين .

ببدأأرد عليكم بالدور
بسم الله

مدم مايا
ماشاءالله نزولك أكثر من رائع للأمام ياعسل .

أمينه82
قريت قصتك وقرارك كان سريع بس قرار سليم 100 على 100وكلامك حلو بالنصايح اللي قلتيها بس الإراده من وين نجيبها آآآآآآآآآآآآه يالإراده .

توته البنوته
الترجيع مو دايما بس غالبا ونفسيتي عاديه عمري ماكلت وأنا متضايقه حتى أجي للأكل وأنا بشهيه مفتوحه بس يجي الألم فبطني وماأقدر أكمل أحيانا من أول لقمه وأوقف واللي يقهر من هالموضوع كله إني مانزلت غير كيلو بس وماأبغى أوسع عشان ماأزيد .

بنت الكبيسي
لاتشيلين هم أجل اللي عملياتهم كبيره ونسبة نجاحها ضعيفة وش يسون ؟ وسعي صدرك وأحمدي ربك إن فيه علاج لحالتنا والله يسهل أمرك يارب .

نعناعه
هلا فيك يالغاليه وحشتينا كيفك وكيف نزولك؟

مملوحه مره
هلا فيك يالغلا أخباري أبغى أكسر التسعين أبغى أكسر التسعين أبغى أكسر التسعين مليت يامملوحه مره مره حتى أنا أبغى أحط شريط الوزن من زمان وأنا أسأل البنات بس اللي ردوا علي مايعرفون إلا أنت بأي نادي مشاركة؟وش الرياضه اللي تسوينها بالضبط؟إلا كم وزنك؟وبس طال عمرك.

asoool06
هلا والله وغلا وش هالغيبه أشتقنالك حيل حيل وربي كل ماأدخل أقول يارب عسوله يكون فيه لها رد الرابطه ماتحلى إلا بوجودك ياعسل إلا كم باقي على كتب كتاب ولد أخوك؟بيمديك تنحفين؟أنا باقي عالمناسبه اللي هي ملكة أخوي شهر وشوي لازم أنقص خلالها.


وألحين أسلم عليكم باااااااااااااااايييييييييي