روزااااا


كيف تجربتها مع بذرة الكتان ؟؟؟؟ هل فعلا تنزل الوزن؟؟؟؟

انا صار لي شهر وزياده اكلها عشان الكوليسترول ولا لاحظت تغير كثير في وزني

روزا ..

كذا مرة اقرأ ردود لك بتكلميني فيها وبشكرك كتير على كلامك الجميل بس بعتذر لك اني في الكذا مرة دول مش برد كتابة لاني بكتفي بشكرك من وراء الشاشه .. على كل حال بشكرك على كلامك المرة دي والمرات الي فاتت والمرات الجايه ومعليش اعذروني كلكم لو في مرة حد كلمني ومرديتش لاني والله برد وبعلق على كلام الكل بس في سري :).


زعلانه من الدنيا ..

هاين علي اقوم ابوسك .. الله ينور عليكي بالظبط بالظبط وصفتي الي بحس بيه كتير لما آكل وعجزت عن وصفه بالدقة دي ماشاء الله عليكي ..

طبعا انتي مخضوضه من الوضع الحاصل واكيد صعبانه عليكي نفسك وانا والله حاسه بيكي لاني بيحصل لي كده كتير لدرجه اني احيانا بعيط من الحزن على نفسي او على الاكل الله اعلم بس فعلا ده بيحصل وبنقهر وبحزن جدا لما الاقي نفسي طول الاربعه وعشرين ساعه مش قادره آكل شيء ولو اكلت بستفرغ كل شيء اكلته ..

هو بس الشيء الغريب في حكايتك ان الحالة دي مستمره معاكي من يوم العملية لغايه دلوقت بينما معايا كانت واضحه اوي في الاول بعدين بتيجي دلوقت على فترات يعني ممكن اقعد يوم كامل كده بس ثاني يوم بكون طبيعية او بستفرغ مرة في اليوم بس وبقية اليوم طبيعي وطبعا ده في المواسم والاعياد لاني بصراحه مش فاكره آخر مرة كلت فيها براحتي .. ( لسه كنت في معركة معاناة مع قطعه سمك انتهت بالنهايه المحتومه برحيل جيوش الأعداء إلى غير رجعه .. يلله خلي الحوض يسترزق .. )

بصي عمليتك ناجحه متخافيش الي حاصل لك ده نتيجه حاجتين اولا حالة نفسية انك خلاص تعودتي ان اي شيء هتاكليه هترجعيه وبالتالي حتى لو مفيش رغبه في الترجيع هترجعي لان خلاص حصل ارتباط شرطي عندك .. بالظبط زيي انا مستحيل آكل سمك معرفش ليه لازم ارجعه رغم اني اكلت ماهو اعصى لكن خلاص لاني اول مااستفتحت الترجيع كان بسمك فخلاص مستحيل آكله دلوقت غير يمكن اذكر مرتين او ثلاث خلال الثمانية اشهر الماضية من يوم عملت العملية لغايه دلوقت وصدقيني مش عارفه للآن انا كلتهم ازاي ومش قادره اكرر التجربه الناجحه دي تاني ..

يبقى اول حاجه مطلوبه منك انك تشيلي من دماغك حكايه انك هترجعي نهائيا ومترجعيش الا لو الاكل خرج لوحده .. في بدايه العملية يعني في الشهر الثاني او الثالث منها مش فاكره بالظبط المهم كنت برجع كل شيء لدرجه قعدت ايام ارجع مفيش فايده لما حسيت اني هموت مفيش نقطه اكل بتدخل بطني ..

الفقرة القادمه ممنوعه ممنوعه للي بيقرف لاني هوصف اشياء مقرفه <--- وجه سعيد جدا

الفقرة المقرفه بين قوسين :

((كنت برجع اي اكل وبلاحظ اني باكل ملعقه اكل مثلا ارجع نصف كوب عباره عن الملعقة دي محاطه بكمية كبيرة جدا من سائل شفاف زي زلال البيض كده بس اخف شويه .. كتيييير ))


المهم سألت الدكتور قالي يبقى عندك التهاب في المعده ( افتكرت كان الكلام ده في نهايه الشهر الثاني للعملية لاني كنت براجع عنده لغايه الموعد ده بعد كده بطلت اروح ) مفهمتش يعني ايه التهاب معده بس فهمت من كلامه ان ده وضع مش طبيعي وان المفروض يكون الوضع غير كده .. مخدتش منه علاج محدد لكن الحمد لله قدرت بعد كده اسيطر على الحاله وتحسنت وبقيت شبه طبيعية او على الاقل بقيت عايشه حياتي باكل واشرب مش اشرب بس..

كانت نقطه البدايه في العلاج زي ماقلت لك بعد ماعرفت ان الترجيع ده المفروض يكون استثناء مش قاعده اني بدأت امنع نفسي من الترجيع خوفا من اعتيادي عليه .. قعدت يومين تلاته على ماقدرت اتأقلم مع الوضع وآكل من غير مااشعر برغبه في القيء ..هي حالة نفسيه لو تعودتي انك ترجعي هترجعي لو مسكتي نفسك قدر استطاعتك هتقدري باذن الله تاكلي بسلام ..


الخطوة الثانيه.. انك تمنعي بتاتا اكلات معينة ثبت لي قطعا ويقينا انها بتخليني ارجع .. سواء حاجات بتخليني ارجع دائما أو حاجات غالبا بتخليني ارجع وان كانت بتمر بسلام في بعض الاحيان .. مثلا المقليات والبيبسي .. لما تكون معدتي تعبانه يعني بقالي يوم مثلا برجع لاااازم هرجع لو اكلت شيء مقلي أو شربت بيبسي أو شيء فيه طماطم او يمت لها بصله قرابة .. يبقى الحاجات دي في فترة العلاج الاولى امنعيها تماما

هتعرفي كمان ومع الوقت اكلات معينة بتخليكي ترجعي لما تاكليها مع انك ممكن تكوني بتاكلي حاجات اصلب منها ومع ذلك بتنهضم عادي .. عن نفسي مستحيل آكل السلطه معرفش ليه .. حاولت من وقت العملية لآن اني آكل سلطه او حتى طماطم لوحدها مستحيل برجعها من اول ملعقتين .. اخذتها من قاصرها وتجنبت السلطات .. لا سلطه بطماطم ولا كرنب سلطه ولا ولا ولا .. نفس الشيء بالنسبة للارز غالبا برجعه وبالتالي بقيت بتجنبه .

الخطوة الثالثه ..حتى لو في اكله معينه بتمر عندك بسلام واكله تانيه بتمر بسلام تاني فمش معنى كده انك لو خلطتي الاثنين مع بعض هيمروا بسلامين .. لاه للاسف .. غالبا خلط الاكل بيؤدي للترجيع .. مثلا .. ممكن تاكلي ملعقتين فول هيكونوا طرييين جدا على المعده .. ممكن في وجبه تانيه تاكلي نصف رغيف صغير خبز طري وهيمر برضه .. لكن لو عملتي سندويتش فول هترجعيه غالبا.. فالصح انك لما تاكلي تاكلي صنف واحد في الوجبه الواحده .. عن نفسي مثلا وانا بطبخ .. آكل قطعه لحم صغيره واشرب معاها شويه شوربه صغيرين .. خلاص كده تغديت.. يستوي الغداء احط لهم يتغدوا واقعد اتفرج عليهم ( متعه حياتي اتفرج على حد بياكل لاني بجد محرومه ) .. بعد فترة من الغداء لما احس ان فات وقت مناسب على قطعه اللحم اروح آكل الخضار الي كان في الغداء مثلا سبانخ ممكن آكل صحن مفيش مشكلة .. الرز لو نفسي فيه موت احط ملعقتين في شوربه او في الخضار لو كان سائل زي الملوخيه لكن مستحيل آكله لوحده إلا لو كنت ناويه ارجع .. متستغربيش احيانا كتير باكل وانا عارفه اني هرجع من باب الاستمتاع بس وللاسف انتي بتمري بالمرحله دي كتير .. نصيحتي لما تبقي عارفه انك هترجعي متاكليش من الاساس لانك في مرحله العلاج..


الخطوة الرابعه .. اوعي تستني لما معدتك تفضى تماما عشان تاكلي وفي نفس الوقت متاكليش وانتي لسه واكله .. لو اكلتي ومعدتك فارغه تماما غالبا هتستفرغي وهتلاحظي وقتها انك حاسه بنوع من القرف وانه هو الي بيخليكي تستفرغي اكتر من كونك متألمه من الاكل .. يبقى دائما تملئي معدتك الاول بشيء عارفه انك مش بتستفرغي منه . . مثلا عصير أو كوب شاي بحليب او او .. بعدها بوقت كافي مثلا ربع ساعه او اكثر ممكن تبدئي الاكل .. أو انك تكوني مثلا لسه واخده وجبه خفيفه سناك من ساعتين او ثلاثه هنا من حقك تاكلي على طول مش لازم تبدئي بحاجه خفيفه لان بقايا السناك هتكون لسه في معدتك .. وعلى الطرف الثاني متاكليش ابدا وانتي لسه واكله لازم يمر ساعتين على الاقل ويفضل ثلاثه بين كل وجبه واخرى بمعنى ادق بين كل فتحه فم والثانيه .. يعني اكلتي تفاحه ورحتي عملتي حاجه بعدها فدي وجبه استني ساعتين على الاقل قبل ماتاكلي وجبه ثانيه ..

الخطوة الخامسه .. تعرفي لما يقولك الحاجه الفلانية بتفتح النفس ؟ انا تأكدت ان في اكلات بتفتح النفس فعلا بحيث اني لو كلتها بقدر آكل بعدها حاجات كنت بستفرغها عاده لكن الحمد لله بيمر الموضوع بسلام .. مثلا الجبنة المش انا بحبها موت .. لاحظت بالصدفه البحته بعد ماقعدت آكل جبنه مش كتير في يوم من الايام اني في ذلك اليوم اكلت كتير جدا ومرجعتش خالص .. برغم ان كان المفروض انها تحرق معدتي وتخليني ارجع لكن سبحان الله محصلش لكن العكس هو الصحيح فتحت نفسي فقدرت آكل من غير مارجع .. نفس الشيء عصير المانجو انا بحبه جدا لاحظت من فترة كنت معزومه على الغداء في مطعم وقدموا لنا عصير قبل الاكل شربت الاول شويه بعدين نزل الاكل وتوقعت اني هاكل لقمه واغص وانكتم كلت لقمتين وشربت شويه عصير ولقمتين وسبحان الله كلت كويس جدا ومرجعتش نهائيا ..لاحظت ان الحاجات السكريه الي بحبها بتفتح نفسي فمش بتخليني ارجع غالبا ..اذا انتي شوفي ايه الاكلات الي بتحبيها فعلا وممكن تاكلي منها بكمية كبيرة من غير ماترجعي ( او كنتي بتحبيها زمان وبتفتح نفسك قبل العملية ) وكليها مع الاكل او قبله طبعا بلقم صغيره لقمه ولا لقمتين مثلا ..

الخطوة السادسه .. متشربيش مع الاكل نهائيا نهائيا .. ونهائيا كمان .. كلمة السر للترجيع الناجح" اشربي" .. احيانا كتير لما باكل والاكل يقف في زوري وابقى هموت عاوزه ارجعه فابسط شيء اني اشرب جرعه ماء .. كل حاجه هتخرج لوحدها على طول .. انتي امنعي الماء اثناء الاكل وبعد الاكل مباشره .. حتى لو حاسه برغبه في الترجيع استني شويه لو مشربتيش غالبا هتروح منك الرغبه دي ..

الخطوة السابعه .. لما تحسي بان معدتك امتلئت وانك هترجعي او على وشك .. ابصقي اللقمه الي في فمك على طول .. امضغيها لوحبيتي بس اوعي تبلعيها .. لان المعده في حجمها الجديد مبتهزرش واي لقمه زياده بعد امتلائها هيعني رغبه منها في التمدد والتمدد ده بيعمل لنا الم وبيخلينا نرجع على طول .. انا بعمل كده .. مجرد ماحس بالامتلاء اطلع الي في فمي على طول حتى لو كان لقمه وحده لاني عارفه ومتاكده لو بلعتها هستفرغ في الحال .. والحمد لله مجرد ماابصقها خلاص انتهى الموضوع ..

الخطوة الثامنه .. وهي الاهم على الاطلاق ..صغري اللقمه تماما .. يعني خُمس او سدس لقمتك السابقه قبل العملية .. ملعقتك كلي بالملعقة الصغيره بتاعت الشاي مش ملعقة الاكل .. امضغي ببطء وكويس جدا بعدين ابلعي بهدوء .. لقمتين او ثلاثه بالكثير جدا وتوقفي عن الاكل وقومي اعملي اي شيء تاني .. بعدين لو محسيتيش برغبه في الترجيع ارجعي كلي لقمتين تانيين وهكذا .. في البدايه بس مضطره تعملي كده لكن بعدين هتعرفي تلقائيا الحجم المناسب للقمتك وهتعرفي من نفسك تتوقفي امتى قبل ماتحسي بمتلاء معدتك او رغبه في الترجيع ..

اوعي تتكلمي وانتي بتاكلي او تفرجي على التلفزيون لانك لو انشغلتي عن اي شيء غير الاكل هتنسي وتبلعي بسرعه وبالتالي هترجعي .. مشكلتنا ان المعده تتمدد مره وحده فنحس بألم ونرجع فعشان نمنع التمدد الفجائي ده كلي ببطء جدا وادي فترة للمعده بين لقمه والتانيه عشان تتمدد بهدوء ..

الخطوة التاسعه .. دلوقت انتي عملتي عملية قلصت حجم معدتك لعشر الحجم الاصلي .. يعني اذا كنتي زمان بتاكلي في الغداء صحن رز +صحن خضار+ربع دجاجه في الوجبه مثلا يعني .. يبقى انتي هتاكلي النهرده واحد على عشره من الربع دجاجه .. يعني بالعربي جزء من نسيره .. وهتاكلي واحد على عشره من صحن الرز يعني حوالي ملعقتين .. وملعتقين زيهم خضار وكان الله بالسر عليم .. يبقى من العبث انك تحاولي تاكلي بجد لان ده مش هيحصل وهترجعي فورا .. اذا انتي هتاكلي بهدوء ولقم صغيرة لكن الكمية المفترض بيك انهائها في الوجبه الوحده متزيدش عن ثمرة فاكهه واحده أو وخلي بالك من كلمه أو مش وا .. أو كوب من الخضار المسلوق كويس .. أو .. قطعه لحم بحجم ثلاثه ارباع علبة كبريت .. أو .. قطعه من لحم الدجاج بحجم الاصبع ..او نصف سمكه بحجم الكف .. أو كوب من العصير .. أو كوب من الشوربه ..أو لقمتين إلى ثلاث من رغيف خبز .. دي المقننات إلي المفروض تلتزمي بيها اثناء اكلك وتحاولي قدر الامكان متزيديش عليها يعني مثلا هتاكلي خضار ولحم يبقى قطعه اللحم الصغيره الي قلنا عليها وكوب الخضار وخلاص وقومي من الاكل .. متحاوليش تاكلي اكتر من كده لانك حتى لو بتتقبلي كوب خضار بسلام فمش متوقع انك تتقبلي اكتر من الكمية دي من نفس الصنف بنفس السلام غالبا ..


الخطوة العاشره .. تجنبي الاكل البارد جدا أو الساخن جدا الاثنين دول بيحفزوا على الترجيع .. كلي الاكل دافيء او فاتر ده لو كان خضار .. أو بارد شويه لو كان عصير مثلا او حليب .. لكن تجنبي شوربه بارده أو خضار بارد او عصير دافيء كل الحاجات دي تخلي الوحد يستفرغ حتى لو مش مدبس معدته ..


بعد ماتلتزمي بكل ماسبق ولانك بفترة علاج فابدئي اكلك بصنف من الخضار مطبوخ في شوربه بدون اي نوع من الطماطم او الصلصه أو التوابل وباقل كمية ممكنه من الدهون .. ارشح لك الكوسى .. اسلقيها كويس بحيث تكون طرية جدا .. استني لما تبرد شويه وتبقى فاتره مش بارده .. كلي بهدوء وبين كل ملعقة كوسى والثانيه اشربي ملعقة شوربه من نفس الصحن .. متاكليش معاها اي نوع من الرز أو الخبز او اللحوم .. كلي ملعقتين تلاته حوالي نصف كوب وكفايه متاكليش تاني .. امشي من قدام الاكل .. ممكن تاكلي وانتي واقفه كمان يعني مش لازم تقعدي وتهيئي نفسك للطعام لانك فعليا مش هتاكلي بالمعنى المفهوم للاكل .. بعد خمس او عشر دقائق لو لقيتي نفسك مرجعتيش ـ وباذن الله مش هترجعي ـ ممكن في الحاله دي تاكلي كمان ملعقتين تلاته لو لسه جوعانه او لك نفس ..


وهكذا ابدئي باصناف الطعام الي بتقدم للاطفال في شهورها الاولى .. خضار مسلوق , فاكهة مهروسه , لحم منسر في شوربه , رز في شوربه .. الخ

واخيرا انصحك تعملي دفتر تسجلي فيه يوميا بتاكلي ايه وبدقه تامه وبالكميات الي كلتيها بالظبط .. هتلاقي انك اكلتي في نهاية اليوم كويس بل وكويس جدا .. يعني عن نفسي مباكلش نهائيا وبرضه زوجي بيلومني على عدم الاكل ومع ذلك وزني بينزل ببطأ لماعملت الدفتر ده وسجلت اكتشفت اني كنت باكل كويس اوي بس مجرد الهاجس اني مكلتش حاجه بيخليني آكل بحجه اني لازم آكل عشان اعيش مع اني واكله اكل يكفي اسرتين .. الحكايه بس اننا مش بناخذ بالنا خاصه لو الي حوالينا هم كمان من عشاق الاكل المزمنين وبالنسبة لهم الي بناكله ده كله مجرد .. مسح زور ..


عسوله ..

متخافيش انا خلاص معنديش اكتآب والحمد لله .. لا انكر العيد مر علي كأسوأ الاعياد وكانت نفسيتي في الحضيض .. بس خلاص الحمد لله راحت الايام دي لحالها .. انا بطلت رياضه مش عشان التنطيط وبس ده كان احد الاسباب .. السبب الاهم اني اخترت افضل صالة جيمانيزيوم في المدينة .. فاتحه جديد من ثلاث سنوات بس واجهزتها كلها حديثه وبتتقاضى اعلى اشتراك .. رحت قبل العيد بتاع رمضان وتفرجت ولقيت اجهزه كتير وصاله تفتح النفس وناس شكلها مرتب ومدربه عماله تصرخ .. اكتر حاجه عجبتني كان في جهازين تريدميل روعه تقولي مش سير رياضي ده مركبة فضاء.. زي بتاع سالمه الي ذبحت عليه ايهاب .. قلت بس خلاص هي دي .. رحت من فترة اشتركت حصه وحده بس اجرب قبل ماادفع اشتراك شهري .. رحت بدري شويه كانت المجموعه لسه موصلتش مفيش غير وحده بس بتتدرب على واحد من التريدميلين الاثنين الي يفتحوا النفس .. رحت امشي على الثاني لقيته مفصول معرفش عليه ورقة مكتوب انه عطلان مع انه بيلمع كانه لسه طالع من الكرتون .. استنيتها تخلص وقلت اروح اسخن على اي جهاز ثاني من العشرة الي في الصاله .. لقيت الدراجه ناقصها بدال .. الدراجه الارضيه مفيهاش كرسي .. الدراجه الثالثة مفيهاش مقود .. والله مابهزر .. الاجهزه كلها سليمه وجديده لكن كل جهاز فيه قطعه واحده ناقصه فمستحيل تستخدميه .. تقريبا هي مقصوده عشان يفضل هيكل الاجهزه سليم يغري الناظرين .. المهم قعدت الف شويه على التويست لغايه ماتخلص الاخت الي على التريدميل .. لقيتها خلصت ونزلت وهي بتقول الجهاز ماله عماله يفصل .. فعلا الجهاز سخن من كتر الاستخدام وفصل .. .قلت خلاص لا مبيت لكم اليوم خلينا في العشاء .. استنيت المدربه وصلت بت فلعوصه رفيعه زي السلك .. قال هي دي المدربة .. ماشي مفيش مشكلة قلت عادي اعتراضي عليها مجرد احقاد سمنة .. المهم اكتملت المجموعه ولقيتهم حوالي خمسه او اربعه غيري مش فاكره وكلهم لسه دي ثالث او رابع حصه لهم يعني مفيش ناس مخضرمه اسألهم عن رأيهم في المدربه ..بس الحق يقال الكل مدح فيها جدا وقالوا عليها روعه .. قلت ماشي الحال نجرب .. بدأت الحصه وشغلت موسيقى صاخبه وبدأت تشخط .. بدأت اتنطط .. اولا كانت تقول لهم يلله .. هوب .. وتنط نطتها وهم يعملوا زيها أو هكذا هيء الي انهم متابعين .. انا مش فاهمه هي بتعمل ايه .. على مابص عليها وابدأ اعمل زيها اعمل مرتين تلاته والاقيها غيرت الحركه لحركه جديده .. هي بتكرر كل تمرين ثمان مرات بس .. بقعد مرتين او ثلاث منهم افهم الطريقة ايه هيطلع مني الاول وايه هيخش وراه بعدين اقعد حركتين منهم او ثلاثه احرك اليمين بعدين اكتشف انها في الشمال على ماابدأ استعد بالشمال الاقيها دخلت في التمرين الي بعده .. قلت لها اشرحي التمرين لو سمحتي قالت طيب بس كان الوقت خلص .. فجأه كده لقيتها بتقول يلله جماعه خلصنا.. حوالي نص ساعه بس الي عملناهم او ساعه الا ربع بالكثير ..

افتكرت مدربتي القديمه مي .. حبي الاول .. كانت بتطلع عينينا وتهلكنا لعب لما ندعي عليها .. التمرين يعاد عشر مرات على الاقل ولو تقاعسنا تشخط وتخلينا نعيد مرتين تلاته زياده عقاب .. كنا بنخلص تمرينا واحنا مش شايفين قدامنا من التعب وبنعصر هدومنا عرق لكن المرة دي خلصت وانا لسه محسيتش باي تعب ..

حسيت ان التدريب زي مابنقول عندنا ( أونطه ) معرفش مرتحتش ليه .. اضافه لمشكلة تانيه اكبر حصلت وهي اني شعرت بدوار ورغبه قاتله في القيء لما بدأت اعمل تمارين البطن معرفش قدرت اخلصها ازاي ..حزنت على نفسي جدا لما شفت لياقتي ولقيتها منخفضه جدا بعمل التمارين بصعوبه نوعا وببطأ .. زمان كنت بعمل بمرونه وبتابع مع المدربه كويس جدا .. زعلت اكتر لما بصيت لنفسي في المرايات المنتشره في المكان .. لقيت اني نحفت جدا من الاكتاف والراس والاذرع وحتى الرجلين نحفت جدا جدا .. بس البطن بشععععععععععه وواخده مكان الصداره .. شكل جسمي معجبنيش ابدا مكنتش زمان كده ابدا ..

منظري في المرايه جاب لي احباط شديد اضفته لاحباط صدمتي في مرونتي المفقوده اضافه لاحباطي في المكان الي كانه احد الفنادق الخمس نجوم من الخارج وتمرينات حوش حضانة من الداخل .. بصراحه خرجت من هناك وانا حزيييييينة وانا اساسا كنت داخله حزينة لسبب خارجي بسبب مشكلة وحده كانت قالت لي عليها قبلها بيوم وكانت منكده علي حياتي .. المهم حطيت كل الاحباطات دي على بعض وعملت احباط كبير ومركب فقررت اني مش هلعب رياضه تاني .. طبعا كان اسعد الناس بالقرار ده هي عتريسه لانها ياعيني كانت مرافقه لي في الصاله وماتت من الطفش بس مقدرتش تتكلم وتشهدت لما قلت لها يلله نمشي كانت هتبوس الارض وهي ماشيه من الفرح .. للاسف صعوبه اصطحابي لها مرة تانيه وصعوبته كان احد الاسباب الي خلتني اتشجع ابطل رياضه .. ده لو كنت بدأت اساسا ..

عارفه عسوله هتقولي لي مينفعش كده وشدي حيلك وووو وو و هو خلاص اخذت القرار خلاص ويمكن بعدين لو نزل وزني عشرة ولاعشرين كيلو ابقى افكر اروح العب جيم ..


كنت هكتب لكم النهرده عن سبب توقفي عن الرجيم وعن اسباب زعلي من رأس الفتنه وعن وعن وعن .. الموضوع طويل وملوش علاقه اوي بالرجيم او التدبيس فمكنتش هكتبه بس بما اني بعاني من الفراغ والاهم لاني حاسه اني عاوزه احكي لكم انتم بالذات فهكتب .. عندي كلام كتير بس خلاص صاح الديك نخليها لمشاركه تانيه

ام يحيى2


اهلين الغاليه ..

ماتكلمتي عن العمليه والالم وكم ستغرقت عمليتج ؟ وشلون الوضع ونفسيتج ؟؟

قى البداية اشكر كل اللى سالو على ودعولى عسولة وروزا وبنت الكبيسى وكل البنات المهم دخلت


المستشفى الصبح فى السابعة والنصف وعملت تحليل واستعدادت ثم جات دكتورة البنج تتكلم معى وقلتلها ان عندى كحةو شويى حساسية فى صدرى ثم شويى وجضر البروفسير الجراح سالنى اول سوال انتى عارفة ايه العملية اللى حتعمليها اليوم قلتواه قلى وفعلا عاوزة تعمليها
قلت اه وحتلتزمى والا حتكونى تعبانة قلت نعم والمهم كان عندى مشكلة تانية وهى عندى فتق سرى من عملت عملية المرارة من 3 سنواتوطلبت منه انى عاوزة اعملها مع تحزيم المعدة والحمد لله وافق
وبصراحة دى الحظة اللى ارتحت فيها قلت لنفسى لومت اهلى يقولو عملية فتاق سرى مو عشان تضعف وعلى فكرة محدش يعرف من اهلى غير بنتى الكل يعرف انه فتاق سرى
ودخلت غرفة العمليات الساعة 12 ظهراولما فتحت عينى فى غرفتى كانت الساعة 5 وقت طويل فى الافاقة يمكن عشان عملى الفتاق كمان مش عارفة ومافقت عدل الساعة 2 بعد نصف الليل دخلت احمام طبعا هنا حطين فى يدى جهاز صغير عند الالم اكبس عليه وهو عبارة عن مورفين قوى يعمل بسكل فورى
وطبعا جرح الفتاق مو حاسة فيه الحمد لله بس مكان الخزان تقريبا مثلا القيصرية
اول يوم مفى شرب ختى الماء ممنوع بس تمضمضى فمك لو عاوزة تانى يوم سوائل وماء وفى الغدا شوربة كلير يعنى مياة خضار او فراخ بدون فراخ اوخضاروعلبة صغيرة جيلى
وجات دكتورة التغذية واعطنى النظام خلال 6 اسابيع تعبت بعدين نكمل

هااااي بنوتات ازيكم ياحلوات

الحمد لله اخباري عال العال اليوم صايمة 9 محرم الله يقبلة منا ومنكم :)

اليوم ماشاء الله شربت لي شوربة وشويته اكل تشاينيز :( وقعد على قلبي لين الحين اكلت لي اكسير الحياة حقي :( :( (الشــــــــــــــــــــــــــــــــــــــــــكـــــــــــــــــــــــــولا)

يارب متى اكرهها ياناس احرم نفسي من الوجبة عشان اكلها :(

المهم ياحلوات انا مدري ايش فيني يا طخها ياتشلع مخها ربي يعني بس نفسي اطيح لي كم كيلو ابي اجرب التخفيف لعل وعسى يجدي نفعا خلال هالاسبوع ابي اروح للدكتور عشان اضوق لي الحين حوالي السنة ماضوقت :(


عسوووووله الدلوعه ياحبي لك اجل تخرعتي ههههههههههههههه ابوة الرجيم هبل فيني مشكلتي ابي انزل سررريع مالي خلق تخفيف بس ابي احاول خصوصا جو الرياض الحين يساعد على السمنة وربي لي اسبوع من الدوام على بيتي واتلفف بالباطنية لحد وقت النوم انام واقوم من بطانيتي البس واعيد نفس الدورة تقل دورة بخار الماء ههههههههههههههه والوزن ياكافي :( :( مافي شي يحرق جلوس ×جلوس ياربي يازين حر الصيف متى يجي



بنتووووته الاموووورة قلبي نصيحة روحي ضوقي لاتتوهقين ياليتني مضوقة قبل لاسافر الحين نشبت لاني قادرة اضوق مفتشلة اروح للدكتور ووزني زايد ولاني قادرة انزل وزني انتبهي ياقلبي .... اقوووول ياسكرررررر منتي ملاحظة صاير عندنا علبتين برنجلز ؟؟؟؟ :) :)

يارب تنحفى بالسلامة وتكرهى الشكولاتة انا اليوم لسة راجعة من المستشفى وقمت اتفقد المطبخ وادور والله ربنا يستربس فيه مشروب لدايت سليمفاست يطعم الشكولاتة وتقريبا الوجبة دى 204
سعر حرارى وربنا يوفقك ومشكورة على السوال