مساء الخير شلونكم كلكم

أنا رحت غيرت جو بأم الدنيا ورجعت وفعلاً غيرت جو ونفسية بعد .. بس الأهم إن صار لي موقف .. شلون أشرح لكم تأثيره ؟ تقدرون تقولون إنه موقف هزني من الداخل يعني بعز الزحمة والوناسة كان شي يخليني أوقف مع نفسي ..

أنا كنت رايحة مع الماما بس .. سكنا بأوتيل داخل مول وفيه سينما وأنا أموت بالأفلام المصرية يعني لو أقولكم إني بخمس أيام شفت 10 أفلام يمكن ما تصدقوني أو يمكن تقولون متى مداج تنامين ؟ تاكلين؟ تطلعين؟ تتسوقين .. كل هذا سويته وهم رحت العشر أفلام .. المهم أمي كانت تعبانة وكنا رايحين فلم الظهر فما كانت تبي تروح فلم بالليل وفضلت ترتاح بالغرفة بس أنا قلت مابي أضيع وقت بروح أصيع بروحي .. وبنفس المكان أكو يم السينما سوبر ماركت وانا عندي طبع وصخ ( وصخ بمعنى الكلمة ) هالطبع إني لما أكون سعيدة أحب أروح happy land أو أرض السعادة مثل ما اسميها .. وين هذي يا أمون ؟ وين تصير ؟ أوكي أنا أدليكم .. الله يسلمكم هذي تصير داخل أي سوبر ماركت .. الممر اللي يصير فيه حلاو وككاو وبطاط وشبس .. احم احم وأكو أشياء وايد .. المهم وديت أمي الغرفة وطلعت وقلت في وقت قبل لا يبدي الفلم أروح أرض السعادة وشريت أشياء وحاسبت وطلعت مثل الياهل فرحانة بالجيس اللي شايلته بايدي ودخلت السينما وبدا الفلم ومثل ما يحطون أسماء الممثلين حسب الظهور أنا رتبت الأشياء اللي آكلهم حسب المشتهى .. نسيت أقولكم إني أموت بمصر وكذاب اللي يقول إن فينيسيا مدينة الرومانسية لان أنا عندي مصر ديرة الدفء والحميمية .. أنا قاعدة وحدانية بالسينما أحضن كيس الخيرات بحضني شفت اثنين قاعدين جدامي كانوا واحد ووحدة هي حطت راسها على كتفه قام هو حضنها .. قلت بقلبي الله وناسة .. الله يهنيهم يمكن ياكلون من بوب كورن واحد اثنينهم مع بعض ويمكن بعد يخلص الفلم وهم ما خلصوه كله .. وأنا حاضنه كيس فيه مالذ وطاب .. نسيت الفلم وقعدت أقول بيني وبين نفسي لو استمريت على جذي بلاقي نفسي طول عمري ماراح أشوف إلا هالجيس وماراح أحضن إلا اهوه ..
صكيت الجيس وماكليت منه ولا شي وقعدت أشوف بالفيلم وطلعت وكني طالعة من محاضرة فهمت منها معلومة جديدة .. ونتاج هالمعلومة إني أول مارجعت اتصلت على عيادة دكتوري آخذ موعد للتضويق .. وتم والموعد إن شاء الله يوم السبت إذا الله سهل

عذروني ياجماعة يمكن دخلت عرض بدون ما أعرف أخباركم ولأن الصفحات اللي فاتتني وايد بحاول أقراها علشان أرد عليكم .. عاد عسى فقدتوني ؟ ;)

ام عاتريسه الله يثبت حملك

طمنينا عليكي

السلام عليكم

ام عتريسه ماتقلقيش وان شاء الله وبامره خير الموضوع بس هايحتاج شويه راحه ربنا معاكي وييسرلك الخير ويثبت حملك ويفرح قلبك ويقر عينك يارب........

امانه عليكي اول ماترجعي من عند الدكتور علي خير تطمنينا حتي لو مش هاتقدري تقعدي بس كلمه طمنينا عليكي......
ياريت كان معايا تليفونك او عنوانك...........ملحوقه بامر الله

ربنا معاكي حبيبتي

عسوله
مشكوره حبيبتي علي معلوماتك الجميله ماشاء الله احنا احسن حاجه بعد مانطمئن علي ام عتريسه بامر الله نعمل انتخابات لتولي منصب اممممم اختصاصي واستشاري بالرابطه وانا من دلوقتي هااحجز مكاني في السكرتاريه.......

معاكي حق لازم اعمل العمليه طالما اني مقتنعه بيها وربنا ييسرهالي يارب وباذن الله بنت السوريه ماتبخل علينا بالمعلومات.......
طمنتيني انتي وزوف علي نفسي في حكايه البرد اظاهر السبب داخلي وخارجي بمعني ان الدهون اللي بالخارج طاحت وايضا عدم وجود اكل بالمعده يعطينا طاقه عملوا علي شعورنا بالبرد الحمد لله علي كل حال

ام يحي صباح الفل........


اخباري مكتئبه واكتئبت زياده لتعب ام عتريسه ربنا معاها يارب........
مكتئبه لان ضاع مني مبلغ 400جنيه اليوم.......وكمان كنت مدخره مبلغ كبير لاولادي واقترحوا علي اخواتي اشتري بيه ذهب واشتريت فعلا اول امس وكان غالي جداااااا وسعر الذهب لم يكن وصل لهذا السعر من قبل ولكن كل الناس كانت تقول انه بيزيد واليوم انخفض سعره وبالتالي الخساره بالنسبه لي كبيره بس اختي اتصلت بي وقالتلي لازم ابيع بالخساره لانها سمعت في الاخبار ان اسعار الذهب انخفضت عالميا وتواصل انخفاضها وانا محتاره ومش عارفه اعمل ايه.........ايه رايكم يا بنات ساعدوني وفكروا معي

المبلغ اللي ضاع مش هو في حد ذاته اللي مزعلني لكن اللي مجنني اني بقيت بانسي بشكل مرضي بانسي كل شئ كل شئ حتي لو قريت مشاركه من احدي الاخوات ودخلت ارد عليها انسي كنت هااكتب ايه مع اني ماكنتش كده ابدااااااااا ابدااااااا عارفين انا عمري ماكتبت رقم تليفون حد.....دايما كنت اسمع الرقم مره واحده واحفظه هو والاسم وطبعا كانت الاف الارقام والاحداث و..........و.......... ودلوقتي باقوم اعمل حاجه واقف نص ساعه افكر انا كنت قايمه ليه......... يعني حتي مش فاكره المبلغ ده انا ضيعته فين ولا شيلته في مكان ولا لا ضاع جوه البيت ولا في الشارع واللي مجنني انه كان معايا امبارح العصر تخيلوااااااا

يلا الحمد لله علي كل حال الحمد لله

ادعولي وشوروا علي في موضوع الدهب الله يخليكم كنت محتاجه رايك اوي ياام عتريسه
ربنا يكرمك ويطمنا عليكي يارب
سلام

السلام عليكم جميعا

بكتب لكم دلوقت من اللابتوب بتاعي الجديد .. آخر موديل .. ( بما اني نقلت الكبمبيوتر مكان الكمدينو جنب السرير من فترة جيت النهرده عوجت شاشه الكمبيوتر خليتها تبص على السرير بصه عاطفيه وجبت الكيبورد جنبي يعني بكتب لكم وانا نايمه ومروقه .. وبذلك فمن هنا ورايح وطول ماهوفي الوضع ده هنعتبره لابتوب او بمعنى ادق سرير توب )

اخبار رحت للدكتور كان كل ماالوقت يمر اتوتر زياده .. المهم اتصلت بالعياده واكدت الموعد وعلى ماوصلت لقيت زحام يوم الحشر فعرفت ان الدكتور في قيصري ولسه مجاش .. انقهرت اكتر وقعدت انتظر وانا على اعصابي قلت لو قضيت الوقت ده في السرير كان افضل لي من الجلوس .. المهم سبحان الله لقيت مكان واحد فاضي جلست فيه وبالصدفه طلعت الست الي جنبي هي كمان حامل بس في الخامس وجايه لنفس السبب .. بس هي مسكينه عندها النزيف شديد ومستمر من فترة طويلة ومش نافع معاه اي ادويه .. المهم قعدت اكلمها وطمنتها موت وان الحكايه دي حصلت لي في حملي الاول وعدت على خير .. لاحظوا اني كنت متوتره جدا واعصابي في الحضيض .. معرفش طمنتها ازاي وسبحان الله بعد ماخلصت كلام معاها كانت مبسوطه جدا هي ووالدتها ومطمئنة والغريب اني انا نفسي اطمئنيت جدا وحسيت ان موضوعي هايف مقارنه بيها .. سبحان الله كلامي معاها مع اني انا الي قلته ريحني جدا ..

المهم بعد فترة دخلت للدكتور وكشف علي بالسونار وقالي الحمد لله كويسه بعدين جاء يشوف نبض الجنين لقيت الجهاز مش معطي قراءة وانا مش سامعه حاجه .. يعني المرة الي فاتت لما رحت له بس كنت في العياده التانيه ( هو عنده اثنين وحده في مكان ودي الصبح ووحده في مكان تاني ودي بليل ) المهم لما رحت له المرة الي فاتت في العياده المسائية كنت سامعه صوت النبض واضح المرة دي مفيش صوت .. قلت له ايه مفيش نبض قالي لاه في بس ضعيف .. انا سمعت الكلمه دي وسألته النبض ضعيف!! قالي لاه الجهاز ده الي ضعيف الجهاز الي في العياده الثانيه بيعطي صوت مجسم .. هو صحيح طمئني لكن الصدمه لما قالي ضعيف خلت اعصابي فكت وكنت هموت من العياط حتى بعد ماوضح لي الالتباس الي حصل قعدت دقيقتين تقريبا ارتعش .. معيطتش لكن الحمد لله اني كنت فاهمه غلط ..

المهم الحمد والشكر لله سمعت النبض وشفت في الجنين في السونار هو لسه مش واضح طبعا لكن قلبه صغنوووون وبينبض نقطه بيضه بتومض كده هي دي القلب .. صعب علي اوي .. رحمته يعني ..

المهم قالي الحمد لله كويسه بس هكتب لك المثبتات دي .. كتب لي كمية كبيرة جدا من المثبتات بين حقن وحبوب .. بصراحه قلقت شويه من الكميه دي لان حتى في حملي الاول مكتبليش الكم ده .. على كل حال الحمد لله اطمئنين لما رجعت البيت ولقيت النزيف خف كتير على الله يارب اصحى بكرا الاقيه انتهى ..

بس مش معنى كده تبطلوا دعاء .. والله انا مش عارفه اشكركم ازاي وصدقوني يمكن لولا الله ثم دعائكم مكنتش اتطمنت كده النهرده دعواتكم الله يخليكم يارب خاصه بظهر الغيب ان ربنا يتم لي على خير ولا يفجعني في حد بحبه ابدا ..

بس سيبكم بقى من النزيف .. الي اسعدني اني رحت اتوزنت ولقيت وزني الحمد لله 92 يعني تقريبا زدت نصف كيلو بس في الشهر الي فات ده .. فرحت الحمد لله لان اتضح بعد مااكلت الاخضر واليابس ان الحمل مش بيزيد الوزن غيربعد الشهر الثالث يعني الفترة الي فاتت دي كلها كان المفروض مزدش شيء ..فرحت بقى لما طلعت الزياده نص كيلو بس ..

قعدت اقول في بالي كويس اني اكلت شوكلاته وانبسطت يلله نص كيلو خيرمقدور عليه بس على الله اني مزيدش اكتر .. بس نصيحه ياجماعه كلوا حليب وجبن كتير لان اتضح ان عندي نقص كالسيوم جامد .. عرفت منين اقولكم تستفيدوا برضه .. لما بجلس مده نص ساعه مثلا او اكتر بيجي لي الم شديد في آخر عضمه في العمود الفقري وبتوجعني اكتر لو جيت اقف .. بيختفي الالم بعد مااقف .. سألت الدكتور قالي نقص كالسيوم وطبعا مكانش عندي الحكايه دي زمان قبل العملية ..

على فكره يازعلانه بالنسبة للاحساس الشديد بالبرد ده لاحظته بقوه لما خسيت قبل كده نزلت 25 ومن بعدها بقى الشتا بالنسبة لي جحيم .. رجعت دفيت تاني لما زدت واليومين دول تحديدا من شهرين كده ورجلي وايدي قوالب من الثلج ومش بينفع معايا اي تدفئة ..

وعلى فكره بالنسبة لموضوع الذهب ياريتك سألتي سبحان الله لسه اول امبارح قرأت سعر الذهب في الجرنال وانفجعت انه وصل الزياده دي .. ايام لم كنت بشتري الشبكه من ست سنين تقريبا كان الجرام بـ 52 النهرده الجرام وصل 145 يعني شيء مفجع الى اقصى درجه .. على كل حال لو عاوزه رايي استخيري اولا بعدين متبيعيش نهائيا .. ده لو انتي مش محتاجه الفلوس خلال السنتين الجايين .. لنا قريب اشترى شبكته من سنه تقريبا بـ 110 بعدين تفركشت الخطوبة بعدها بشهر واكتشف ان الذهب نزل بقى بـ 95 صعب على الكل طبعا .. بس بعدين رجع لخطيبته تاني ووصل الذهب بعدها دلوقت زي ماانتي شايفه .. اذا الخلاصه انتي اشتريتي خلاص لو بعتي هتخسري هو حتى لو نزل دلوقت هيرجع يرتفع تاني فاستخيري واركنيه على جنب وهو هيزيد لازم خاصه وانه عندنا في مصر بيزيد مرتين مرة عشان الاسعار العالمية ومرة تانيه عشان الجنيه نفسه بينزل قيمته يعني حتى لو الذهب انخفض عالميا ممكن عندنا يرتفع ببساطه لان الجنيه هو الي نزل فالي كان بتقدري تشتريه زمان بجنيه هتضطري تشتريه بكرا بثلاثه .. خلي ذهبك ومتبيعيهوش بس ياريت بعد كده لما تشتري ذهب للاستثمار اشتري سبيكه او اونصه واشتريها مغلفه ومتفتحيش الغلاف دي بتبيعيها ومبتخسريش فيها جنيه واحد اما لو اشتريته مصوغ هتبيعيه ولو ثاني يوم بخساره المصنعيه .. واخيرا طبعا متنسيش طالما نيتك الاستثمار حتى لو بتلبسي الذهب لازم تخرجي زكاته كل سنه مره ..

بالنسبة للنسيان الكتير ده معناته ان عندك انيميا روحي اعملي تحليل هيموجلوبين في الدم .. وبالنسبة للفلوس الي ضاعت منك نصيحه عليك بالصدقة يمكن عندك زكاه مش بتطلعيها هي دي الي بتاكل الفلوس اكل ..

واخيرا عندي لك سؤال اخير عن الدكتور نادر المليجي انا اعتقد ان تخصصه تجميل .. هو انتي كنتي هتعملي عنده التدبيس ولا الشد ؟ وبالنسبة لدكاتره القصر العيني هتعملي الشد باذن الله عند مين ؟



أمينه ..

ماشاء الله والله موقفك روعه وخلاني انكسفت على نفسي فعلا الواحد لو يركز على هدفه في الدنيا يلاقي الاكل ده مش مستاهل اننا نضيع نفسنا عشانه .. تعرفي .. ايام لما كنت بنزل امشي في الشارع كنت بحط بنتي في العربية بتاعتها وادفعها قدامي .. كان هدفي الاساسي م التخسيس هو الحمل فلما كنت اتعب من المشي افكر شويه واقول يلله عشانك يابني وادفع العربية تاني واكمل مشي .. فعلا لما يكون لنا هدف نبيل بنسعى ليه بتهون علينا الصعاب .. بشجعك وبقوه فكري بالطريقة دي وياريت تفكرينا بيها برضه من وقت للتاني .. (كان معايا علبة زبادي عليها عسل لما قرأت كلامك قلت واله ميصحش كده ركنتها على جنب بس بعد مااطمئنيت اني كلت آخر ملعقه ) ..

الحنونه ..

الله يسعدك يارب قصتك مع اني قريتها قبل كده بس جات في وقتها وكاني اول مرة اقراها .. صحيح انا من البدايه تاركه الموضوع كله على ربنا وباذن الله مش هيضعنا ..

كلكم يارب يسعدكم بصراحه مش عارفه اشكركم ازاي على دعائكم ويارب كل وحده دعت لي في الرابطه او في سرها يسعدها ويديلها كل الي تتمناه ..

هسيبكم دلوقت وباذن الله اقرفكم بكرا شويه تاني بمشاركه طويلة برضه ..
متستغربوش اني كتبت كتير اصل بابا كان دائما يقول علي ان جاعوا زنوا وان شبعوا غنوا .. فانا كده لما اكون متنكده تسود الدنيا في عيني واقفل ومبقاش قادره اكتب كلمه بس لما اطمئن شويه بفرفش وافتح في الكلام ..