بنوته كول

خذي فيتامين الزنك لحاله

حبوب لوحدها تحتوي فيتامين الزنك فقط بــ 60 ريال على مااعتقد عندنا بالسعوديه



لي لي 10 انا سويت العملية في 15-11-1428

في ذو القعده

واذا رجعت بيتي بإذن الله اعدله بتوقيعي لاني الان عند اهلي ومن جهاز بابا اكتبلكم




بنت الكبيسي استخدمي القسط الهندي لعلاج التكيسات وبإذنه الله يفيدك

وانا حاليا استخدمه واحسها خفت بحمدالله

والقسط الهندي اعواد بنية الون تباع عند العطار

خذيها واطحنيها وخذي ملعقتين صغيره يوميا مره مساء ومره صباحا مع ماي او اي شي

القسط الهندي يعادل الهرمونات بالجسم بعد الله

واحس تحسن في امور كثيره لدي

واستمري عليه شهرين متتابعين

لاتلقين بكلامي عرض الحائط

استخدميها وبأمر الله حتروح منك

روزا

الله يرزقج ان شاء الله بالذريه الصالحه
واتيبين بنت حلوه مثلي وتسمينها توته بس ما تطلع دبه


قمر نجد
كل عام وانتي بخير

امونه

سلامتج حبيبتي و ما تشوفين شر ان شاء الله


عسوله
ما تشوفين شر حبيبتي
طمنينا عليج بعد ما تروحين للدكتور
والف مبروك على الكاس

وبالنسبه للفلنتاين
انا بصراحه عادي عندي ولا كأنه في شي .. لأنه مب لنا

ليدي
حبيبتي شيل الربط نفس حطه
انا يوم شلته كنت شايله معاه المراره
وبعد العمليه يروح الالم ويرجع كل شي مثل قبل
بس مب من اول يوم
يعني بعد فتره بسيطه
وما تشوفين شر ان شاء الله حبيبتي


بنوته كول
انا جربتها
نتايجها حلوه
بس بصراحه تعور وايد
ونصيحه اذا فيج فقر دم او شي يؤدي الى تساقط الشعر << ركزي على يؤدي متعوب عليها
لا تاخذين الابر الا اذا تعالجينه


سنكرس الاموره
نورتي الرابطه
واتمنى تنضمين معانا بأقرب وقت
وبالنسبه لمستشفى الحرس والله ما عندي علم
و بنات السعوديه ان شاء الله يفيدونج
حبيبتي كم طولج ووزنج ؟

لي لي
ليش كل هالتخبيصات ؟
شكلج يبي لج عقاب
وانا خاشه دلة العشرج (السنامكي)
اي وحده تخربط عقابها تشرب منها اسبوع كامل << مجرمه

صباح الخير بنوتات
شخباركم وشمسوين
والله استانست بمعرفتكم والتعرف عليكم اكثر واكثر ويا رب ادوم المحبه بينه والله لا يحرمن من بعض
بنت لكبيسي
بقولكم اشلون تعرفت علي بنت لكبيسي تعرفت عليه من الرابطه العجيبه ويوم سوت العمليه رحتله ومثل ما خبتكم قبل افضحتني جدام اهله انه ما تعرفني ويوم قعدت اسولف مع اهله يا الله يا الله اعرفتني ومن اهني بدت صداقتي به ويا رب تبقى صديقتي لاني صراحة منحوسه ول صديقه عندي هههههههههههههههههههه مالي الا سبع البرمبا الله اخليه لي اهو صديقي قبل لا يكون زوجي وبنوتاتي
بقولكم سر انتو تدرون ان عندي بنوتين و الكل يقولي يا الله حملي وجيبي ولي العهد بس انا اذن من طين واذن من عجين ول هامني ابي اتنفس اشوي من يوم ما تزوجت وانا نساه و ولادة وش هل حاله ابي اطلع ابي اضعف وهذا اهم ما فيي الموضوع اني اضعف وش سويت عشان سبع البورمبا اسد اذنه عن سالفت الحمل قمت سجلت بنتي وجدان بروضه تكسر الظهر من مصاريفه عشان هو افكر في ان مافي ميزانيه لضيف جديد والله انا ام الدواهي هههههههههههههههههههههههههههه
يارب يا سميع يا مجيب ترزق كل خواتي في الاسلام وصديقاتي في الرابطه الذريه الصالحة يا رب وتسعدهم بزينة الحيات الدنيا ول تحرمهم مها يا ارحم الراحمين
وللي ما تزوجو الله يرزقكم باسباع برمبه زي الي عندي وحطونكم في عيونهم لان ما بيلقون مثلكم بنات قلبه نظيف وحنون وشجاعات مثلكم هههههههههههههههه يستحملون غرفة العمليات عشان ينحفون
يارب تنحف كل متين وتمتن شوي بس كل ضعيف وتسعد كل متضايق انك على كل شيء قدير يا رب العالمين

هلا بنات .. مو أي بنات وربي أحلاهم .. تصدقون ولهت عليكم واااااااااايد


وله القلوب – مناهل – روووزا – قمر نجد – توتة البنوتة


مشكورين يا قلبي أنتوا وكل من سأل عني ودعالي بالعافية أنا أحسن بس اللوزتين حدهم منتفخين وعليهم إفرازات ملوعة جبدي .. الحمدلله خفت الصخونة وايد عن أول الأيام بس ما زال الاحتقان يسبب صعوبة بالبلع ما أقدر حتى أبلع ريجي إلا بطلعة الروح والله صار عندي حزامين واحد ببطني وواحد ببلعومي بس ثقوا إن حزام المعدة أريح وأحسن .


بنت الكبيسي

مثل ما وعدتج برد على الأسئلة

الله يسلمج عمري 25 بس يوم السبت 1 مارس أصير 26 سنة – برجي الحوت ( مواليد هذا البرج غالباً من اللي يعانون من السمنة)
بالنسبة لشهادتي أنا بالثانوية علمي بس بالجامعة خذيت بكالوريوس تجارة من جامعة الكويت بس أموت على العلم وبلا فخر أعتبر روحي ملمة بوايد معلومات لأني أحب العلم لمجرد التعلم و هدفي إني في يوم ما أصير أستاذة أكاديمية
كل سنة عندي وظيفة وحالياً معلمة دراسات تجارية وأدرب دورات كمبيوتر بوزارة التربية
مازلت آنسة
مدمنة ترتيب ونظافة وتنظيم
كل شي بحياتي مرتب ومجدول بمواعيد ( إلا وزني لول :icon30:)
أحب السياسة و السينما والقراءة والسفر والتسوق
كويتية الأم والأب والمولد



عسولة ياحلوة

الله يسلمك والشر ما يجيك يارب ما أقدر أكثر سوائل أصلاً يوم عيد لما أشرب كوب كامل لأن عندي مشكلة بالبلع ومازلت بكورس الانتي بيوتيك بس عندي أمل إن تتحسن الأمور إن شاء الله .
بس الأول إنتي طمنينا عنك شقالك الدكتور ؟ وحطي بالك من الدراجة الثابتة ترى موزينة للركب وأحسن رياضة للمفاصل الرياضات المائية بس لازم مدربة شاطرة ويفضل تاخذين كورسات علاج طبيعي بالماي مع متخصصة وترجعين بعدين لنشاطك المعتاد بإذن واحد أحد .



Lady80

الوحيدة اللي تفيدك توتة البنوتة اهيه مستشارتنا




JUDITH

بكره عمليتك الله يسهلها وتقومي بالسلامة ومافي إلا العافية إن شاء الله وحياج الله




سنكرس الأمورة

على هالاسم ترا بناكلك كلنا هني عايشين مجاعة :p
شوفي ياطويلة العمر إنتي سويتي نفسي أنا أول ما خفت آلام العملية بطلت موضوع الرابطة من صفحة 1 وقريت المشاركات وحدة وحدة تخيلي إني بعد شهرين اشتركت وياهم .
وبنات السعودية الأجاويد ماراح يقصرون بالإجابة عليك




وله القلوب

ضحكتييييييييني لما قلتي "ماراح يلقون بنات يستحملون غرفة العمليات بس علشان يضعفون " ذكرتيني بصديقتي مرة كان عندنا مطر متواصل والناس قاعدة ببيوتها أما أنا وصديقتي كنا رايحين لدكتورة تغذية ووصتنا لازم مشي ساعة يومياً تحسبين طوفنا اليوم ؟ مشينا تحت المطر والله الحريم يوقفون سياييرهم يقولن تبون نوصلكم بيوتكم ؟ وإحنا نقول لا حدنا مستمتعين وعقب ما تمشي الحرمة رفيجتي تقول طل بويهنا إلا دبب ونتحدى عوامل التجوية والتعرية ويالله يفيد فينا .

مناهل : اهلين شلونج شخبارج

والله انه مصدقتج لانه الاشياء الطبيعيه وايد يستفيدون منهاا وايد ناس وبلتوفيق ان شاء الله

بس انه في هل وقت الحالي ماقدر استخدم شي لانه انه ماشيه على علاج من الدكتور فماقدر استخدم علاجين مع بعض
ان شاء الله ينفع العلاج الي انه استخدمه الحين واذا مانفع ان شاء الله راجعه للاعشاب الي قلتيلي عنه


وله لقلوب:

اي صج بنااااات نسيت انه بعد اقولكم خبركم انه بعد العمليه مادخلت النت اله بعد سبوع لانه وايد تعبت
فالحين مادام وله القلوب افتحت الموضوع خله اقولكم شلون تعرفت عليهاا
وطبعاا لقاءنه الاول من المنتدى وبعدهاا في المسنجر وطبعاا الحمدالله انهااا عرفت اسمي الحقيقي وله جان بتتوهق مسكينه في المستشفى جان بتدور الاسم الخطا ههههههههههههه جان صج فشيله

المهم اول مادخلت علي الغرفه اهلي حواليني كانوووو وانه ماعمري شفتهاا وله شافتني تخيلووو
وانه كان تاثير البنج علي وااااااااايد قوي والله
فدخلت كان البوكيه الورد في يدهااا كان فننننننننن شكله هههههههههههههههههه ثنكس وله :)
المهم دخلت اله اتقول هذي غرفة * بنت الكبيسي *قالول لهاا الاهل اي هذي غرفتها المهم قعدت وتسولف معاهم وانه طبعاا مادري راقده شوي وقاعده شوي كله من تاثير البنج المهم
وانه اقول في قلبي من هذي مسكينه اكيد يايه الغرفه الغلط واهلي مايعرفون عبالهم وحده معاي في الشغل او الجامعه ههههههههه
اخر شي قالت * بنت الكبيسي * بنات الرابطه يسلمون عليج ههههههههه انه اهني ياتني العبره والله بغيت اصيح قلت في قلبي والله انه الدنيا لين الحين بخير وفي ناس كفوو والله :) وماتقصر وله القلوب :)
وقلت لهااا انه ماخبر انه في بحرينينات في الرابطه اله وحده واهي وله القلوب اله اتقول ايي صح وانه وله القلوب
وااااااااااااااااااالله فرحت واحس انه شعر جنبي وقف لانه شعور غريب واصلا ماتوقعت والله :)
زوجي قتله السالفه اله يقول بووووووو زين واستانس من قلبببببببببب ويقول والله الدنيا بخير :)




ameena82:

هلا حبيبتي العمر كله
وكل عام وانتي بالف خير مقدماا والله يثبتج في شغلج
ويعطيج الامنيه الي في بالج ياربي