مناهل
الله يقطع شيطانك , موتيني من الضحك , ويلوموني فيك , قمة التلقائية والبساطة , والصراحة بعد ,
الحين قاعدة تصيحين وتهاوشين بالدكتور وانتي ماخذة راحتك بالاكل
اقرا اللي انتي كاتبة و كأني أشوف تمثيلية , أتوقع النهاية سعيدة يعني توقعت لما نزلك الدكتور من الميزان , وداك ميزان ثاني لان الأول عطلان ولما قاس وزنك لقاه نازل , كنت أتوقع هذي النهاية , لكن بإذن الله لما توضقي زيادة بيزيد النزول
ياليت يامناهل تحطين بتوقيعك تاريخ العملية ووزنك لما سويتيها
أوجعني بطني من سالفتك , لأن موعدي الأحد الجاي ( مو تضويق لأن دكتوري ماعنده طاري يضوق ) بس وزني الحين بين 83.5 وبين 84
والدكتور كان قال لي ابغى يكون وزنك الزيارة الجاية 75 يعني يحلم حضرته , شكلي بأبدا فيه قبل ما يبدا فيني , يعني تماما زيك يامناهل انط فيه واهاوشه وأقول لأنك ما تضوق زي الاوادم , فأهاوشه قبل ما يهاوشني ( واثقه انه بيزعل مني )
بس صراحة دكتوري يحلم كان يبغاني بشهر أنقص من 87 حتى 75 ولا في الاحلام

المتحمسه

ريحي راسك ولا تروحين بموعدك اخريه شويه

عشان ما يهزئك وانتي قدام زوجك بتسكتين

وبعدين تقولين عن التجليد انا اصلا بي طبع

لو عيالي يسوون شي لانفسهم احس اني مذنبه

مانب احب ادلع بس احب اكون وافية معهم بشغلي لهم

الله المستعان

ام عتريسة لا تزعلين على التجليد

الان فيه تجليد فقط مقصوص بالضبط على الكتاب

تحطين الكتاب بالمنتصف وتشيلين خط وسطي وتبدين تسحبين يعني بدون طويه تحوسك

ههههههههههه موتيني ضحك على استغفالك لنا

يعني كان وزنك 60 كيلو وعمليتي العمليه مش حرام عليك تتعبثي بنفسك ؟ والا فاضية يعني قلتي تشغلي روحك باللألم

خخخخخخخخخخخخخخ

رروووووزا

زمن فرعون هذا مأرخينه احنا لاننا قبله انولدنا

يا شيخه انا شخصيا ما اعترف بالعمر >>>تعرفين الحرمه متى تبدا ما تعترف بالعمر .؟

انا لما قريت اعماركم قلت يا شيخه انتي العقيد حقهم بس اسكتي ولا تتكلمين

فلو سمحتوا مراعاة لمشاعر وحده متدبسة ما نزلت شي يذكر للحين ونفسيتها مابين اخذ وعطاء

لا احد يسالني عن عمري او وزني

احترموني على لااقل بينكم >>ما احد داس لك على طرف يا شيخه

ازين شي اليوم اخوي نمشي بالحديقه انا وزوجته وقالي والله ما رعفتك شكلك بالعباية مره ضاعفه


بغيت انط من السياره وامشي على رجليني اكثر >>قمة الحماس اللي يودي بداهيه


نعناعه الف الف مبروووووووك يا اختي

والله يتمم لك على خير وعافية ويفرح قلبك بالمولود الطيب السليم

بس لازم تراعي الاكل المفيد ومثل ما قالوا الاخوات وسعي الحلقه وخوذي راحتك بالطعام المفيد


امينه يا شيخه انتي روعه

الاسبوع هذا جايين الكويت وبتذكرك بكل شوارعها >>>قمة الرومانسيه

صديقتي كويتيه عسسسسسسسسل عندي بالشرقية تذكريني بكلامها وانطلاقتها ...


تحياتي للجميع


وين زعلانه يا عالم مالها حسسسسسسس ولا رسسسسسسسسسسس

منااااهل

والله سالفتك سالفه ههههههههه

من جدك ناسية وزنك قبل العمليه ؟

زين من الدكتور قعد يطمنك وسمع لك

لو شايفه الدكتور اللي سوى لنا العمليه قسم مافيه امل تتدلعين عليه :D

شوي وانا اكتب عنه الروشته هذا

اهم شي لا يزعل علي :06:

الله يرحم ايامك يا دكتو جوجو خخخخخخخخخخخخ

لاني من عقب العمليه ما شفته ولااااااااااااااااااااااااا ابي اشوفه:35:

زووف
والله شكلي فعلا أأجل موعدي أبكلم موظف المواعيد واذا قال متى تبين الموعد أقول له حطه بتاريخ 75 طبعا الموظف يبي يقول هذي مجنونة رسمي , ويبي يحولني لعيادة الامراض العقلية , بس انا مو مجنونة أنا فاهمة بالضبط وش أبغى أنا أبغى موعدي مو بيوم 75 لا بوزن 75 أقول . ,. . . أبروح بكرامتي لعيادة الامراض العقلية لان شكلي احتاجها ( كل هذا وانا ما اخذت حبوب التخسيس )
عاد بصراحة ابغى اغير موعدي على الاقل اسبوعين واحاول أطل على السبعين يعني لو يصير وزني 79,9 أبغى انط بعيونه
بعدين يا زووف شاطرة على دلال عيالك , والله ما خرب عيالنا الا هالدلال أنا ولدي عمره 9 سنوات ومن زود دلالي له ما عنده أي مشكله يحط وانتي بكرامه جزماته قدامي ويتمدد قدامي ينتظرني البسه الجزمة والشراب ( ياويلي من اختي لي لي ما تطيق هالبياخة والدلع وهي ما تسميه دلع تسميه خراب )
وبعدين شوفي اذا ما قلتي وزنك معناتها كبيييييييرة واببدأ أقول لك خاله زووف , لأني بسم الله علي ما دخلت العشرين
وبعدين لما تكلمت عن التجليد ما كنت اتوقع احد يبي يعطي الموضوع وجه , لكن ماشاء الله اخذ ابعاد اجتماعية وسياسية وماديه وغيره
الا على فكرة تتوقعون اهل اليونايتد كينقدوم ( أم يحيى 2 ) تجلد كتب عيالها ؟؟؟؟ أبسألها ( أنواع القراوة )
أم يحيى 2
أخبارك ؟؟ عندي سؤال تعرفين يعني إيش تجليد الكتب ؟؟؟ هل سبق وان قمتي بهذا العمل في المملكة المتحدة ؟؟ اعترفي معاك الاف بي آي ( أو صح هذي لامريكا , أجل انتم وش اسم مباحثكم ؟؟ )

أم عتريسه
سنه حلوه ياجميل 33عز الشباب والثيب ماله دخل بالعمر عندك أنا عمري 25وعندي شيبتين أكيد لما اكون 30 بيصيرون ثلاثه ولما أصير 40 بيكونون اربعه ولما أكون 50 بيكونوا خمسه ولما............وهكذا بس المهم ماراح اشيب اكثر من 10شيبات أكيد وهذا المهم

كوكيتا
اللي سويتيه اكبر غلط على بالك لو الحزام بيتحرك مابتحسين بألم ؟ لابتتألمين لاتسوين تجارب هالشاورما مره ثانيه ناقصين غصغصه لما قريت تجربتك غصيت وأنا جوعانه الله يهديك


نعناعه
هلا والله نورت الربطه من طول الغيبات جاب الغنايم ألففففففففف مبررررررررررررروك ياقمر والله يتمم لك على خير وتشوفين بيبي يقولك ماما بس ابيك توعديني إنك تعلمينه إن عنده خاله كتكوته إسمها روووزا وتسلم عليه وتبوسه
نعناعه حبيبتي ماأأيد إنك تشيلين الحزام وماله داعي تشيلينه الأفضل التوسيع للآخر بس شيل إنسي تونا عالشيل وماأمداك وجايك الوزن بعد الولاده اللي لازم ينقص فخلي الحزام بس وسعيه عشان المستقبل


مناهل
ياااااااااااي ياعيني عالدلع إحمدي ربك إنك نازله وهذا أهم شي تخيلي لو وزنك ثابت وش تسوين؟؟؟الحمدلله ومبروك النزول وللأمام


زوووف
العمر عمر الروح مو الرقم وعمر العمر ماكان حاجز بالعكس العمر خبره تصدقين بيني وبين أختي 6سنين وربي اللي يشوفنا يقول سنه بالكثير سنتين لاوأزيدك من الشعر بيت كنا معزومين يوم الخميس اللي فات ناس أول مره نشوفهم يحسبون أختي أكبر مني مشت عليهم اللعبه كخخخخخخخخخخخخ بس عاد قلنالهم بالأخير إني أكبر ماصدقوا