lمتحمسة :

زووف والله شكلي فعلا أأجل موعدي أبكلم موظف المواعيد واذا قال متى تبين الموعد أقول له حطه بتاريخ 75 طبعا الموظف يبي يقول هذي مجنونة رسمي , ويبي يحولني لعيادة الامراض العقلية , بس انا مو مجنونة أنا فاهمة بالضبط وش أبغى أنا أبغى موعدي مو بيوم 75 لا بوزن 75 أقول . ,. . . أبروح بكرامتي لعيادة الامراض العقلية لان شكلي احتاجها ( كل هذا وانا ما اخذت حبوب التخسيس ) عاد بصراحة ابغى اغير موعدي على الاقل اسبوعين واحاول أطل على السبعين يعني لو يصير وزني 79,9 أبغى انط بعيونه بعدين يا زووف شاطرة على دلال عيالك , والله ما خرب عيالنا الا هالدلال أنا ولدي عمره 9 سنوات ومن زود دلالي له ما عنده أي مشكله يحط وانتي بكرامه جزماته قدامي ويتمدد قدامي ينتظرني البسه الجزمة والشراب ( ياويلي من اختي لي لي ما تطيق هالبياخة والدلع وهي ما تسميه دلع تسميه خراب ) وبعدين شوفي اذا ما قلتي وزنك معناتها كبيييييييرة واببدأ أقول لك خاله زووف , لأني بسم الله علي ما دخلت العشرين وبعدين لما تكلمت عن التجليد ما كنت اتوقع احد يبي يعطي الموضوع وجه , لكن ماشاء الله اخذ ابعاد اجتماعية وسياسية وماديه وغيره الا على فكرة تتوقعون اهل اليونايتد كينقدوم ( أم يحيى 2 ) تجلد كتب عيالها ؟؟؟؟ أبسألها ( أنواع القراوة ) أم يحيى 2 أخبارك ؟؟ عندي سؤال تعرفين يعني إيش تجليد الكتب ؟؟؟ هل سبق وان قمتي بهذا العمل في المملكة المتحدة ؟؟ اعترفي معاك الاف بي آي ( أو صح هذي لامريكا , أجل انتم وش اسم مباحثكم ؟؟ )

زووف والله شكلي فعلا أأجل موعدي أبكلم موظف المواعيد واذا قال متى تبين الموعد أقول له حطه بتاريخ ...

ام يحيى2 :

متحمسة:26: يصراحة انا عارفة التجليد كويس بس عمرى ماجلدت كتب لاولادى مفيش هنا تجليد ولاكتب ولاكراسات كلوا داخل المدرسة والمباحث تبعنا هى اسكتلند يارد مناهل:26: معلش متزعليش نفسك خطوة خطوة وابدائى من الاول يعنى كام يوم سوائل وبعدين رجيم ينسبك وجربى حسي فصيلة الدم

متحمسة:26: يصراحة انا عارفة التجليد كويس بس عمرى ماجلدت كتب لاولادى مفيش هنا تجليد ولاكتب...

ضحى أحمد :

نعناعه .. بسم الله ماشاء الله الف الف مبروك على الحمل ربنا يتم لك على خير .. كنت هقولك خلي الدكتور يوسع لك على الآخر بس بما انك بتقولي موسع لك على الآخر فاظن مفيش آخر بعد الآخر .. على كل حال لو مفيش اي مجال للتوسيع يبقى امرك لله اعتبري نفسك مدبسه زيي وتعالي صفي معايا على الرف .. هبعت لك رساله خاصه فيها التفاصيل ومتعايشه ازاي مع الحمل والدبابيس .. نسيت اقولك .. اوعي اوعي تفكي الربط مهما كان البنج مش كويس ابدا على الجنين وفي نفس الوقت حرام تضيعي مجهود الشهور الي فاتت وتعب العمليه وتبدئي من الصفر .. استخيري النهرده وباذن الله هترتاحي لعدم شيل الربط واديني قدامك مثال متبهدله من الناحيتين ترجيع من الحمل وترجيع من التدبيس بس مقداميش غير كده .. استحملي وباذن الله هبعت لك رساله بعد شويه او بكرا بالكتير المهم متشيليش الربط ابدا .. واستخيري طبعا قبل كل شيء .. زوف .. تعرفي اني كنت فاكره اني عجوزه او بمعنى ادق كنت مقتنعه اني كبرت جدا وخلاص راحت علي .. لغايه ماجاء اليوم الي رحت فيه عشان استشير الدكتور في اني اعمل التدبيس.. كنت لسه بفكر في العمليه معرفش عنها حاجه .. فقالي انها مناسبه للناس الي تحت الاربعين سنه .. المهم رجعت البيت وشرحت لهم الفكره وقلت انه قالي كده وانه قال ان الي تحت الاربعين افضل لان جسمهم مش بيترهل زي الي فوق الاربعين .. قلت لهم اكيد بيقولي كده عشان انا فوق الثلاثين بس لو كنت في العشرينات كان قالي الي تحت الثلاثين .. فجاه وانا بقول الجمله دي اكتشفت ان عمري في ذلك الوقت 32 سنه .. اكتشفت اني لسه صغيره اوي .. يعني لسه شباب وده عز السن الي الي الدكتور يبقى فرحان وهو بيعمل فيه العمليه .. والله لاول مره من سنين اكتشفت في اللحظه دي اني لسه صغيره مش زي ماانا حاطه في بالي اني خلاص كبرت وبقيت مدام بقى .. حتى لبسي وتصرفاتي تصرفات ولبس وحده عيالها على وش جواز .. من بعدها اكتشفت اني صغيره وان بنتي صغيره جدا واني ممكن امشي اتدلع معاها في الشارع .. تصدقوا اني من اربع سنين بس كنت عروسه .. والله كانت ايام .. الخلاصه .. احنا كلنا لسه صغيرين وطالما لسه موصلناش الاربعين يبقى لسه عرايس ولما نوصل الاربعين هنبقى لسه شباب في الخمسين بقى نبدأ نفكر اننا نركد وننهد شويه استعدادا للستين الي هنبقى بدأنا نكبر لما نوصلها .. مناهل .. منك لله قتلتيني ضحك .. لما قلتي طلعت على الميزان تخيلتك في الرابح الاكبر وقلت اكيد نصابين هيزودوها في الوزن زي مابيعملوا في الحلقات .. فعلا لقيت وزنك زايد لما قلتي الدكتور سحبك من ايدك قلت اكيد هيوريكي الميزان المظبوط وان التاني خربان .. لما طلع كلامه صح احلى حاجه انك طلعتيه هو الغلطان فكرتيني بنكته بس للاسف قليله الادب مينفعش اقولها بتاعت الظابط والعريف ليله زواجه .. الي عارفها يقولهالها لاني للاسف اضحك على النكته بس مقولهاش :) المهم مش النكته الي ضحكتني .. الي ضحكني كلمه الدكتور لما قالك ربطت لك ربط حيوانات .. انقتلت على نفسي من الضحك في نفس اللحظه كانت الست عتريسه داخله علي بتقولي انا عملت ببي ( حمام اكرمكم الله ) على الارض .. انا بصيت لها وانا بضحك وبعدين دورت وشي تاني للشاشه وكملت ضحك وقهقهه وفي النص اكتشفت انها ارتكبت جريمه وان المفروض اكشر في وشها عشان متكررهاش .. منتبهتش غير وهي بتقولي بصوت مرتاح مش هعمل كده تاني .. التفت لها عشان اكشر برضه مقدرتش كلمه ربط حيوانات بترن في دماغي وقعدت اضحك برضه .. منك لله يامناهل لو عملت على الارض تاني هتبقي انتي السبب فسدتي اخلاق البنت مهي متعرفش انا بضحك على ايه .. على الببي طبعا .. متحمسه .. ازاي متخيله تتكلمي عن التجليد وانا موجوده ويمر الموضوع مرور الكرام .. كان مره في مسلسل من حلقه واحده اكيد في حد منكم شافه .. عباره عن قصه عالميه بس تمثيل مصريين ان كان في المانيا يمكن وقت الحرب وكان في واحد راح يحارب كجندي بعدين القائد بتاعه اعصابه تعبانه ( على فكره ملهاش علاقه القصه بالنكته بتاعت مناهل ) المهم الجندي ارسل لاهله قالهم انا هرسل لكم القائد بتاعي لان اعصابه تعبانه يقضي معاكم وقت في الجبال ـ مهم كانوا عايشين في الجبل ـ عشان يريح اعصابه بس اهم شيء اهتموا بيه جدا ولبوا كل طلباته عشان يريحني لما يرجع الكتيبه .. المهم القائد راح حول حياه الاسره لجحيم لانه فاضي وطول النهار يدي اوامر .. بعدين قالهم انتم بتسلوا نفسكم في ايه .. قالوا له بنعمل علب عشان نحط فيها شاش وقطن للجنود .. قالهم روعه انا مشترك معاكم في الحكايه دي . . راح معاهم المخزن الي بيعملوا فيه العلب وبدأوا يصنعوا علب كرتون عشان الشاش .. القائد عجبته الفكره جدا وقعد يأمرهم يعملوا علب كمان اكتر واكتر .. يقولهم علبوا .. علبوا .. انا بعلب احب اعلب .. بعدين مش عاجبه القطاعه الي بيقطع بيها الورق لان حجمها صغير راح خلاهم عملوا له قطاعه كبيره تقطع ورق بكميه اكبر عشان يعلبوا اكثر .. المهم طلع عين الاسره الاب والام والاخوات بس هم صابرين عشان ابنهم الجندي ميتأذيش .. والقائد ليل نهار يقولهم أعلب يلله نعلب مفيش وقت ممنوع النوم يلله كله لازم يعلب .. المهم بعد ماطلعت عينهم جاء لهم جواب من الجيش ان الابن مات في الحرب .. راح الاب بكل بساطه للقائد وحطه في القطاعه وعلبه .. اهو انا بقى معروف عني في البيت ان هوايتي الاثيره اعلب ودائما امزح مع بابا واقوله هعلب الحاجه الفلانيه وهو يقولي خذي علبي دي هو شاف معايا المسلسل وفاكرينه من وقتها .. بس انا طلعت بفائده من المسلسل بعلب يدويا مش بستعين ابدا بقطاعه وإلا كان ارتحتوا من زماااان ..

نعناعه .. بسم الله ماشاء الله الف الف مبروك على الحمل ربنا يتم لك على خير .. كنت هقولك خلي...