زووف
ألف شكر على الكلمة الحلوةوأنا أردها لك يا بعد معدتي , أحرجني كلامك الحلو يا عيوني , وهذا بس من ذوقك , ويارب الوزن ينزل مع يوم الاوف , وشجعني كلامك عن زميلتك , وعلى قولتك لا تخربينها مرة ( أصلا ما أقدر اخربها مرة لأن معدتي مربوط أبو اللي جابها , والاكل محدود ولا كان بطني يعورني ,
وعلى فكرة لما قريت كلامك تذكرت إني ما اخذت اليوم الفيتامين بعد الغدا , وجا ببالي سؤال ليش تشيلين هم لأخذ الفيتامين
Ameena82
ماشااااااء الله عليك واسمحي لي استخدم كلامكم ( عفيه على الشاطرة وعيني عليك باردة على النزول ) وفعلا الالتزام لازم نتايجه تبين وما في شي يضيع , وان شاء الله تشوفين النزول اللي يحبه قلبك
أم يحيى 2
ما تدرين شكثر غاليه علي واحبك , واحس انك مرة ثقيلة ( مو وزنا , ولكن عقلا وحكمة وقلة كلام , وأحس تحققين مبدأ اذا كان الكلام من فضة فالسكوت من ذهب , وخير الكلام ما قل ودل ) ولكن هذا كله لن يشفع لك فأنا أحس انك قاعدة على قلبي ومسويه لي ضغط وشحن نفسي رهيبين , والا اقول لك شيلي شريط الوزن عشان ارتاح , لكن بصراحة انتي قاعدة تقنعيني بالنظام اللي يعتمد على فصيلة الدم
أ م عتريسة
الله لا يحرمك اجابة ما دعينا لك , واذا تذكرين كثيرات تكلموا لك عن حملهم اللي تم ولله الحمد مع انه معه نزيف
وله القلوب
فكرتك حلوة من جميع النواحي بس أحس شهر كثير ليش ما نخليها اسبوعين ؟؟ اتفق العرب على ألا يتفقوا
رووزا
شكرا على تشجيعك , وتصدقين صرت لو يجي على بالي شي نفسي آكله , أقول يوم الاربعاء قريب
تدرون أنا صرت مدمنة بطاطس مشوي , أغلفها بقصدير , وأزج بها بالفرن , ساعة لساعة ونصف , وبعدين أهرسها وأرش فوقها ملح , وثوم بودرة , وبعد كذا أنثر فوقها بازلاء مسلوقة وأستمتتتتتتتتتع في الطعم , وطبعا أقصد بكلمة مدمنة , إني بالاسبوع اسويها مرتين
, رحت يوم الاربعاء لأهلي وأنا داخلة بالعباية , صرخت اختي تقول صغرتي عن أول , وراح الشكم اللي بكتوفك من جهة الظهر ياربيه ضاااق صدرررري مررررة خسارة كنت تعبانه عليهم هاشحوم وانا اجمعهم وبعدين كذا باردة مبرد تضيع تحويشة العمر ؟؟؟؟؟؟؟
على فكرة , قريت الرابط حق ام عتريسة ( الله يثبت حملها ) يوميات متدبسة , ومت من الضحك يسألونها كم وزنك قبل تسوين العمليه ؟ قالت لهم كان 63 كيلو لكن الثلاثة كيلو اللي فوق الستين ضايقوني وقلت لازم اتخلص منها عشان كذا سويت تدبيس ( عاد تعرفون ام عتريسة وعيارتها ) والمسيكينات اللي بالمنتدى يسألونها ببراءة وطهارة قلب : حرام عليك تسوين عمليه عشان ثلاثة كيلو , وواحدة تقول انا الرقم ما طلع عندي صح ...... حرام عليك يا أم عتريسة اللي تسوين في الضعيفات
الصفحة الأخيرة
هلا باول المتسابقات روزا وانا الثانيه مين الثالثه والرابعه يا الله يا بنات للحماس والتحدي للقضااء على الشحوم الضاره في اجسامنا