الكيكة :

أهلين بنات .. ماقريت ردودكم بالتفصيل بس قريت عالسريع كل اللي مكتوب يمه الكيكة أنا سويت العملية بالمستشفى العسكري عند الدكتور محمد العجمي سنة 2006 وزني الحين بالسبعينات و اهو الوزن المناسب لطولي و عظمي اللي متحزمه و تبي تضعف بدون رجيم ماعليها الا انها تقطع الحلويات مره وحده و خصوصا عدونا اللدود الكاكاو و تاكل اللي تبي و اللي تشتهي .... أصلا كمية الأكل غصب علينا قليلة جدا جدا .. أقل من أكل الياهل و اللي تحس انها قامت تاكل وايد تروح اتضيق الحلقه شوي علشان اتقلل كمية الاكل و صدقوني الوزن بينزل أنا معدل نزولي بطيئ ... تقريبا كيلو بالشهر و مرات كيلوين و مرات ولا كيلو ... عادي لا تشيلون هم الوزن خلوه ينزل على راحته الاخت اللي اسألتني اذا سويت شد بعد النزول .... لا ماسويت لان جسمي ما ترهل و لله الحمد مشدود و سمبتيك جني بنت مو يايبه عيال ... يمكن ان النزول كان بطيئ جدا قمت البس سايز سمول أو ميديوم ....و جينزاتي سايز 30 او 32 حسب الموديل و عكس البنات اللي يقولون انهم قاموا يلبسون كعب عالي و اكسسوارات .. انا عكسكم كنت البسكعب لما كنت متينه و وايد شايله هم اللبس و ازهب ملابسي من الليل ... اما الحين زادت ثقتي بنفسي و قمت البس لبس سمبل و جواتي فلات و ما ادقق وايد عالاكسسوارات و المكياج لاني صرت حلوه و نعومه جني بيبي و كل شي علي حلو :) اعبالكم

أهلين بنات .. ماقريت ردودكم بالتفصيل بس قريت عالسريع كل اللي مكتوب يمه الكيكة أنا سويت العملية...