ضحى أحمد :

زيزو .. انا كنت زيك في مسأله تساقط الشعر وكان مقدمه راسي اصبحت صلعاء تماما يعني ظاهره ارضيه الراس بشكل واضح للاعمى .. المهم رحت لدكتور جلديه كتب لي على دواء اسبراي اسمه هير باك تركيز خمسه في الميه مش اثنين في الميه ( بيؤخذ للصلع الرجالي على فكره ) اخذت معاه حبوب فيتامين مشكل + حبه زنك مره في اليوم .. الاسبراي ببخه على مقدمه الراس بس بختين بالظبط وادلك باطراف الاصابع دقيقه ولا دقيقتين ومغسلش شعري بعدها اتركه عادي .. ابخ مرتين فيا ليوم مره الصبح اول مااصحى ومره بليل قبل ماانام .. الدكتور نبه علي اني مزودش عن بختين واني التزم تماما بمرتين في اليوم وقالي متنتظريش اي نتائج قبل ثلاث اشهر ولازم تستمري عليه سنه كامله .. كنت بغسل وشي كويس بالماء وايدي بعد الاسبراي ده لان اختي جربته قبل كده وطلع لها شعر في وشها قعد فتره على ماوقع فاغسلي وشك احتياطي بعد الاستخدام دائما .. المهم بعد ثلاث شهور لاحظت في جذور صغيره جدا باينه في ارضيه فروه الراس .. بعد اربع شهور ماشاء الله اصبح مفيش مجال لشك ان الشعر طلع واضح جدا .. شعر طوله حوالي اثنين سانتي وباين جدا وارضيه الراس بدأت تختفي .. بس لاحظت كمان ان شعري بدأ يتساقط اكتر يعني تقريبا القديم بدأ يسقط ويطلع مكانه جديد .. بعد حوالي خمس شهور او اقل شويه حللت وطلعت حامل فبطلت الدواء طبعا .. الحمد والشكر لله شعري دلوقت تمام التمام احسن من قبل العمليه كمان .. طبعا الحمل له دور بيحسن الشعر وبيرجع يتساقط تاني بعد الولاده مش مشكله لكن تأكدت بنفسي ان علاج الدكتور جاب نتيجه وشفت بعيني شعري طلع مره تانيه حتى الكوافيره كانت مذهوله لانها كانت بتأكد لي قبل كده ان ان الي راح عمره مابيرجع .. جربي الادويه دي وباذن الله هيطلع شعرك عن تجربه وعلى ضمانتي .. ======= داخله الرابطه النهرده ومتخيله نفسي ماسكه علبه قشطه او كريمه وعماله آكل فيها ( بصوابعي ) وفاتحه فمي وبقول هو فيه ايه .. كله مشغول بموضوع المسابقه وانا قاعده على الرف بكيس مليان سندويتشات بتقطر سمن وزجاجه بيبيسي اثنين ليتر .. ماشاء الله تبارك الله ربنا يبارك لكل الي نزل وزنهم وهاردلك للي لسه منزلش ان شاء الله ينزل الاسبوعين الجايين .. عندي اقتراح بعد اذنكم ولو اني مش مشاركه فيا لمسابقه .. ياريت متستبعدوش حد زي ماقلتكم ويكون التقييم النهائي بنسبه النزول في الوزن مش بالكيلوات .. يعني نسبه الوزن المفقود للوزن الاصلي اول المسابقه .. لان حرام الي وزنها فوق الميه اكيد هتنزل بالاثنين ثلاثه كيلو لكن الي في السبعين ولا الثمانين دي كرامه لو نزلت كيلو ولا اثنين بالكتير خالص في الاسبوعين دول .. النسبه بتبقى تقريبا ثابته يعني انا كنت بدون كل شهر نسبه نزولي لقيتها في اول شهر بس عاليه جدا لكن بعد كده بقت بتتراوح بين 2 إلى 3 في الميه من وزني فالحساب بالنسبه اسهل واعدل .. ياريت كمان يكون في تقييم يشمل الي عامله العمليه بقالها كتير من الي عامله بقالها يومين تلاته .. يعني اكيد الي لها شهر ولا اثنين عامله العمليه من غير ماتعمل رجيم حتى هينزل وزنها على الاقل ثلاثه اربعه كيلو في الشهر حرام تتساوى مع الي لها شهور ولا حتى معديه السنه دي لو موتت نفسها رجيم ونزلت كيلو في الشهر تستحق عليه جايزه .. ولا ايه ؟ ( وحده بتتحسف لان باذن الله هكمل السنه الشهر الجاي وشكله وزني ثبت على كده ) انا ممكن اساعدكم بملف اكسل يحسب لكم اوتوماتيكي مين نزل ومين زاد والنسب المئويه لكل وحده بس اكتبوا لي بالظبط عاوزينه يظهر ايه من نتائج ومين هتكون مسؤوله عن ادخال البيانات فيه عشان اعمله وارسله لها .. وربنا معاكم باذن الله يارب والكل يستفيد من العمليه وينزل وزنه على خير .. بنات .. متنسوش الفيتامين عشان محدش ييجي يعيط بعد كده ويقول حصلي .. لازم حبه كل يوم وتشربي الحليب وتغسلي اسنانك ورجلك وتنامي بالعافيه ..

زيزو .. انا كنت زيك في مسأله تساقط الشعر وكان مقدمه راسي اصبحت صلعاء تماما يعني ظاهره ارضيه...