السلام عليكم
طبعا اليوم دوام ..ومشاغل والله يعينا ...ادعو لنا بالتوفيق
***
حبيبتي المرموحة انت القمر ..تسلمي ....
ربنا يعينك على الصحون ..ههههه
****
راقية ...حلوة الاجازات ربنا يهنيكم فيها
وربنا يخليلك اولادك ..وفعلا سن الثلاثين احلى شي
ان شاء الله نقضي عمرنا جميعا بطاعة الله
***
الغالية ام منصور
ولو ولا يهمك ...مخلل اللفت ولا اسهل منه
او لا نغسل اللفت جيدا من الاتربة والاوساخ ....بعدين نفرمه حسب الحجم اللي بدك اياه والمناسب بس المفضل ما يكون خميل كتير ولا رقيق كتير
...بعد ما نفرمه نرش عليه ملح ونترك في وعاء زجاجي او بلاستيك لعدة ايام وطبعا نقلبه من حين لآخر حتى ما يخرب
في ثالث يوم نحضر الماء المملح ..طبعا الوالدة حضرت على التلفزيون للدكتور محمد ابوراشد انه الافضل تمليح المخللات مثل ملح الزيتون ونتركه شهر (بس بيطلع مالح كتير )
المهم نرجع لطريقتنا
بعد ما ملحنا الماء ...نفرم اما شمندر او جزر احمر ...طبعا لان ما في غزة شمندر فعملناه بجزر احمر (علشان يعطيه اللون )
لو ما في شمندر او جزر احمر ..نستخدم صبغة الخل ..علشان اللون الاحمر ..بس طعم الجزر شي ..بيجنن
وطبعا نضيف الليمون والفلفل حسب رغبتنا
....مخلل اللفت ..طعمه طيب وبصراحة يا دوب يومين وبيكون مخلص..لانه في البيت بيحبوه كتير
اتمنى اكون شرحت منيح
واي استفسار انا جاهزة
***
وتمنياتي لكم بيوم سعيد وموفق من الله

أم منصور
بانتظار مواضيعك حبيبتي، تنسيناش

فطوم فطاطيم
العمر كله حبيبيتي، الله يرزقك بالزوج الصالح ، تقلقيش علي ولله الحمد مستمتعة بحياتي رغم إنه معظمها مسئوليات بس مستمتعة بمسئولياتي، بس الصراحة خايفة من التجاعيد كيف كان الوضع امبارح باول يوم دوام إن شاء الله كل شئ تمام، إنتي مدرسة وكالة ولا حكومة.

ما شاء الله مبين عليك ست بيت شطورة، هلأ أنا صارلي 10 سنين متجوزة ولا مرة علمت مخلل

أرجو عفو ربي
الف حمد لله على السلامة، إن شاء الله مصر كلها بترجع آمنة زي زمان، الله يستر إحنا يوم الجمعة الجاي 11 فبراير في دعوة لمظاهرات لإنهاء الإنقسام، الله يستر
وبانتظار يومياتك حبيبتي بالتفصيل حتى لو ما كانت أعمال بيت، الواحد ما عارف يصدق مين ولا مين من القنوات

رقروقة
إن شاء الله بتكملي الدرزن، وأنا نصه بيكفيني، بس يعني هلأ أنا ما فهمت إنتي فوق الثلاثين ولا أقل يعني شو قرمبع، وبعدين ما شاء الله عليك حرام خلي هالشغالات ياخدو إجازة معاك، الله يسعدك يا رب

بنات ما اقترحتوا شئ نجتمع لإنجازه الأسبوع هذا، يلا وين الهمة

للة درك ما اشمل طرحك وارق واعذب افكارك فلقد اختصرتي لي ما كنت ابوح بة بعد خدمة 23عاما من العمل فبوركت جهودك:angry::angry::angry:

السلام عليكم
اهلا وسهلا ام انس وميدو ...
***
حبيبتي ما تخافي من التجاعيد ...اهتمي بنوعية اكلك واشربي مية كتير ...وما تفكري بشي
بتخاف التجاعيد تقرب عليكي ...
***
انا مدرسة بمدرسة خاصة ...بالاضافة اني بعمل بمجال التدريب
والحمدلله كان اليوم تمام ...في شوية تغييرات ...بس بجد انا بحب طلابي كتير
والحمدلله محبوبة من كل الطلاب
***
بالنسبة للطبيخ واعمال البيت انا بحبها كتير
يعني يوم المعجنات والطبخات الغير يوم الجمعة بالغالب بعملها ...الا المفتول ...انا وياه مش صحبة
بس مخللات ..مربيات ..وهيك شغلات بحب اتعلمها واعملها
****
على فكرة يا ام انس انا اللي بيشوفني بيعطيني 20 سنة او اقل ههههههههه وراثة شو نعمل .....
****
الاخت ماسة ...اهلا وسهلا فيك بملفنا ...
***
الصبايا الباقيين ...موظفات حواااء وينكم ؟؟؟؟؟
بانتظاركم

فطوم مشكورة عزيزتي و هذه الطريقة لكل الخضر مثل الجزر و الخيار و لا بس اللفت؟و قد إيه و يكون جاهز للأكل ؟؟
أم أنس الله يجزاكي كل خير على التشجيع و الرد بأفرح كثير لما ألاقي حد فاكرني