النرجسية
ماشاء الله الله يزيدك سعادة وهناء

فطوم
عظم الله اجركم وغفر لميتكم
والله يفرج هم هذه الامة ويقوي عزيمتها وينصر اهلنا في سوريا ولا حول ولا قوة الا بالله

فطوم
عظم الله اجركم وغفر لميتكم

الله يعطينا وياكم الصحة والعافية ...

أعرفكم بنفسي أنا معلمة وأم لثلاث أطفال الله يحفظهم أصغرهم بالتمهيدي والكبير بسنة خامس .

طبعا من فضل الله ماعندي شغالة وشجعني هالملف على تجاوز التقصير اللي يصير بسبب الشغل ...

متمكنة من غلاها
الله يحييكي في ملفنا وماشاء الله الى الامام
ياليت تخبرينا شلون ممشية امورك الله يحفظ لك عيالك

الله يخليك يارب أختي شموخ والنور نورك يابعدي..

بالنسبة لحياتي فالحمد لله ماشية تمام بس أحس فيها قصور وخاصة أن بيتي كبير شوية والمطبخ برى البيت لكن اللي مساعدني بالشغل هو الهمة والحمد لله .

بما أني مدرسة فدوامي ينتهي على الساعة 12 وربع وأخذ ولدي الصغير من الروضة وبعدين اول ماادخل البيت على طول اسوي الغداء طبعا الدجاجة أو اللحمة مطبوخة مسبقا والسلطة والمرقة مجهزتهم بالثلاجة وبعدين أخذ شور واكنس الصالة والمقلط واغسل دورتين المياة اللي دائم تستعمل وأمسح المغاسل وعلى الساعة 1 وربع احط السفرة وعيالي يطلعون وحدة ونصف يتاخرون عشان الباص الله يصلحه..

وبعد الغداء انام وعيالي معاي ونصحى العصر ويذاكرون على بال مااغسل الثياب وأرتب المطبخ وباقي الغرف ..

وفي الليل أطبخ اللحمة وأكيل الأرز وأجهز فطور عيالي السندويشات واحطهن بالثلاجة وفي الفجر اطلعهم عشان يفطرون واصحي عيالي والبسهم وبعد مايروحون لمدارسهم اغسل باقي الأكواب واروح لمدرستي ...