اس اس السلام عليكم شلونكم بنات همم الموظفات
\
اليوم يومياتي كانت بالمدرسة نقلنا للمدرسة الجديدة :27:وهاتك ياشغل

أنا انسحبت من المكاتب ورحت على المطبخ

خرجت كل المواعين :angry:اللي بالكراتين وغسلتها وغسلت الثلاجة ورصيت الصحون بالدولاب

اليوم بأروح اشري مفارش نايلون للدواليب عشان تكون أحلى >>>>تحب الحوامة بالسوق

جت الخالة وكسبت لي دعوة حلوووووووووة ضيعت كل التعب اللي شفته اللحمد لله على العافية

:arb:مسافر يعني ونااااسة باجلس بحواء وقت طويل أشارك

طبعاً أولادي عندهم اختبارات وجالسة أساعدهم بعمل ملخصات وكتابة أسئلة يحلونها لما يخلصوا مذاكرة

وبس

انا موظفة اخرج من الساعه ٦،٣٠ صباحا ارجع بيتي الساعه ٤،٣٠ عصرا واحيانا ٥ م بس الغالب ٤،٣٠ م ماعندي شغاله وعيالي ٤ بنات وولد احيانا يساعدوني واحيانا يخبصون الدنيا بس غالبا شغلي اسويه اول باول مااخلي شي يتراكم احيانا كثيرة احس ان ماعندي شغل واحيانا ماالاقي وقت احك راسي اهم شي مايكون عندي مذاكرة لاحد من العيال في العصر بيتي كبير فيلا دورين الارضي مجالس وهذا تنظيفه من الاربعاء للاربعاء تمسيح وتنضيف وكنس وابخره وفي النادر مايجيني ضيوف اللي فوق هو مكان جلستنا وهذا النظافه فيه مستمرة ويوميه وعلى مدار الساعه قلبنا قناة العربيه
تمسيح ارضيه وتنظيف مطبخ وغسيل وكله بس اغلب الاجهزة الكهربائية وفرتها لي بدل راتب الشغاله غساله اتوماتيك للملابس مع المجفف الحراري وغسالة الصحون لما اكون مستعجلة وماعندي وقت اغسل الصحون احطهم فيها بس انا نادرا مااستخدمها لاني احب اغسل بيدي واخذت المكواة الكبس والكوي تقريبا كل ثلاث ايام وبرضة مااخلي شي يتراكم والحمدلله ربي يعين ويساعد
انا قدمت على شغاله كينيه من خمس شهور وللان ماجات وبيني وبينكم اتمنيت اني ماقدمت عليها احس اني مااحتاجها كثير بس يوم قدمت عليها كنت تعبانه بس الحمدلله انا بخير الان واقول عساها تتاخر ماتيجي الحين وان جات عساها تكون بنت حلال يارب والله خايفة منها قبل ماتيجي الله يسهل بس
وسامحوني طولت عليكم 

الله يسعدك يا ام ذكري
اذا ما عندك صغار في البيت يحتاجون الي يجلس معاهم وقت النهار لاتاخذين شغالة ولا الفكة منهم كرامة
والشغل مقدور علية وانا اختك

اهلين ياحريم

ام ذكرى يسعد قلبك انتي وام الخوالد

انا بس استنى حضانة تقبل ولدي واطير اللي عندي وماني ناوية اجيب عندي بنت و3اولاد وفكرة ام ذكرى في توفير الأجهزة بدل الشغالة أزين

انا مايتعبني غير الغسيل والكوي يعني لو جات النشافة والمكواة الكبس على قولتهم يكون راح اللي شايلة همه

والله يابنات شغالتي متعبتني وتنام والمواعين بالمطبخ واذا خاصمت تنشول واخاف على ولدي منها

غير كذا اي مكان أدخل اشيك عليه اقوم أنظفه من جديد يعني لا يعتمد عليها بالمرة في أي شئ

اي مكان تلاقيه مقلوب زمان كنت اي وقت يدخلن جاراتي ماشيل هم يدخلو الين المطبخ الحين اخاف يدخلن يلاقين شئ وسخ من وراء هالخدامة وكانها قارية علي لا دخلت المكان تطلع وتتتركني اكمل شغل وهي تختفي مدري وين تروح

الله يخلصني منها على خير

زوجي يقلي خليها دام تبي تجلس مافي تقديم زي أول

بيتي دورين تحت مجالس وغرف نوم 6 غرف وغرة سفرة

وفوق ملحق غرفتين وصالة ومطبخ والله مايتعب الا وقت الضيوف

طولت عليكم بس لازم ننشط قسمنا بسواليفنا الحلوة

يلا هرجتكم حلوة ماودي اترككن بس باروح انام شوية تعبانة

مرحبابكم جمعيا ام الخوالد وام ذكرى وراقية وفطوم فطاطيم و............و.............و..............
سبحان الله
الله ياخذ من الانسان شي ويعطيه شي ثاني والحمدالله ع النعمة وع هالتجمع الي يفتح النفس بصراحة بالاول كنت ارجع البيت ونفسي مسدودة من الشغل والحين قسمت جدولي ومرتاحة
البارحة رجعت البيت ساعة5 ونمت لحد اذان المغرب قمت صليت المغرب وشمرت ع ساعدي كان ريلي بيطلع وأخذ ريم بنتي عنده ورحت للمطبخ لميت المواعين عالمغسلة ونظفت المطبخ كامل ومسحتة صار يلق من النظافة وغسلت السطول مال الزبالة ولبستها اكياس وغسلت المواعين
رحت للغرف ونظفتهم ومسحت السراميك ومريت عالصالة ومسحتها المجلس ماحد يدخله نظيف مرة فالاسبوع انظفه سويت العشاء وسويت بهارات اخذت الوصفة من هالمنتدى الغالي وبصراحة كانت توب
كل هالشغل اسويه وانا استغفر يابنات والله تحسين براااااحة وكأنه احد يساعدك فالشغل تخيلوا كل هالشغل فساعة ونص من 8 لحد 9:30 تسبحت وصليت الا ابو ريم وريم وصلوا تعشينا وجلسنا شوي ونمنا وتوتة توتة خلصت الحتوتة هذة كانت يومياتي البارحة
اليوم قمت الصبح صليت وطبخت الغدا وتجهزت للدوام صحيت ريم وسبحتها وكانت كل الوقت بس تصيح تعملها ع ملابسها عذبتني بتكمل السنتين ولا زالت تلبس بامبرز وماترضى تروح الحمام
الله يهديهاااااااا يارب
نستودعكم الله من مسلسل ريم الفلا27