السلام عليكم ورحمة الله وبركاته
ياهلا وغلا بهنادي الله يحفظك إنتي رائعة لأني كنت متابعه للهمم ولكن لم يكن لدي الوقت للتسجيل , وصدقيني ماننساكم أبدا من الدعاء أسأل الله العظيم أن يعجل بنصركم وينتقم ممن ظلمكم ويرينا فيه عجائب قدرته ,, والله حال المسلمين ابكى قلوبنا قبل مدامعنا ,, فنحن معكم قلبا وقالبا ونتابع اخباركم وندعو لكم صغيرنا وكبيرنا .. اسال الله العظيم ان يفرحكم بنصر قريب وحق مسترد وامن يسود وقهر يزول واجر يوصلكم إلى جنات الخلود ..
هلا بالغالية أم ذكرى ,, الله يكون بعونك بما إن بيتك مثل بيتي ,, أحيانا أعصب وأتنرفز من كثر الشغل بس أرجع وأهدأ وأتعوذ من ابليس وش انسوي أزمة شغالات وربي يكون باالعون .. والحقيقة تنظيف ربة المنزل أفضل مليون مرة من تظيف الشغالة .. لما كنا في إجازة كان الوضع تمام لكن المشكلة مع الدوام والوظيفة ,, وكل يوم أحطلي جدول ولا أمشي عليه ماأدري وش فيني , عشان كذا أشتغل بس بدون نظام معين ,, لكن الله يسهل الامور ..
إنجازاتي .. اليوم كويت الملابس كلها وغسلت الملابس البيضاء طبعا شيكت على المطبخ بناتي نظفن الجناح الخاص فيهن
وباقي أنظف غرفة النوم بكل ملحقاتها وسلامتكم يالغوالي..
فطووووووومه طمنينا عليكم .ِ

السلام عليكم ورحمة الله وبركاته
اليوم تعبانة مافيني حيل اسوي شي والدورة عاملة عمايلها فيني واعراض بداية زكام مع صداع الله يعين الحمدلله ان امس نظفت البيت تنظيف تام والا كان انهديت اليوم والله ياثمار اني تندمت اني سويت البيت كذا ليته كان دور واحد كان احسن ماتخلصي شغل الدور الارضي حتى تطلعي الدور الثاني لو دور واحد وانتي جالسة في مكانك بلا طلعه ونزلة تخلصي شغلك وبيتك قدام عينك والله ان اكثر مااخذ الشغالة علشان الدور الارضي يبغى له كل اسبوع تنفيض وتمسيح من الغبار ويارب لك الحمد ماعاد فيه ضيوف مثل زمان كَبرنا البيوت وقلوا الضيوف الله يرحم زمان اول غرفة واحدة وكانت تجمع الكل

فطوم حبيبتي وينك طمنينا عليك والله قلقتيني كلنا نغيب انتي لا
انتي نور هذا الملف الله يسهل لك امرك وينور لك دربك وحشتينا يالغالية

يسعد لي صباح الهمهومات
ربي يعينكم ويعطيكم سؤلكم من خيري الدنيا والاخرة
انا بيتي فقط ٢٢٠ متر ومع ذلك ماعم الحق تنظيف من كتر الغبار والرمال يلي حولنا
لانه منطقتي منطقة جديدة والله المستعان ومالي عارفة كيف بتلحقوا تنظيف
ربي يمدكم بمدد من عنده وشكرا لكم من كل القلب عدعائكم وربي يديم عليكم نعمة الامن والامان

فطوم العسل
قلبي عندك كل ماعم شوف كيف هيئة الامم المتحدة بتتعامل مع طلب الدولة الفلسطينية
ربي ينصركم على من يعاديكم ويوحد كلمتكم عالحق

السلام عليكم
ممكن تقبلوني معاكم

انا موظفه وبيتي دورين اللي فوق نوم واللي تحت ضيافه و معيشه الله يعيننا

وعندي بنتين و ولدين الصغير عمره سنه ولكم ان تتخيلوا المعاناة

كان عندي شغاله لمدة سنتين و 5 شهور بس زوجها الح عليها ترجع

وسافرت شهر 8

انا قبل ماتجي عندي جربت سنه دوام و بدون شغاله لكن ماكان عندي طفل رضيع وكان الامور ماشيه


لكن مع هالصغير فيه صعوبه الله يعين

اتمنى اليوم استغل الفرصه للاجازه اليوم بكره اجهز كشنات و خضار للطبخ عشان يسهل علي ايام الدوام

اولادي كلهم بالمدارس فلازم الغدا لمانرجع الظهر,,,,


اتمنى تتقبلوني اخت لكم وتعطوني افكار لتسهيل العمل و تجهيزاااااااااااات الطبخ هذي اهم شئ

اتمنى يكون جدول العشا منوع قدر الامكان و يكون مريح بالتجهيز المسبق,,,

اسفه طولت عليكم,,,