السلام عليكم ورحمة الله وبركاته
كيف حالكم ياالغاليات ..
فطوم حبيبتي ايش سويتي باالمشاكل اللي باالعمل عندك؟؟
راقية بأسلوبي ؟ كيف حالك , والف سلامة عليك , والله أنا بس أسمع بسيرة الحمل أحس إني تعبانه , الله يقويك يارب وفترة وتعدي إن شاء الله ..
ام ذكرى الله يسعدك يارب , بس ياالغالية أبسألك عن غسالتك الأتوماتيك , اش نوعها ؟ وحجمها , وتنظف زين ؟ وتجفيفها 100% ولا 70% ..
وكمان أنثى كيوت حبيبتي كيف غسالتك الأتوماتيك ؟ لأني أمس لما رحت المحل مــــــــــــرة إحترت ما أدري وش آخذLG ولا سامسونق ولا أمريكي ..
يعطيكم العافية والصحة خواتي بسكوتي وأم ذكرى ,وأنثى كيوت وراقية بأسلوبي وفطوم ,, وكل بنات الهمم .
اليوم احتفلنا في المدرسة بااليوم الوطني كان الجو حار وشربنا ماء بارد فحسيت بتعب في حلقي والله يكون باالعون .. لي عودة إن شاء الله بعد إنتهاء عمل اليوم..

السلام عليكم
كتبت ردين ولا رد موجود !!!!!!!!!!!!!!!!!!!!!!
الله يعينا من هالنت !
اهلا وسهلا يا راقية ...وسلامتك الف سلامة والحمدلله وربنا يصلح امورك
***
انثى كيوت سلامات ما تشوفي شر يا غالية
***
صبايا يومي كان الحمدلله تمام ..بس لاتنسوني من دعواتكم
وخليني نشجع بعض ونشد الهمة

سلام عليكم
مسااااااءكم رضى

كيفكم بنات .؟ عساكم بخير ..

وربي هالتجمع شيء .. احاااول انجز عشان ابلغكم ..
ياااااااااااارب اتعود ع الشغل اول بأول < قولو آمين ..


امس رحت اشتريت ملاعق كبيره وصغيره بلاستيك وكاسات بلاستيك
وسُفر وقصدير ..
الملاعق حطيتها بعلبه دائرة ع دولاب المطبخ مرآ تساعد وتخفف صحون
للخفق والتحريك حشو السندوتشات ( الاشياء البارده) والصغيره لأكل ولدي
وكمان صحون بلاستيك وزبادي كمان بلاستيك ..

وأهم شيء كلها استخدمها للبارد ما احط فيها حار ..

<< هذا امس بالليل وطبعآ امس النفسية قلبت 180 درجه
انا متحمسهـ للنظام وابغى انضبط وآلاقي اللي حولي يحوسون بكل بساطه
ويرمي كل شيء ع ظهري <<< اتكااااااااااااالية بأبسط الأمور .. خلتني اعصب ..

وطبعا لا قفلت النفسيهـ كل شيء يقفل عندي
تركت كل شيء لا ذاكرت ولا كملت شغل ولا شيء
بس جلست كذآ وواصله معي ..

المهم نمت ع 11 بالليل مع ولدي
وقمت 4 الفجر
صليت وقريت الأذكار ..
وشغلت الغساله وحطيت المناشف كلها ونقعتها لمده ساعه ثم غسلت
جهزت شنطه ولدي .. ولبسي للجامعة اللي اخذ مني وقت
تضبطت وضبط شعري وكل شيء تمام
الساعه 6 .. < لسى بدري محاضرتي تبدأ 9 ..

وارجع اكمل نوم .. < طبعآ كان فيه صحون بس لاني عصبت وقتها وتركتها ..

....

جيت من الجامعة الساعه 2 ونص الظهر مريت امي اخذت ولدي ..
تغدينا
وأكلت ولدي
ونام ولدي وزوجي الساعه 3 ونص تقريبا
وانا جلست إلى 4 صليت العصر ونمت

قومني ولدي الساعه 5 وانا عين نايمنه وعين صاحيه
ارضعه واصارع النوم بعدين استسلمت وقمت انشط نفسي
حطيت غسله لملابس ولدي بالغساله

ورتبت غرفه الجلوس ..
وصلت المغرب ..


وامسك المطبخ
ارجع كل الصحون مكانها
وغسلت الصحون الوسخه
ونظفت الفرن وحطيت عؤليه قصدير ورجعت كل شيء مكانه

<< طبعا بهذا الوقت كنت لابسه القفاز الطبي والمطاطي وحطيت ع يديني قبل زيت زيتون وزيت جنين القمح وزيت لوز
عشان ترطبها لانها هاليومين احسها جافه .. وبعد ماخلصت نزلت القفاز وفركتها بمقشر مسويته من قبل رمضان بكميه كبيره
وحاطه العلبه ع المغسلهـ ,,

والساعه 9 وانا مخلصهـ الحمد لله
وسويت لي اندومي وجبه خفيفه وأكل ولدي وجلست اريح ع الجوال إلى هالوقت ,,
واللحين ولدي نام ,,

وفيه بالغساله شرشف صلاتي + معطف الجامعة ,, تتغسل ,,,,,,,
وباقي البيت كلوو مرتب ,,


انا بقوم اصلي العشاء ,, + اذكار الصلاه ..
وأجلس اذاكر دروس اليوم إلى 12 ثم اناااااام


"" طبعآ زوجي خرج وقلت له يجيب بس صحن مقبلات معاه لإنو الغداء كان ثقيل
والعشاء لازم خفيف ,,

وصح نسيت اقولكم
اليوم بالجامعة رحت لأفون ,,, وحجزت لي روج بـ45 وردي ,, وبلاشر بـ 52 .. وبودرة كريمية بـ 69 ,, مسوين عروض
< مكياجي له سنه منتهي ولا احد معطيني وجهه قلت اجدد من مكافأتي احسن ,,



وبس هذا كل اللي سوووويته اليوم ,,
احس اني تعبانه لاني مانمت زين


والله يعين احس إني مجهدة
ويااارب يقدرني ع المذاكره ..


<< ع فكره مو تحسووو إني اكتب تفاااصيل مرآ باليوميات ,,

صح كذآ وإلأا غلط ؟؟

حلو بسكوتي بالعكس تفاصليك حلووه مررره

تذكرني بايام الجامعه والدراسه مع وجود زوجي و بنتي

اليوم ماعندي شئ الحمدلله

البارح كنت معزومه طلعت بالليل الساعه 8 ونومت اولادي حتى الرضيع ابو سنه نومته وتركت اخته الكبيره عمرها 12 تنام بجنبه
والحمد لله انبسطت وغيرت جو

رجعت ع 10 وحست شويه بالمطبخ والبيت رتبته

وجيت لقيت ولدي يبكي شويه و غيرت له و رجعت نومته وانا جهزت اغراضي للدوام وشنطت ولدي ونمت...

الصباح قمت عملت الحليب وتجهزوا بناتي و ابني اللي في اول تعبني شوي ع ماصحى ولبس الله يصلحه

تجهزت وجهزت ولدي وطلعنا

جيت سخنا الغدا وتغدوا ويله ع الدروس

اليوم راح ادلع نفسي شوي حطيت ماسك لشعري و راح اخذ دش واستشور

عشان زوجي راح يرجع بكره والله يعيننا بيدا الجد

اذا الرجال في البيت يصير الشغل دبل

فطوم الله يسلمك من كل شر يالغاليه

ثمار المدينه غسالتي امريكي وماشاء الله مريحه

واخذت بعد المجفف وارتحت تطلع الملابس ناشفه وع طول اطبقها,,