صباح الخير على الحلوين
اشتقت لكم كثير كثير وسامحوني على التاخير نسيت جهاز الايباد تبعي في الدوام وانا متعودة اكتب لكم بعد المغرب بعد ماكون مخلصة مذاكرة لبنتي ومع القهوة امخمخ واكتب لك سيرة حياتي اقصد يومي ويوم جيت اسجل لكم يومياتي اتفاجاء انه ماهو فيه واحوس ماني عارفة وين حطيته وعادة بناتي الصغار يشيلونه قلت يمكن هم ويوم اروح الدوام الاقيه قدامي مرتز ياحبني له رفيقي ..
اقولكم على يومياتي في اليومين اللي فاتت ...
انا دايم اصحى الساعه خمسة الفجر واسوي الفطور لعيالي واقوم اكنس الصاله تبع المعيشة وامسحها واغسل حمامي وامسحه والمطبخ مافيه شي لانه نظيف من بالليل يادوب فطور عيالي وبعد مايخلصون كل الاطباق على غسالة الصحون وامسح طاولة الطعام وامشط لبناتي الصغار والبسهم بعدها اخذ دش على السريع وبسرعه خروج اوصل صغيراتي على المدرسة ومنها على دوامي اخرج من دوامي ٤ العصر احيانا نتغدا وامسك بنتي مذاكرة واذا فيه شي بعدها في البيت خلصته على طول والمغرب نتقهوى واسجل يومياتي العشاء عندنا ثانوي ومو شرط اساسي الا ايام العطل لان غدانا متاخر الساعة اربع ونص واحيانا خمسة غالبا غسيل الملابس الصباح قبل ماروح احط غسلتين واذا جيت يتبقى غسلة واحدة واخلصها واكوي الملابس العصر ... واللي سالتني عن الغساله هي الـ جي دايركت درايف ١٢ كيلو وتجفف ١٠٠٪ وتعبا من الامام وبصراحة مرة مريحتني حتى كثير ملابس ااكويها يادوبك ملابس الخروج ماتكرمش الملابس واذا طبقتيها من بدري وهي ساخنه تشوفينها كانها مكويه والبناطيل الجنز ماتحتاج كوي فيها .... وانا من معاناتي مع الشغالات وفرت لي كل الاجهزة اللي تعينني على الشغل انا وبناتي خصوصا ان بيتي كبير ومنها غسالة الصحون وغسالة الملابس الاتوماتيك والمكواة الكبس سريعه وعمليه والبخار المكواة اخذتها بس ماعجبتني احسها تصلح لفساتين السهرة فقط ... واسال الله المعونة منه لي ولكل موظفة

السلام عليكم ورحمة الله وبركاته
صباح الخير والسعادة على أحلى الأخوااااااات
أهلا بك شجون الحب , ويالله شدي حيلك معانا , ماعندنا غير تنظيف وتنظيم وشغل .. هلابك ياالغالية .
ديما 22 الله يعافيك يارب ..
ياهلا بأم ذكرى من طول الغيبات جاب الغنايم ,, الله يعطيك العافية ويقويك يارب , وأنا اللي سألت عن الغسالة الأتوماتيك وإن شاء الله راح اشتريها شجعتيني عليها , بس تغسل اللحف تبع السرير ولا لا ؟ وبكم سعرها ؟
أنا اليوم غايبة عن المدرسة عشان أرتاح لكن للأسف من الصباح شغل لما راحو بناتي للمدرسة وأبوهم كمان وانتهينا من مهرجان الصباح من فطور وتلبيس وتوديع عند الباب وغسل أواني قلـــــــــــــــــــت ياالله استعنت باالله ونبدأ بوضع الملابس الملونة في الغسالة
ثم إلى غرفة المكتب وهاتك تنظيف وتمسيح وترتيب الكتب ومسح الكمبيوتر وأدوات الرياضه لأنها في نفس الغرفة ,, وأشوف كتبي تناديني ونفسي أجلس وأقرأ بس قلت لا لا ياثمار ماهو وقته في الليل إن شاء الله أقرأ وأستمتع..
وكنست الغرفة ومسحت الشباك والمكيف وانتهيت بحمد الله .. ثم غسلت الملابس البيضاء .. ونظفت الصالة الكبــــــــــــــــــــــــــيرة اللي فوق عندي ومسحت السيراميك صحت العصفورة الصغيرة فطرتها وجلست تلعب وأنا أكتبلكم , وباقيلي أسوي الغداء وأشوفلي شغلة ثانية ..

يارب يسعدك يا ثمار ويقوينا احنا وانتي على طاعته و على شغل بيوتنا
بالنسبه للغساله ياختي خذيها وانتي مغمضة نصيحة اخت مجربة وتغسل اللحف اقولك شي يشجعك انا مرة توني فارشة السرير وجاتك بنتي الحلوة تجري وفي يدها عصير وكبته فوق السرير وانا حابه هذا المفرش اخذته على الغساله اللحاف والشرشف اللي يتفرش على السرير ودخلتهم الغساله وجلس ٢،٢٦ ساعه وعلى طول فرشته ويازينه دافي وريحة الكمفورت فيه تهبل والله جلست هذاك اليوم احمد ربي واشكره على هذي النعمه ...
حتى المخدات احطها فيها واغسلها منها تعقمها ومنها نظافه ...
بالنسبه لقيمتها والله اخذتها من كم سنه تقريبا ٤٦٠٠ من اكسترا مسوين عرض كان عليها ... الحين شفت شبيهتها لونها احمر وتغسل بخار عجبتني بس مافيه مجال اخذها ان شاء الله اذا جهزت بناتي اخذت لكل واحدة منهم غساله مثلها يارب تفرحني فيهم يارب .... 

اهلا وسهلا ونورتي غاليتي ...اكتبي اللي في بالك واللي عندك واكيد احنا معاك بنسمعلك ..فضفضي احنا اخواتك يا دلوعة ....وهاد بيتك التاني يا غالية

السلام عليكم ورحمة الله وبركاته
مساء الخيرات والبركاااات

أخيراااا رجعت للهمم والله قلبي معكم ومانسيتكم أبد بالذااات فطوم وأم منصور وأتذكر وحده تونسيه اسمها أمل ولنا وأم ميدو ولوني عسل كلكم في الذاكره ما شاء الله عليكم
فديتك فطوم ياعسل ماشاء الله عليك وفيه جدا لهاللملف الله يبارك فيك
طبعا بداية الهمم كنت معكم بعدين طاح جهازي وانكسر الله يخلف وما قدرت اشارك
لكن بنفس الوقت ما اقدر استغني عن عالمي الحبيب عالم حواء فصرت استغل أي فرصه ادخل فيها على المنتدى من أي جهاز يطيح بيدي
أحيانا أتابع من ايبود ولدي بس بصراحه ما اعرف أشارك منه
الحمدلله حاليا صار عندي لاب توب وايباد وصرت أقدر اتابع عن كثب

طيب بعد هالثرثره برجع اعرفكم بنفسي ههههههه

موظفه وام لثلاث أطفال ما عندي شغاله وبيتي دورين وانبسطت لما شفت كم موظفه هنا بيتها مثلي دورين
بصراحه نظامي حاليا منعفس فوق تحت
لي أسبوعين عن بيتي ما جيته الا اليوم والبيت مرررره مغبر وانا مرشحه وتعبانه ومدري من وين أبدأ قلت يالله ادخل الهمم واسلم عليهم بعد ما ولعت النار على القهوه
أكثر شي يتعبني بصراحه التنظيف والترتيب والمحافظه عليه لان اولادي صغار وفوضوين وهذي غلطتي انا ماعودتهم على النظام والترتيب كان عندي شغاله أول وتعودنا كلنا انهم يحوسون وهي ترتب وراهم وأكلتها أنا اهئ اهئ

الطبخ ما عندي منه أي مشاكل وباذن الله بعطيكم طريقتي بالطبخ وان شاء الله بتعجبكم كثير وبترتاحون عليها
الملابس بعد ماعندي منها مشاكل غسالتي اتوماتيك والمكواة كبس بس ما عندي مجفف حراري وودي فيه قبل الشتا

الحين استأذنكم بتقهوى حتى يصير لي مزاج للشغل وبحول الله برجع لكم الليله أوافيكم بأخبار التنظيفات

استودعتكم الله الذي لا تضيع ودائعه