السلام عليكم ورحمة الله

هلا والله بثمار وأم ذكرى وانثى وفطوم وبسكوتي واحتياجي وجميع الاخوات الحلوات

اخباركم يا عسولات عسى الامور ماشيه زين

فاقده البعض منكم عسى المانع خير يارب

وبالنسبة للي يشتكون من الاكتئاب وزيادة المسئوليات اقول لكم والله يابنات هذا حال الدنيا ماعليها احد مستريح ابد

" لقد خلقنا الانسان في كبد "

والله انا مرت علي اوقات كنت خلاص بقدم استقالتي رغم ان وظيفتي ولله الحمد حكومية والله لولا وقوف اهلي الله يسعدهم بطريقي ان كان لي سنوات وانا بالبيت بس كانو والله يصبروني ويقولون لي شوفي ظروف غيرك واحمدي ربك وفعلا لما اتأمل بأحوال الناس اقول الحمدلله ربي مختصني بخير عظيم مهما كان فيه من نكد غيري يتمناه
والحين اقول الحمدلله اني ماعزمت وتركت الوظيفة

انثى كيوت والله انتي ادرى بظروفك بس انا دائما اذا استشاروني البنات اقول لهم ما تضيق الا تنفرج

وبصراحه مرت علي سنوات عجاف في عملي وسنوات رخاااء

بس والله السنوات العجاف هي استفدت منها اكثر وهي اللي صقلتني وظيفيا واجتماعيا على قد المعاناة كانت الاستفادة يا سبحان الله

المدارس الاهلية في كل مكان مكددددة ويحلوون فلوسهم اللي يعطونك اياها

بس نا اقول دام كرامتك محفوظة ولا تنهانين من الطالبات فالامور الحمدلله بسيطة

وانتي تقولين تعطيني اول ابتدائي فهذي نعمه وهم متعبين بجد لا حكومي ولا اهلي

أول ابتدائي ولا ثانوي اهلي


استخيري يا بنت الحلال وكلها ايام وتصير ذكريااات

الله يوفقنا وااياك ويرزقك الوظيفه الحكومي عاجلا غير اجل يارب

آآآآآخ بس من هالخط الاحمر والمشكله الكبرى اذا كانت اختكم في الله هي اللي تحطه

الله يفرجها بس

المهم انا اليوم صحيت بدري صليت وقريت وردي وحطيت دفعه من ملابس عيالي بالغساله

طلع ولدي الكبير مع ابوه ولبست اخوع الصغير وهو بسابع نومه وبعدها لبست وصحيت بنتي وروشتها ولبستها وطلعنا بدري ولله الحمد

وصلت الولد ونزلت اسدد دفعه من رسوم الحضانه ورحت دوامي بدري ولله الحمد << قبل الخط الاحمر بثلث ساعه

اليوم دوامي يهد الحيل طلعت متاخره ومشورت شوي اجمع عيالي اللي من الحضانه واللي من امي وزوجي خلص له شغله بعد على طريقه واحنا بالسياره

وصنا البيت بعد الساعه ثنتين تغدينا صامولي وجبن >> هالصامولي والجبن عيشة الموظفات اذا ما افطرناه تغديناه او تعشيناه

حاولت انام ماقدرت من التعب قمت من فراشي قبل اذان العصر بخمس دقايق خفت يطب علي النوم ولا اصلي العصر

صليت واخذت لي دوش حتى اصحصح

بديت شغل البيت بديت بمجالس الضيوف ودورة المياه اللي تبعها والمغاسل الحمدلله خلصتها كلها كنس وغسيل ومسح اللي ينمسح الا زوجي جاي يقول تعالي نشوف البيت ثاني المقاول يقول مدري ايش وبيتكم مدري شفيه انا قفلت وقتها ياربي متى بزين بيتي وجلسنا الى اذان المغرب على هالحاله


انا خلاص انسدت نفسي وتأزمت فقلت اطلع اغير جو

صلحت قهوتنا وركبننا السياره وطلعنا حديقه والصغار هاتك يالعب وانا روقت على القهوه وكيفت على الجو العليل والله لولا الحيا من الله وخلقه ان كان تمددت على الثيل واخذت لي غفوه

اذن العشا ورجعنا البيت ومالي نفس اشتغل قلت اهم شي استعد لدوام بكره

وقبل انام قلت اسير على خواتي بالهمم اسلم عليهم رغم اني وقتي مرره ضيق بس ما استغني

ثمار اذا شدوا احنا وراهم

وراكم وراكم

ع فكره احتياجي سويت طريقتك بالصواني القصدير مره حلوه باقي في الفريزر مااستخدمتها

ودي اعمل طريقة قوالب الزنجبيل والثوم بس اخاف تنتشر ريحة الثوم بالثلاجه لان القوالب مكشوفه

انثى كيوت قوالب الزنجبيل خطيرررره وفعلا الريحه تعبي المطبخ كله مو بس الفريزر

انا اذا حطيتها بالقوالب غلفتها بالبلاستك زين ولا افكه الا اذا جمدت وافكها من القوالب واكيسها وعلى الفريزر من جديد

الله يكون بالعون بس

ام ميس الله يوفقك دنيا واخره والله كلامك زي العسل

والله انا احب اني يكون لي دور بالمجتمع مو نايمه وفي البيت بس لأ

احب اقوم الصباح واطلع مع الناس

والحمد لله مش بالمرره احتاج الوظيفه

لكن احب ان يكون عندي فلوسي الخاصه فيني احب الاستقلاليه

وززوجي ماايقصر والله بس انا كذا

لكن هالسنه زادت المسؤليات

ياليتني اقدر اكمل ع العموم انا استخرت الجمعه اللي فاتت

واليوم جات الوكيله وقالت لي عن المسؤليات اللي مطلوبه مني

فانخنقت وبسرعه رحت وقلت لهم مااقدر اكمل معكم

قالوا فكري زين وعطينا كلام نهائي وراجعي نفسك

الله ينور دربي ويرزقني افضل منها

ع فكره انا بكالوريس علوم تخصص كيمياء الله يرزقني