سحايب صيف :

الحلوه ام الحلوه الله يعينك دوامك طويل بس بقول لك عن نظامي انا صراحه الاعمال الكبيره والتنظيفات العميقه في البيت دائما اخليها على اخر الاسبوع لاني يوم الاجازه اصحى بدري ونشيطه متعودة عالدوام فأستغل هالنشاط في الترتيب وباقي ايام الاسبوع يا دوب طبخ وترتيب عالسريع لمكان جلستنا واحيانا اغسل مراييل المدرسه حق بناتي اذا تجمعوا لاني شارية لهم كم مريول عشان ما اغسل يوميا وبالنسبه للمطبخ عندي غسالة صحون مريحتني كثيررررررررر ولله الحمد واشتريت كرتون اكواب ورقيه وصحون بلاستك متعددة الاحجام تخدمني كثير في المطبخ بس لا تحطي فيها اشياء ساخنه لانها تصير مضره والفرن اغلفه بالقصدير مع مراعات الانتباه للفتحات الخلفيه لا تغلفينها لانو يقولون خطير تغليفها ويقعد فتره نظيف لين اغيره وبناتي الحمد لله متعودين يرتبون اغراضهم وغرفتهم ويساعدوني باشياء بسيطه لانهم مو كبار كثير وممكن لتسهيل الطبخ تسوين كمية كشنه كثيررره ووزعيها باكياس وفرزنيها وممكن تقطيع الخضار للايدامات وتفريزها وكذلك اللحم وممكن تتبيل الدجاج بعد تنظيفه حتى يكون جاهز للشوي او تقطيعه وتنظيفه حتى يكون جاهز للطبخ على طول وقدر الضغط احسن اختراع يخدم الموظفات ما استغني عنه ابدا والله ييسر لك يا الحلوه وويسر لنا ولكل موظفه ولا ننسى احتساب الاجر في تعبنا في وظايفنا وفي بيوتنا ولا ننسى الصدقه من رواتبنا ولو بجزء بسيط حتى يبارك لنا ربي فيه

الحلوه ام الحلوه الله يعينك دوامك طويل بس بقول لك عن نظامي انا صراحه الاعمال الكبيره والتنظيفات...