aionisahara :

السلام عليكم و رحمة الله و بركاته كيف الحال و الاحوال شن اخباركم و شن امدايرين في الويك اند حبيت انطمنكم علي سلفية سافرت امس لليبيا ان شاء الله توا تكون وصلت بالسلامة , العقبة لينا و امواج حتي هيا الحمد لله لاهية مع صغارها لان توا عطلة نص السنة عندهم يعني الاثنين بخير و الحمد لله حياه حلوة الحلوة اني ما درتش عصيدة لاني مدايرة ريجيم و زوجي الحبيب ماسك في المستشفى من الجمعة للاثنين و الا زعلك خودي هاذي الكيكة مني ليك [/IMG] باقي الحبوبات ان شاء الله تكونوا بخير سامحوني ان مقصرة لكن صغاري مهبليني و عندي جبل من حوايج الغسيل يبي التطبيق خلي نمشي نطبقه و بعدين كان فضيت انجيكم توا تحياتي

السلام عليكم و رحمة الله و بركاته كيف الحال و الاحوال شن اخباركم و شن امدايرين في الويك...

greenstar :

السلام عليكم صبــــــــــــــــــــــــاح الخيــــــــــــــــــــــــــــرات نكمل قصة حياتى لحياة حلوة ...انى مواطنة عربية ليبية من اصل عربى ليبى ..من طرابلس وأسكن فى طرابلس فى حوش اماليا سابقا ... ومتخرجة من العلوم قسم كيمياء ...:09: بطلوع الروح والكيمياء قريب جابت لى أجلى ...وطبعا انى تزوجت كبيرة بالنسبة للناس {{30}} انى كنت ميؤس من زواجى ومفروض فاتنى القطار فى قاموس الناس ... لكن لأنه النصيب عند ربى مش عند حد تانى ... ولما كنت نقرا ماكن خاطر على بالى الزواج ... ونهيج مع صاحباتى وبالى فاضى ..ولأنى حتى كنت نخاف من المسؤلية وحتى لما يجى حد يخطبنى نقعد نبكى لأمى ونقوللها انى قاعدة صغيرة ...الى ان جى صاحب النصيب وهو جيراننا كانوا سابقا , ولكن ماعمرى شفته ولا شافنى لأنه كان ديما امسافر ...وكانت خطبة تقليدية ولكن قعدت سنة ونص مخطوبين وتعرفنا على بعض مع انه خوتى مايبونيش نكلمه لكن انى نعرف كيف نخطط وندير فى مغامرات ومدرهتله كبده بالتليفون لكن بس بالتليفون ..غلى مدايراته فى التليفون وتجينا الفاتورة بال200 جنيه واكثر وانى نخلص فيها من معاشى ...لين ما جى العرس لين فلست ..:42: تزوجنا فى شهر 7 عام 2005 وقعدت 7 شهور فى ليبيا وبعدين سافرنا هنايا بدون حمل .. وزدت فرهدت مع زوجى ولما سافرنا عاودنا شهر العسل لأنى ما حملتش من الأول الى بعد قريب سنة ... والحمد لله انى توا مرتاحة مع زوجى راحة ماكنتش متوقعتها ... وعقبالك يا حياة حلوة ...وكنت نقول الزواج هو بدية النهاية ...ونتخايل فى الزواج كله نكد وقرف لكن الواحد مايعرف لين يجرب وان شاء الله ربى يبعث لكل بنت ولد الحلال اللى يسعدها سلامات لكم جميعا

السلام عليكم صبــــــــــــــــــــــــاح الخيــــــــــــــــــــــــــــرات نكمل قصة حياتى...