greenstar :

السلام عليكم كيف حالكم توا ....نسيت انقوللكم انى مروحة يمكن نهائى فى الصيف شهر 7 باذن الله لأنه زوجى كمل خدمته ...واحتمال خلاص نروحوا:icon33: :icon33: :icon33: تعرفوا يابنات ...امس انى عالانترنت خشيت على موقع يرعش ...:eek: لقيت مدايرين ...{{ من لسانهم مش منى }} القرآن العصرى ...انى نحسابه مصحف مشى قلت خلى انخش بالك مصحف خطه واضح ...لأنى هالأيام ديما ندور فى مصحف خطه واضح ...وشن نلقاه نلقاه موقع تحريف القرآن ...لين توا جسمى يرعش لما كتبتها ...مدايرين سور مكتوبين بالانجلش وانى قاعدة ما عرفتاش وبعدين لما فتحت السور لقيت ...{{استغفر الله }} وحاشا القرآن كلام ....... وسكرته وقلت يضرب الانترنت وساعته ...قلت حتى شنى خششنى فى الآنحطاط هذا الحمد لله اللى ربى قال{{ انا نحن نزلنا الذكر وانا له لحافظون }} صدق الله العظيم أعداء الاسلام فى كل مكان وكل زمان ...الله ينتقم منهم ويرد كيدهم فى نحرهم...قولوا آميــــــــــن سلامات توا

السلام عليكم كيف حالكم توا ....نسيت انقوللكم انى مروحة يمكن نهائى فى الصيف شهر 7 باذن...

greenstar :

عدنـــــــــــــــا:) أم مودى .....سفهتينى فى المرواح ..وان شاء الله توصلى بالسلامة انتى وصيصانك وراجلك أم تقى الدين ...كيف حالك وانحب نقرا خطاباتك وتعبيراتك ...تعبيرك حلو عيونى ....كيف حالك هالايام ...ووين قصة حياتك ...انى مازال مانندريش على نفسى عالحمل ولا درت اختبار ولا عدلت ..وربى يستر قود لايف ...صحتين عالصونية ...يسلموا ايديك ...شكلها تهبل مشيمشة ...كيف حالك وحال الحمل .. وان شاء الله على خير أريام الحنين ...كيف حالك ومبروك البيت وان شاء الله عتبة مباركة مراااام ...كيف حالك ...وشن اخبارك خشى مرة مرة هناء 13 .... وينك مختفية ...شن اخبارك ليبية 100 100 .... وين تسميعك ...كيف حال الصغار وشن امدايرين فيك غادة ...كيف حالك وحال خطيبك وامتى عرسك ..{ قصقصة }} سلفية ....كيف حالك وحال البنوتة تقربصتى ....كيف حالك وشن اخبار مغامراتك مع الريجيم وأخيرا حياة حلوة ............كيف حالك اولا و....تانيا انتى من توا تفكرى فى شنى تقولى للناس وانتى عمرك 20 بس وكان توصلى 30 {{ وان شاء الله تكونى متزوجة }} شنى بتديرى :42: الناس اللى بياخد عليهم معاش يرتاح ...انتى دخلى من الودن هدى وطلعى من هديك :42: ولا كأنك سمعتى حاجة ولما حد يسألك قولى انى قاعدة صغيرة ..ولاحقة عالزواج والمسؤليات ...معقولة بنتزوج من توا وندفن شبابى فى الزواج والمطبخ والمسؤلية من توا ...انى مازال نقرا ..لين انكمل قرايتى ولين نخدم ..ونتمتع شوية باأيام العزوبية ...بصراحة هذى ايام حلوة فى حوش الأهل وزيدى هيجى وتمتعى بحياتك مادامك صغيرة لأنه توا ما فيش حاجة محسوبة عليك مازال عليك بعدين لنا عودة

عدنـــــــــــــــا:) أم مودى .....سفهتينى فى المرواح ..وان شاء الله توصلى بالسلامة انتى...

حياه حلوه :

السلام عليكم كيف حالكم عاد اليوم عطله غياب ربي يسعدكم امواج البحار .. .. عيوني..ام مودي وميمي ..ام لاء ..ام محمد . قولا دليف..مشيمشه..مرام..هناء..سلفي ه..غاده..تقبرصتي...اريام..مهاد ..ليبية100 100 .. ..ليبيا قلبي.. ..سهلولة1 ..ريحانة السنة.....بهراء.... nonasemo.....نجيمه.. ذات الهمه .امل مصباحي..de lyon ..بهراء...ام تقي دين.. انا اعتزلت الغرام..فاطمه كمال ..الدرنويه..كيف حالكم ان شاء الله بخير جميعا امواج كيف حالك وينك طولتي علينه ان شاء الله خير ام محمد كيف حالك ياغاليه عيوني تعالي هنا :angry2: وين صوره عصديك مش قلتي كل وحده تصوره عصيده خلتني نشمر علي ذراعني ونديره (رهو بصاره مش حقه) ونبي نشكرك انك خلتني نتحرك ونتعلمه العصيده بارك الله فيك نجيمه تعالي خبرني شن فهمتي شرحي او لا :angry: وصوره معبره هههه مش تزعلي من صوره المهم شوفي رساله علي خاص وشن اخبارك وكيف حال البنوته مشيمشه شن اخبارك خلني ساكته علي بازين كم مره نحاول ومباش يمشي معيه يطلع اشكال غريبه :42: الله يستر عليه وخلاص اريام كيف حالك وينك وشن غيرتي للبيت جديد والي مزال قولاد ليف شن مافيش كيكه مجربته ساهله وحلوه حنو مهبلتي كل ليله تقولي يلاه نوضي نديروا كيكه والله هبلتي حتي نقوله مافيش هذاك الحاجه تقولي تعالي افتحي دولاب تقولي شوفتي هيع قاعده ههههههههههههههههههه مسكتني المشكله هي متاكلش فيه تاكل بس الكريمه ليبيه100100 شن اخبارك وكيف حال وشن اخر اخبارك توه سلامات

السلام عليكم كيف حالكم عاد اليوم عطله غياب ربي يسعدكم امواج البحار .. .. عيوني..ام مودي وميمي...