ام محمد ... الحمدلله على سلامتك والحمدلله ان امورك بخير وطيبة والحمدلله البيبي بخير ويارب ان شاالله مانسمعو الا كل طيب عليك وكل البنات ... وبارك الله فيكِ ... لقيت العنوان وان شاالله اندزلك يلي يسخره ربِ ... يالله فى امان الله ...ام محمد ... الحمدلله على سلامتك والحمدلله ان امورك بخير وطيبة والحمدلله البيبي بخير ويارب ان...
السلام عليكم ... كتبت رد طويل ونسلم فيه على كل وحدة ... طار !!! :icon33: ... المهم ان شاالله اموركن طيبة كلكن وبخير ... معلش كنت مشغولة الايام يلي فاتت !!! عيالي اجازة الربيع !!! وفرقت الربيع تعالو شوفو الصقع والثلج !!! الحمدلله على كل حال ... وعندي صوحبة امديرة عملية كبيرة من يوم الخميس يلى فات التهيت فيها والحمدلله توا حالها كويس ان شاالله من احسن لإحسن ... وبعدين انا غطست فى حالي وخبر لا يخطر لا عالبال ولا عالخاطر ... ياحناتي يوم الاربعاء يلى فاتت حشاكن جاني التهاب قوي فى المسالك لدرجة البول اكرمكن الله ينزل دم !!! المهم بديت انحس فى الوجع والحرقان من يوم قبله كلمت دكتورتي وقلتلها راهو الحكاية هكي وهكي قالت لازم تمشي توا للطوارئ وماتستنيش لغاية بكرة بيش انشوفك ... قلنا باهي ... الراجل خش من هنا من شغله وطلعنا بالعويلة من هنا للطورائ من الساعة 5 العشية لغاية 11 فى الليل وهم هاتي عينة بول اكرمكم الله ويحللوها ... استغربت قلت كانهم ياخدو كل مرة فى عينة مني ويحللو فيها !!! اتريني حامل ومانندريش :icon33: ويطلع فى التحليل خفيف بعدين اختمت على عينة من الدم وكشف وشكو اني عند حمل خارج الرحم فى القنوات ... الحمدلله على كل حال ... وعطوني مضاد حيوي وهذا كله وعيالي فى السيارة وبوهم ماشي جاي عليهم :icon33: ... الحمدلله يلى السيارة فيها DVD ويتفرجو عالرسوم ولاهين ... المهم ... طلعت من عندهم 11 فى الليل وقالولي روحي تريحي فى الحوش وانكلموك على نتيجة تحليل الدم ... انا روحت تعبانة ومرهقة ونخمم ان شاالله خير ... يادوبك خدا عيني النوم رنو على الساعة 12:30 فى الليل وقالتلي الدكتورة راهو العينة مشت بالغلط لمعمل تاني ورجعوها ودزانها توا للمعمل الصح ونردو عليك الصبح بدري :( ... قلنا ان شاالله خير ... رنو على 7:30 الصبح وتأكدو عندي حمل مع احتمال يكون خارج الرحم ... ولازم نشرب امية وااااجد ونجيهم الساعة 3 الظهر واندير صورة الكمبيوتر ... شربت امية قريب اطربقت ومشيت ودرت الصورة النوعين الداخلي والخارجي وقالتلي الاخصائية بتاع الصورة شكله كل شي طبيعي لكن تقريرك اندزه للدكتورة وهي تقولك شنو اديري ... روحنا للحوش لقيتهم رانين وتقولي الدكتورة ابسط وجع فى الجنب اليمين او اليسار او مركز البطن تمشي للمستشفي للطوارئ :09: ... قلتلها كيف قالتلي مازلنا مش متأكدين حمل طبيعي ولا خارجي !!! ويوم الاثنين الجاي اديري صورة ثانية !!! واني قاعدة نستني وان شاالله خير ... وهذي اخباري لا عالبال ولا عالخاطر برنامج الحمل وماشية على شي طلعت بشي ثاني ... يارب يسر امري يارب ... والحمدلله على كل حال ... حتي لما مشيت نشكي من حرقان البول والدم واللهِ مانحس فى حاجة اكثر منه ... توا قعدت غير نصنت فى جنبي اليمين وجنبي اليسار !!! ويارب ارزق كل مشتاقة الذرية الصالحة عاجلاً غير اجلاً يارب ... قولو امين ...السلام عليكم ... كتبت رد طويل ونسلم فيه على كل وحدة ... طار !!! :icon33: ... المهم ان شاالله...
G Libya :
السلام عليكم ورحمة الله وبركاته كيف حالكم اليوم يا بنات ام محمد كيف حالك اليوم , وشنو صار في العزومة حتى نحن اليوم كان عندنا عزومة توا بس كيف كملت عازمين خالي اللي وصل من السفر الاسبوع اللي فات وبيسافر بعد 3 أيام ومعاه خوالي اللي قاعدين هنا درنا العشي شربة وعصبان وبيتزا وطاجين جبن ودجاج مشوي وبالنسبة للحفظ الحقيقة انا ماحفظتهاش سورة المرسلات وان شاء الله نحاول نحفظها بكرة او السبت اذا حصلت وقت فراغ و لكن الحمد لله راجعت جزء عم كامل مع بنات حافظات الربع وسمعوا عليّا حياه اهلا يا غالية توا فتحت الياهو لقيت منك اوف لاينز ولكن الياهو باين عليه فيه مشكلة عندي لأن طلع لي رسالة خطأ بكرة ان شاء الله او في احد الايام القادمة انعاود تحميله عالجهاز توا وانا نكتب طلع لي تحديثات والله ماني عارفة شنو قصته أمل كل عام وانتِ بخير وربي يطول عمرك في طاعته ذات الهمة كيف حالك ربي يرزقك الذرية الصالحة والدكتور اللي قالت لك عليه ام تقي الدين (المحيشي ) اللي في مصراتة كان تبي رقم الهاتف والا العنوان قولي لي وانا نبعته لك ماهو امي دارت عنده عملية العام اللي فات لكن الموعد كيف ماقالت ام قي الدين ايضا يتأخر تبي تراجي فترة بيش تحصلي موعد معاه ام تقي الدين كيف حالك . وكيف حال اهلك وعائلتك ليبيا قلبي كيف حالك يا غالية , وعاش من شافك وتسلم ايديك عالحلويات الروعة ماشاء الله تبارك الله تعرفي ذكرتيني بالكعك متاع الجلجلان المعسل درته في العيد اللي فاتت هههههههههه حصلت فيه وماعرفتش نتفاهم معاه ماهو انا مانعرفش نبرم الكعك هههههههه لكن قاومت وكملته وطلع حلو هو الكعك بجميع اشكاله عندي معاه مقالب الايام اللي فاتت خاطري في كعك درت كعك اللي يطلع من القمع بيش مانتعبش في البرم هههههه ليبية 100*100 كيف حالك وكيف حال ولدك توا ان شاء الله احسن اريام كيف حالك يا غالية و ان شاء الله عتبة مباركة وسلامي للجميع .... سامحوني مانقدرش نكتب بالاسم ماهو مستعجلة سلاماتالسلام عليكم ورحمة الله وبركاته كيف حالكم اليوم يا بنات ام محمد كيف حالك اليوم , وشنو...
الحمدلله على سلامتك والحمدلله ان امورك بخير وطيبة والحمدلله البيبي بخير ويارب ان شاالله مانسمعو الا كل طيب عليك وكل البنات ...
وبارك الله فيكِ ... لقيت العنوان وان شاالله اندزلك يلي يسخره ربِ ...
يالله فى امان الله ...