حياه حلوه :

امواج الحمد الله علي سلامتك ربي يطمنك وان شاء الله يطلع كلالتحاليل كويس امين يارب العالمين وربي يطمنك حبيتي وتاكدي الجنب الي الايمن او الايسر مشكله هكي يخلي الواحد كل مره يقول هذا الجنب ربي يطمنك ويطمنه عليك والله ليك وحشه كبيره متتصوريش كم متوحشتك وان شاء الله لاباس ام تقي الدين والله احتي انحس انه الوحده الي تشتغل وعنده صغار صعب صعب ويعني علي كم تقسم وقته العمل او الاصغار و الزوج والحوش ربي يكون غي عونهم ويوفقهم ان شاء الله شن هذا وين تشغلوا تكيف حني لايطفي لاليلل ولا نهار والله حاله وخلاص هذا الصيف مزال مدخلش امال بعد يدخل شن يصير لكن تبي الحق نحس في مناخ الامارات تغير علي قبل واجد يعني الصيف الي فات نطلعوا مرات علي رجلينه عادي الجو لكن السنين الي قبل الواحد حتي ينشر دبش يكون خذه علي راسه نجيمه والله مشيت لي ليبيا ممكن علي نص سته لكن مش اكيد علي الظروف هذا رابط الكيكه الشكولاته http://forum.hawaaworld.com/showthread.php?t=652951

امواج الحمد الله علي سلامتك ربي يطمنك وان شاء الله يطلع كلالتحاليل كويس امين يارب العالمين وربي...

امواج البحار :

السلام عليكم ... كتبت رد طويل ونسلم فيه على كل وحدة ... طار !!! :icon33: ... المهم ان شاالله اموركن طيبة كلكن وبخير ... معلش كنت مشغولة الايام يلي فاتت !!! عيالي اجازة الربيع !!! وفرقت الربيع تعالو شوفو الصقع والثلج !!! الحمدلله على كل حال ... وعندي صوحبة امديرة عملية كبيرة من يوم الخميس يلى فات التهيت فيها والحمدلله توا حالها كويس ان شاالله من احسن لإحسن ... وبعدين انا غطست فى حالي وخبر لا يخطر لا عالبال ولا عالخاطر ... ياحناتي يوم الاربعاء يلى فاتت حشاكن جاني التهاب قوي فى المسالك لدرجة البول اكرمكن الله ينزل دم !!! المهم بديت انحس فى الوجع والحرقان من يوم قبله كلمت دكتورتي وقلتلها راهو الحكاية هكي وهكي قالت لازم تمشي توا للطوارئ وماتستنيش لغاية بكرة بيش انشوفك ... قلنا باهي ... الراجل خش من هنا من شغله وطلعنا بالعويلة من هنا للطورائ من الساعة 5 العشية لغاية 11 فى الليل وهم هاتي عينة بول اكرمكم الله ويحللوها ... استغربت قلت كانهم ياخدو كل مرة فى عينة مني ويحللو فيها !!! اتريني حامل ومانندريش :icon33: ويطلع فى التحليل خفيف بعدين اختمت على عينة من الدم وكشف وشكو اني عند حمل خارج الرحم فى القنوات ... الحمدلله على كل حال ... وعطوني مضاد حيوي وهذا كله وعيالي فى السيارة وبوهم ماشي جاي عليهم :icon33: ... الحمدلله يلى السيارة فيها DVD ويتفرجو عالرسوم ولاهين ... المهم ... طلعت من عندهم 11 فى الليل وقالولي روحي تريحي فى الحوش وانكلموك على نتيجة تحليل الدم ... انا روحت تعبانة ومرهقة ونخمم ان شاالله خير ... يادوبك خدا عيني النوم رنو على الساعة 12:30 فى الليل وقالتلي الدكتورة راهو العينة مشت بالغلط لمعمل تاني ورجعوها ودزانها توا للمعمل الصح ونردو عليك الصبح بدري :( ... قلنا ان شاالله خير ... رنو على 7:30 الصبح وتأكدو عندي حمل مع احتمال يكون خارج الرحم ... ولازم نشرب امية وااااجد ونجيهم الساعة 3 الظهر واندير صورة الكمبيوتر ... شربت امية قريب اطربقت ومشيت ودرت الصورة النوعين الداخلي والخارجي وقالتلي الاخصائية بتاع الصورة شكله كل شي طبيعي لكن تقريرك اندزه للدكتورة وهي تقولك شنو اديري ... روحنا للحوش لقيتهم رانين وتقولي الدكتورة ابسط وجع فى الجنب اليمين او اليسار او مركز البطن تمشي للمستشفي للطوارئ :09: ... قلتلها كيف قالتلي مازلنا مش متأكدين حمل طبيعي ولا خارجي !!! ويوم الاثنين الجاي اديري صورة ثانية !!! واني قاعدة نستني وان شاالله خير ... وهذي اخباري لا عالبال ولا عالخاطر برنامج الحمل وماشية على شي طلعت بشي ثاني ... يارب يسر امري يارب ... والحمدلله على كل حال ... حتي لما مشيت نشكي من حرقان البول والدم واللهِ مانحس فى حاجة اكثر منه ... توا قعدت غير نصنت فى جنبي اليمين وجنبي اليسار !!! ويارب ارزق كل مشتاقة الذرية الصالحة عاجلاً غير اجلاً يارب ... قولو امين ...

السلام عليكم ... كتبت رد طويل ونسلم فيه على كل وحدة ... طار !!! :icon33: ... المهم ان شاالله...

اامل حياتي :

السلام عليكم ان شاء الله تطلع التحاليل سليمة يا رب:)

السلام عليكم ان شاء الله تطلع التحاليل سليمة يا رب:)

ليبيا قلبي :

غاده باهي الحمد الله عجباتك والله فرحتيني انك جربتيها.بس تعرفي خساره الصور الي في موضوعي كلهم اختفن امواج البحار ان شاء الله ربي يطمنك وان شاء الله الف لاباس عليكي .

غاده باهي الحمد الله عجباتك والله فرحتيني انك جربتيها.بس تعرفي خساره الصور الي في موضوعي كلهم...