السلام عليكم
سلفية - الحمد لله علي السلامة وكيف حال العويلة في ليبيا ان شاء الله بخير واكيد فرحوا بيك وبصغيويرتك وانستينا مرة ثانية.
ام محمد- مرحبتين بيك عندنا ولندن تتشرف وتنور لكن بالنسبة للمة الجمعة متوقفة لحين عودة ام كريم من ليبيا. وحانزعل منك لو جيتي وما جيتينيش (تهديد). وعلي فكرة خو ام عبد الرحمان دار عملية قلت انقولك مع اني متاكدة عندك علم.
اطفالي حياتي- صحيتي علي النشدة ياغالية لكن الايام هادي مشغولة شوية . وتوة انشاء الله بعد مانسكر منكم بنطلع عندي محاضرة وزوجي ماشي لتورونتو وبنطر نرفع ولدي معاي (الله يعين).
مشيميشة _ لاباس عليك وان شاء الله ربي يهون عليك وحم الحمل
باقي الاخوات سامحوني توة وان شاء الله كان حصلت فضوة نكلمكم بالوحدة
سلامات.

سلفيه اتصلت بيك تليفونكم ايقول معش يشتغل (خارج نطاق الخدمه )
كيف صار؟

وسطيه ما نحكيش على لمتكن امتاع يوم الجمعه امتاع زمان
نحكى على لمة الكميونتى اللى جمعه وجمعه لا ...
شوفى كيف عندى اخباركم بالتفصيل
واحنا ان شاء الله كان جينا جايين لعيت ام عبد الرحمن انحمدوا لها على سلامة خوها ...
امتابعه اخباركم يوم بيوم يا حنا
وان شاء الله كان لقينا وقت انشوفوكم
بس فى الصيف ان شاء الله نتلاقوا وما انفوتوش اجتماعات الكميونتى
احنا ما زلنا امشاركين فيها والايميلات يوصلونا اول بأول ...

نشوفوكم على خير ان شاء الله

السلام عليكم
كيف حالكم يا حلوات ليبيا ، وينكم لقيت اللمة في الصفحة الثانية ، الباين كلكم راقدين الا حضرتنا قاعدين انفنصوا ، مرة مرة خشوا نشطوا اللمة حتي بكليمة , شكلي بنمشي حتي اني نرقد الساعة عندنا الواحد وربع غدوة ان شاء الله نلاقكم منورين وخاشين ومعبين هلبة صفاحي( بغبرتها) هي بالسلامة امالا
واستودعكم الله الذي لاتضيع ودائعه.

السلام عليكم ورحمه الله وبركاته.
صباح الخير عليكم كلكم من غير استتناء.
ما شاء الله عليكم الباين كلكم ماشين الى ارض الوطن وللى ما حالفاش الحظ ان شاء الله فرصه تانيه.
الحال ما بعضه انا الى الان مش باين انى اروح او لا لانه الاطفال مازال فى المدارس.
ان شاء الله ربى يسرللجميع, فتحتوا اعلينا اجروحنا .
ربى ايوفقككم وتمشوا وتجوا بالسلامه

سلفيه 1
كيف حالك وحال الصغار اذ وجد عندك لانى صديقه جديد وسلمك نشاده واسمعى ماتنسيش تحكيلنا على البلاد بالتفصيل الممل,بعد ما تاخدى نفس تطويل ونحن فى الانتظار.
واخيرا وليس اخرأحمد لله على السلامه