حياه حلوه :

ماشاء الله تبارك الله عليكم ربي يحفظكم من كل عين امواج نورت للمه بي دخلتك ربي يخليك لينه والي اصغار و:arb: واهلك يارب وتنوضي بي الف سلامه عيوني الف الف الف :icon28: :icon28: :icon28: مبروك عليك تستاهلي كل خير ياغاليه يلاه تعالي طمنينه عليك وخبرنه علي اخر اخبارك ليبيا قلبي تسلم يداك ان شاء الله كيكت عرسك يارب شكلي حتي نسجل ونأخذ كورسات والله شي يجنن مشاء الله عليك ليبيا قلبي جابت الحلو واني جبتلكم ملح تفضلوا بوريك

ماشاء الله تبارك الله عليكم ربي يحفظكم من كل عين امواج نورت للمه بي دخلتك ربي يخليك لينه والي...

وسطية :

السلام عليكم انستينا يامويجة(شفتي الدلع وخلي اللي بينغاض ينغاض، انبصر راهو)، المهم الحمد لله علي سلامتك وان شاء الله تنوضي لاسو لاسوية وشكلك حامل ببنية والله اعلم وعقبال عندنا، ومرة مرة خشي نشطي لمتنا لانها كسدت هلبة ومن كثرة الكساد شكيت اني نكون سكارونية خشي سلم اوخيتي ورجعيلي ثقتي في نفسي.:icon33: عيوني- الف الف الف مبروك:icon28: والله فرحتلك لان مش بالساهل تحصلي عمل ودراسة(زي مافهمت من كلام امواج) هنايا في كندا. ليبيا قلبي_ ماشاء الله علي التورتة ايد فنانة تبارك الرحمان ان شاء الله اديرها في فرحك عن قريب. حياة ياحياة_ لما شفت البوريكات عيوني ولوا حولات. سلم ايدياتك علي هالبوريكات الحلوات(شن رايك في ها السجع). اكتيبنا الوصفة ياحبيبة امتاع الخل والسكر بالتفصيل وهية خاصة بشنو بالزبط للي عنده كلف والا حب والا تبيض وتنعم وما عليك امر. ام الاء_ كيف حالك وحال عويلتك وخبرينا شوية علي الصين شن جوها شني ناسها اجتماعين والا مش محتكة بيهم ، المهم هدرزي علينا. كوكم _لاباس عليك وماتنكديش علي روحك وانتي قاعدة عروسة ادهوري ياحنة وشوفي البلاد وخزني هلبة ذكريات علي موريتانيا صايورة اتروحي ان شاء الله لليبيا وتقعد عندك ذكريات. ام محمد _ كيف حالك ياحبيبة وحال صغيويرتك ، العفو خيرك ما رديتيش علي سوالي بخصوص الاحكام تبوهم باللغة العربية والا نوقف وتقروهم بروحكم من الموقع السالف الذكر(تحتها سبعطاش الخط) ليبية مية مية_ ان شاء معرضة خير وتمشي وتجي بالسلامة ياحنة. باقي الاخوات ان شاء الله اموركم تمام .:26: :26: :26: واستودعكم الله الذي لاتضيع ودائعه.

السلام عليكم انستينا يامويجة(شفتي الدلع وخلي اللي بينغاض ينغاض، انبصر راهو)، المهم الحمد لله...