السلام عليكم:)
كيف حالكم ان شاء الله جميعكم بخير
عيوني
الف الف الف الف مبروك
امواج
كيف حالك منورة المنتدى
سامحوني منقدرش نرد عليكم بالواحدة لاني مستعجلة
:26: :26: :26:

hi

السلام عليكم

ربى يسرلى ويسرلكم الامور لما يحب ويرضى .... قولوا امين

سلمك يارب على الردود
لكن شكلكم فهمتونى غلط انا موليتش لكندا قاعده فى ليبيا ربى ارجعكم لى اهلكم سالمين وهدا علاش محصلتنيش يا ام محمد :) وكيف حالك مع الحمل يا غالية ويارب ميكونش متعبك
امواج ربى يعطيك صحيحتك وترتاحى من مرض الوحم الله غالب يا حنه داءه واعر اسالينى عليها قريب طلعلى روحى لكن ما بعد الضيق الا الفرج ايام وتفوت وبعدها تحصلى بنوته تفرحى بشوفتهاوتنسيك الدى مضى :)

مشميشة ربى يعطيك صحيحتك ايام وتفوت شوركم كنتوا تستنوا فيا لين انجيب وشديتوا الرحال من بعدى ربى اكمل عليكم بالخير

وبعد ما كملنا من الحوامل انجو الى النوافس هههههههههه
على ماعنقد انه مفيش
ادن للعوازب
حياه صحيتى على الرد كيف حالك وحال قرايتك وحال امك تعرفى فكرتينى باللى صارلى انا اول امس درت حلوة لوجهى مع انى منديرش فيها لكن جى خاطرى انديرها مشى درتها وتقولى تفجرت فيه قنبوله
متفرفط مع بعضه وبديت فى الكريمات والاقنعه باش اخف شوية واليوم ليا 3 ايام وانا وجهى فى حاله بتكحلها اعمتها امس درتله بماطت العيون انحس فيه تحسن

ليبيا قلبى الحمدلله على سلامة اختك مع انى منعرفش شنى صاير لكن اللى عرفته من ردود الاخوات انه تقريبا كانت مريضه ؟ وكيف حالك انت

المتزوجات
قرين ستار كيف حالك وخال العويله وياحنه ليبيا تستنا فيكم جوها حلوووو ربى ما يحرمك من لمة اهلك

وسطيه
كركم واموله وليبو واطفالى حياتى حتى انتم عرفونى عليكم :26: حيتوا على ما اعتقد فى الفترة اللى عبت فيها

مدام على كيف حالك وحال على والعويلة :)

وينك يا غاده ومرت راجلها وام الاء وام مودى و تقربصتى والمصباحى وام تقى الدين مرام وليبية
100 فى 100 هيا تعالوا حمدلولى السلامه :)

السلام عليكم و رحمة الله و بركاته


كيف حالكم و شن اخباركم و شن امدايرين {واضح انكم امكسلين }
وينكم اللمة امكسدة , اهو الدنيا شكلها واخدتنا كل وحدة لاهية في حالها
عاد كل ما اتحصلوا فرصة تعالوا و هدرزوا مش اتحشوا تقروا الردود و تطلعوا

سلفية
منورة اللمة
كيف حالك و شن اخبارك و شن اخبار ليبيا و ناسها
شن امتى راجعة لكندا و الا عجباتك ليبيا و اتقعميزتها
و كيف حال الصغار و شن امدايرة مع البيبي ان شاء الله مش امتعباتك و امسهراتك
تربحي كل ما اتحصلي فرصة تعالي و هدرزي و ين هاديكا الايام الحلوة و التهدريز الحلو
ما شاء الله انت حملتي و جبتي و خليتيهم كلكم يغاروا و ايماروك و اهو لاهين في الوحم و تعب الحمل توا عندك باهي:hahaha: :hahaha:

امل المصباحي
كيف حالك و حال الدكتور
و الله يبارك فيكو يهنيك و العقبة ليك و لزوجك لما اتحصلوا الي تبوه

مدام علي
كيف حالك و شن اخبارك
و ان شاء الله لباس علي والدك و ما يشوف شر ان شاء الله
و الله يشفيه و يعافيه
الله لا يشغلك علي غالي وسعي بالك

قرين ستار
كيف حالك و حال بنوتك
شن الحالة عندكمع بنتك حرب و الا هدنة :hahaha:
عاد هدرزي علينا مش هاي و السلام

حياه حلوه الحلوة
كيف حالك
شكلك لاهية في الشوبنق و التحضير لمرواحة ليبيا
الله يعاونك

غادة
كيف حالك
وينك و الله ليك وحشة و ينك و وين مشاركاتك و اكلاتك الحلوة
شكلك معاش تبينا , عالعموم الله يوفقك و يفتحها قدامك

ليبيا قلبي
كيف حالك و حال وخيتك و بنيتها

تقربصتي
كيف حالك و حال الدكتور و البنوتات الحلوات
وينك حتى انت , شكلها عوينة خديناها معاش تلمينا زي قبل

ام محمد
كيف حالك و حال عويلتك
شن اخبارك مع الحمل


مشيمشة
كيف حالك و حال عويلتك
الحوش معمور و مولاته اددور
عاد انت صاحبة اللمة تعالي هدرزي و طمنينا عليك
هذا كله من سلفية دارتلكم عدوة الحمل

اريام الحنين
كيف حالك وحال العائلة و شن اخبارك
ان شاء الله امورك طيبة

امواج
حبيبة قلبي
خلي اتهدريزنا في التليفون


ليبية و ام تقي الدين
تمشوا و اتجوا بالسلامة

كوكم
كيف حالك و شن اخبارك
وسعي بالك الغربة مرة و كلنا يوم هكي و يوم هكي

اطفالي حياتي
كيف حالك و حال اطفالك
ان شاء الله كلكم بخير


ام الاء
كيف حالك و شن اخبارك
بالله شن اخبارك مع الصينيين , كيف تتعاملي و تتكلمي معاهم

مرام
كيف حالك و حال عيلتك
ان شاء الله توا امورك تمام و احوالك بخير
طمنينا عليك , كل ما اتغيبي ينشغل بالي عليك

هناء13
وينك تربحي طمنينا عليك
بعد ما خدينا عليك ووليتي وحدة مننا اختفيتي


باقي الحبوبات
اني متأكدة اني نسيت وحدة او اكثر بس سامحوني سهوا مش عمدا
ان شاء الله يكون الجميع بخير

لكم مني اعذب سلام و ارق التحيات

السلاااااااااااااااااااااااااام عليكم

كيف حالكم يا بنات

والله ليكم وحشة ولكن انا كل مانبدا نكتب في رد مش عارفة ليش مايصيرش اني نبعته
عموما ان شاء الله الرد هذا يوصل بالسلامة

انا نحس في روحي متلخبطة والافكار اتدووووووور في راسي ونفكر في قصة العرس
هكي الوقت مش عاجبني بعد العيد والجو بداية الشتاء عندنا طبعا
نحس فيه اشبح كيف ... متلخبطة هلباااااااااااااااااااااااا

اول شئ بنقول لأم محمد انا اعتذر جدّا لأني قصرت في الحفظ ويبدو انّي ماعاد بنحفظ
لكن ان شاء الله استمر في المحاولة

امواج
كيف حالك توا وان شاء الله لاباس عليك ... ايام وتمر (( قصدي ايام وتمشي )) مش قصدي التمر اللي ناكلوا فيه

سلفية
كيف حالك وكيف حال احبابك كلهم ان شاء الله تمام ... حتى انا فهمت انك سافرتي لكندا
ووينك ماعاد نشوف فيك عالماسنجر بكّل


ليبيا قلبي
الحمد لله على سلامة اختك وان شاء الله لاباس عليها
والعقبة لسلامة بنتها ... وماشاء الله عالكيكة روعة ماشاء الله عليكِ فنانة

عيوني
كيف حالك يا حبوبة ومبروك عليك الشغل والقراية وان شاء الله بالتوفيق
والله ماقصدي انسيبكم ... كيف عاد بعد الايام الحلوة ماعاد نبيكم هذا مايصيرش منه
وعلى خاطرك هذي صورة كيكة كريم كراميل درتها من اياااااام وتوا شوفوها ان شاء الله تعجبكم






مشيمشة
كيف حالك ولاباس عليك
ووينك


قرين ستار
كيف حالك وشنو اخبارك
كيف حال بنتك ... وشنو جوّك معاها هالايام وربي ايسر لك وتروحي بالسلامة

مدام علي
كيف حالك ... وان شاء الله لاباس على باتك وان شاء الله ربي يشفيه


حياة يا حياتي
كيف حالك اليوم ...


تقربصتي
كيف حالك ... ووينك غياب


ليبية وام تقي الدين
ان شاء الله توصلوا بالسلامة
وتستمتعوا يوقتكم

اريام
كيف حالك وشنو اخبارك ووينك وين هدرزتك السمحة


قود لايف وهناء وام مودي وميمي ومرام
كيف حالك ان شاء الله نطمنوا عليكم في اقرب فرصة


المصباحي
كيف حالك وشنو اخبارك
وان شاء الله ربي ييسر لك وتوصلي بالسلامة


وسطية . اطفالي حياتي . كوكم . الليبيو والتحنو . ام الاء
كيف حالكم وشنو اخباركم

بداية ونهاية
كيف حالك عزيزتي
بامكانك معرفة اي شئ بخصوص القرارات لدخول الاجانب لليبيا من موقع اللجنة الشعبية العامة
http://gpco.gov.ly/home.php


تعرفوا اليوم الجو سخونة هلبه


عموما سلامي للجميع وان شاء الله مانكون نسيت حد