greenstar :

السلام عليكم اللمة مكسدة تكسيدة مش عادية ....لقيتها اللمة فى الصفحة الثانية قلت خلى نرفعها شوية .....ام محمد مهناش فى الرحلة ...وعيونى لاهية فى اعمالها......وامواج حتى هى فى الرحلة .........ومجموعة مهناش فى ليبيا .....ومجموعة حوامل لاهيين وتاعبين .....مافيش فى الساحة الا انى وغادة وام الاء وامل ...بس المهم صحيتى ياغادة انت وام الاء ....على النصائح .... ام الاء ....انى عندى بنت وعمرها 6 شهور بالضبط ....واحنى طبعا اكيد بنباتوا فى فندق...لكن انى مانعطيش فيها الماكلة الجاهزة ...نعطى فيها فواكه وخضرة وسيريلاك ومرات رضعة حليب تكميلية ....انى نبى نسأل عادى نرفع فى الطيارة ترمس امية وشيشة الحليب وعصير مثلا ..ولا مافيش سوائل .....؟؟؟؟؟؟؟؟؟؟ سلامات توا

السلام عليكم اللمة مكسدة تكسيدة مش عادية ....لقيتها اللمة فى الصفحة الثانية قلت خلى نرفعها شوية...

اطفالى حياتى :

السلام عليكم ورحمه الله وبركاته. صباح الخير اعليكم كلكم كيف حالكم وحال اعيالكم واهليكم ان شاء الله بخير وعافيه. انا ليا ايام اعليكم وفى بالى سنه سبحان الله ,الجؤ عندنا ايضيق الخلوق مغيم ومطر ما تقولوش احنا فى الصيف ,ولكن الحمد لله اليوم ان شاء الله احسن ان شاء الله يدفاء الجؤ والايام الجايه. سلم من نشد اعليا وسلمه ليا ولى احبابه. قرين استار . الله ايبارك فيك وفى اهلك وان شاء الله ما نفقدك ومن كلامك الحلو. امى الحمد لله الواحد ما ليه الا ربى والدعاء واهى مازال تمشى للعلاج الكيماوى عفانا الله واياكم بس غير ماتنسوهاش من الدعاء . كيف البيبى ,الله ايعينك ويقدرك اعليه وان شاء الله تمشى للبلاد بسلامه الله وتكون الرحله ممتعه وسهله اعليك وعلى البيبى. اموله كيف حالك وحال اهلك عساهم بخير وشنى الجؤ عندكم اتقولى الشتاء دخل من جديد. ام الاء. كيف حالك وحال الاء ان شاء الله بخير ,وان شاء الله ربى يسهل اعليك ويعطيك ما فى بالك . وسطيه كيف حالك وحال اهلك , وشنى العزومه طلعت حلوه ان شاء الله يجمع شملكم اكثر واكثر وان شاء الله لمه خير. امواج البحر وين اديارك يا غاليه ولا انسيتينى لا معندكش حق ترانى امشى للوالده اهنا واشكيلها منك. المهم ان شاء الله انتى والعيال بخير ونعمه. ليبيه100100 وين غطستى شنى اخبار العرس المهم ان شاء الله انكم بخير وعافيهز ليبياج سلمك نشاده ,والله ايبارك فى عمرك ,كيف الاهل فى ليبيا وكيف الحمو امعاهم ترانى اسمع عليهم انهم بينشو من النو , الله ايكون فى عونهم. ليبيا قلبى حمدلله على سلامة بنت اختك ,ان شاء الله حسن توى. ام محمد كيف حالك وحال الصغار ان شاء الله بخير كيف الاهل عساهم طيبين, شنى اسمعنا درتى اعزومه وانا معزمتينيش , ترانى احرج وبعدين شنى ايرضينى ؟ مدام على كيف حالك وحال اهلك ان شاء الله بخير وشنى اخبار العرس السنه هدى ولا مازال ,كل شى تسخير من رب العالمين. مشيمشه كيف حالك وحال الصغيويره ان شاء الله بخير وصحه ,كيف اهلك عساهم طيبين ,ان شاء الله اسمع اعليك اخبار زينه.

السلام عليكم ورحمه الله وبركاته. صباح الخير اعليكم كلكم كيف حالكم وحال اعيالكم واهليكم ان شاء...