السلام عليكم
كيف حالكم ياحلوات وحال عويلاتكم ان شاء الله في خيار الخير.
تقربصتي - الحمد لله علي سلامة عمك وسلامة ومرواحة مرت خوك وربي يدوم عليكم الافراح.:icon28:
نجيمة_ ان شاء الله ربي يجيبهالك زينة وبالنسبة للمرواح ماتشيليش هم انت ديري في شنطة صغيرة حوايج لبنتك منهم بدلتين واحدة وهيه ماشية للمطار ووحدة غيرهولها لما قريب توصولو ليبيا .وحوايج ليك انت ومولي بيتك .اما بالنسبة للعطر اني لما روحت عادي ما خدوشي مني فالحين خدو مني الكريمة متاع اليدين ولوحهوها قدام عيني في الكناسة (حاشا قدركم).:(
وارفعي معاك ترمس مية دافية (ما تضمنيهمش يعطوك) وحليب بودرة وكانا تاكل في ياغورت والا عصيروبسكويت .وبعدين المشوار مش طويل هلبة يعني في الطيارة تحتاج لرضعتين بس اضني (تعالي انشدينا حنا علي القعاد في الطيارة لين يبسو ا رجليك ). وربي يسهلك وتروحي لماليك بخير وهني.
امل -كيف حالك وحال مولي بيتك ان شاء الله بخير.
باقي البنات ان شاء الله باهيين،اهو اني من جماعة كندا وطمنتكم عليه معناها تربحوا دخلوني المنتدي
:)
استودعكم الله الذي لاتضيع ودائعه
وسطية
•
كوكم
•
السلام عليكم
كيف حالكم بنات بلادى وشنو أخباركم ان شاء الله طيبين وتكونو بخير وبصحه وسلامه
حالى الحمد لله خير من بلاش وحال واحد مكسد ماعنده مايدير انسيت يوم الاحد حضرت عرس مورتانى هى مغربيه تزوجت واحد مورتانى والعرس داروه على الطريقه المورتانيه بالفعل كل بلاد عاداتها تشوفى حاجات تختلف تماما على اعراسنا برغم كلنا اعرب هدرزت معهم على عده حاجات والله مرات تستغربى فيهم عمركم اسمعتو وحده ليله دخلتها البسولها ملابس سوده مع بعضها وماتشوفى حاجه غير حاجه كحله سبحان الله كل بلاد وعزاها زى مايقول المتل
المهم انتم اخباركم تمام وان شاء الله ما فيكم سوء
تقربصتىالحمد لله على سلامه خوك وعقبال ما تروحى انتى ويفرحو بيك
ام محمد ام الاء قرين ستار وسطيه امل حياتى
كيف حالكم بنات بلادى وشنو أخباركم ان شاء الله طيبين وتكونو بخير وبصحه وسلامه
حالى الحمد لله خير من بلاش وحال واحد مكسد ماعنده مايدير انسيت يوم الاحد حضرت عرس مورتانى هى مغربيه تزوجت واحد مورتانى والعرس داروه على الطريقه المورتانيه بالفعل كل بلاد عاداتها تشوفى حاجات تختلف تماما على اعراسنا برغم كلنا اعرب هدرزت معهم على عده حاجات والله مرات تستغربى فيهم عمركم اسمعتو وحده ليله دخلتها البسولها ملابس سوده مع بعضها وماتشوفى حاجه غير حاجه كحله سبحان الله كل بلاد وعزاها زى مايقول المتل
المهم انتم اخباركم تمام وان شاء الله ما فيكم سوء
تقربصتىالحمد لله على سلامه خوك وعقبال ما تروحى انتى ويفرحو بيك
ام محمد ام الاء قرين ستار وسطيه امل حياتى
السلام عليكم كيف حالكم اليوم ما خشيتش بكري اليوم كانت عندي صديقتي فقعدت طول اليوم مشغولة المهم انتم كيف حالكم تقربصتي انستي اللمة وحمد الله علي سلامة خوك وعقبا لك انت ان شاء الله تروحي وتونسيهم امل كيف حالك وحال زوجك ان شاء الله طيبين نجيمة ربي يجيبها زينة طريقك بيضة وبالنسبة للقطرة مرات بنتك تنزكم في الطريق فتديرلها القطرة وبالنسبة للمية موجودة في الطيارة ماتحمليش همها الا كان في المطار بتطولي فتستحقي للمية وانت ادري بروحك وبالنسبة للنو والكم الطويل عشان المطلر مافيش نو مكيف ومن المطار للسيارة ومن السيارة للحوش اكيد بعدين لما توصلي غيريلها وحداري من المكيف راهو ضربة ضربة توصلي بالسلامة وطمنينا عليك وادعيلي ديمة وباقي البنات كيف حالكم ايش اخباركم ومع السلامة تو
الصفحة الأخيرة
إعلان هام
يرجى من الاخوات اللي غايبات على التجمع اكثر من يومين ممنوع الدخول الا إذا جبتي معاك العذر خصوصا بنات كندا عندكم غياب هلبة
ههههههههههه(نبصر راهوا)
تقربصتي
كيف حالك ياغالية وكيف حال السنفورات الحمد الله على سلامة عمك
قرين ستار
ان شاء الله توصلي لميمتك بالسلامة بنقولك بالنسبة للعطور والمكياج انا جبت شنطة مليانة ما قالولي شئ
ج ليبيا
كيف حالك انا اهوا مرة كساد ومرة باهي الواحد شن بدير
اطفالي حياتي
كيف حالك يا غالية وان شاء الله يا رب يشفي اميمتك ويخفف عليها المرض قولي آآآمين يا رب تعرفي الجو عندنا اليوم مطر ما شاء الله ما بطلتش
ام الاء
كيف حالك ان شاء الله تنوضي بالسلامة
تجويد
وينك مغطسة ان شاء الله المانع خير
ليبيا قلبي
الف الحمد الله على سلامة بنت اختك
سلفية
كيف حالك وينك ووين خفة دمك تعالي هدرزي علينا
مشيمشة
كيف حالك وحال الوحم معاك
ام محمد
وينك غطستي مش تميتوا عزومتكم ان شاء الله تكوني بخير
وسطية
كيف حالك وحال وليدك
امواج البحار
كيف حالك وشن اخبار الرحلة ان شاء الله تكونوا استمتعتم
مدام علي
وينك شكلك غاطسة في العرس عقبال عندك ولجميع البنات
ليبيا100 100...ام التقى...حياة حلوة...عيوني...ام دانيا...مشتاقة لبلادي...كوكم...ان شاء الله تكونوا بخير وان شاء الله ما نسيت حد اكيد بدون قصد اللمة ما شاء الله لا قوة الا بالله كبرت ربي يدومها يا رب
توا تصبحوا على خير