greenstar :

[ السلام عليكم ورحمة الله صباح الخير جميعا وكيف حالكم جميعا ....ان شاء الله تكونوا بخير....وسلامة انى هالايام ضاربنى الكساد ضربة ...مش عادية والايام بطيئة ولا ما نحكيلكم ...نحس فيه الاسبوع ما يتحرك الا بالدف ....وزوجى فى الخدمة من الصبح الى الليل ...وانى لاخدمة ولا قدمة ...راسى وراس النت ولا بنتى ..وخلاص ...قريب يطلعوا لى قرون:25: زى اللى فى الصورة :42: وسطية ...تسلمى عالنصائح ...سلامتك انت فى الكريمة ...باهى جت فى كريمة :) ...انى قالولى حتى الروائح وكل ما هو سائل او لزج او مسحوق ...{ ولت حصة كيمياء } هذا علاش قلت مش لازم وجع الراس ....انى لما جيت لقوا عندى شيشة الكحل عربى ..{ متلبسة } وفتشوا شنطتى متع اليد لين لقوها الكحل . شوره يحسابوه [ T. N .T ] مادة متفجرة:42: هى سلامات توا بنتى ناضت وناصبة عالعياط

[ السلام عليكم ورحمة الله صباح الخير جميعا وكيف حالكم جميعا ....ان شاء الله تكونوا...

وسطية :

السلام عليكم كيف حالكم ياحلوات وحال عويلاتكم ان شاء الله في خيار الخير. تقربصتي - الحمد لله علي سلامة عمك وسلامة ومرواحة مرت خوك وربي يدوم عليكم الافراح.:icon28: نجيمة_ ان شاء الله ربي يجيبهالك زينة وبالنسبة للمرواح ماتشيليش هم انت ديري في شنطة صغيرة حوايج لبنتك منهم بدلتين واحدة وهيه ماشية للمطار ووحدة غيرهولها لما قريب توصولو ليبيا .وحوايج ليك انت ومولي بيتك .اما بالنسبة للعطر اني لما روحت عادي ما خدوشي مني فالحين خدو مني الكريمة متاع اليدين ولوحهوها قدام عيني في الكناسة (حاشا قدركم).:( وارفعي معاك ترمس مية دافية (ما تضمنيهمش يعطوك) وحليب بودرة وكانا تاكل في ياغورت والا عصيروبسكويت .وبعدين المشوار مش طويل هلبة يعني في الطيارة تحتاج لرضعتين بس اضني (تعالي انشدينا حنا علي القعاد في الطيارة لين يبسو ا رجليك ). وربي يسهلك وتروحي لماليك بخير وهني. امل -كيف حالك وحال مولي بيتك ان شاء الله بخير. باقي البنات ان شاء الله باهيين،اهو اني من جماعة كندا وطمنتكم عليه معناها تربحوا دخلوني المنتدي :) استودعكم الله الذي لاتضيع ودائعه

السلام عليكم كيف حالكم ياحلوات وحال عويلاتكم ان شاء الله في خيار الخير. تقربصتي - الحمد لله علي...