aalagood :

السلام عليكم ورحمة الله على كل بنات بلادى الحبيبات انى صديقة جديدة واول مرة انخش على هالموقع واول ما تصفحت شوية فى الموقع ولقيت التجمع امتعكم عششت فيه زى ما ايقولو جماعتنا وسجلت فى الموقع وانشا الله تقبلونى معاكم يابنيات بلادى انى زيكم ليبية ومقيمة فى بريطانيا والحاجة الثانية كيف برنامج التسميع بيكون والا كل وحدة تاخد الجدول وتحفظ وتسمع على روحها والله ايبارك فى صاحبة الفكرة

السلام عليكم ورحمة الله على كل بنات بلادى الحبيبات انى صديقة جديدة واول مرة انخش على هالموقع ...

وسطية :

السلام عليكم كيف حالكم يا حلوات ان شاء الله ما بيكمش، الفترة اللي فاتت الجهاز عاطل ،واليوم بس اخديت اللاب متاع المسيو :arb: وقعدت نقراء في ردودكم ضحكت وبكيت في نفس الوقت ،ضحكت لان مافيش حاجة وبكيت لاني تمنيت لو في حاجة ،والحكاية كلها ياحبيبات ان توة ما فيش حاجة،وناخد في علاجات ودوايات باش يصير منها هاديكا الحاجة ،وان شاء الله ربي يسخر هاديكا الحاجة ، وان شاء الله فهمتو حاجة،قولوا توة انتي قلتي حاجة. توة نبدوا في السلامات : ام محمد - انستينا وربي يسهل عليك ان شاء الله وتنوضي لاسو لاسوية ،شن رايك في اسم (اواب) عاجبني ومش متدوال هلبة ومعناه والله اعلم الكثير التسبيح والاستغفار وكان سيدنا داوود اوابا . (مذكور في القراءن ).ومعاش تغيبي طلي مرة مرة حتي بكليمة باش نطمنوا عليك .:26: امواج - كيف حالك يالغالية وحال حملك وصغيويرتك ان شاء الله امبحبحين ،بخصوص المراة اللي قلتي عليها ماعرفتهاش لان في هلبة لبيين مش خاشين في لماتنا ومايبوش يخالطوا ليبين (الله اعلم بظروفهم )لكن كانا يهمك امرها ننشدلك عليها وما يكون خاطرك الا راضي.:) ام الاء- كيف حالك وان شاء الله ربي يسهل عليك ، عيوني - كيف حالك وحال عويلتكم ان شاء الله في خيار الخير. سلفية - انستينا ونورتي اللمة وشن مازال قاعدة في ليبيا (عطاك ربي) اطفالي حياتي- كيف حالك وحال صغيويرتك وحال اميمتك ان شاء الله بخير طيبين. انجيمة - كيف حالك وحال الكاتبة الصغيرة (شني تكتب بالهيروغليفي) وامتي المرواحة ان شاء الله . امل ،مدام علي،غادة ،تقربصتي، كوكم،مشيميشة (غيابك طول ان شاء الله خير) ،ليبية مية مية،الليبو والتحنو، تجويد، مشتاقة لبلادي، حياة حلوة (شكلها عجباتك القعدة في ليبيا)، ليبياقلبي،ام دانية . وسامحوني كانا سهيت علي حد استودعكم الله الذي لاتضيع ودائعه:26:

السلام عليكم كيف حالكم يا حلوات ان شاء الله ما بيكمش، الفترة اللي فاتت الجهاز عاطل ،واليوم بس...

مدام علي :

لا يمكنك مشاهدة هذا التعليق لانتهاكه شروط الاستخدام.