سلفية 1 :

امواجامواج سلمك نشاده ياحنه والله انى استاحشتك ربى ادوم عليك هالونسة وصحتين عليك البازين ونقنه حلو امى ادير فيه لحناى لانها تحبه وهو من الاكلات الشعبية متاع ناس زمان ... جى خاطرى فيه خلى حتى انا بنديره وياحنه احنى قاعديين فى ليبيا مازال مش معروف ربى اسخر اللى فيه الخير وسمعنا عليك الاخبار الطيبة ويرزقك بنوته زى ماتحبى ومعاش تغيبى على اللمة :)

امواجامواج سلمك نشاده ياحنه والله انى استاحشتك ربى ادوم عليك هالونسة وصحتين عليك البازين ونقنه...

ليبية100 100 :

السلام عليكم كيف حال الجميع ان شاء الله بخير انتم والعايلة..وشنو امدايريين مع الحمو والصيف ومن اللي قاعد ومن اللي مشي لي ليبيا..اه على ليبيا وايام ليبيا :) رايفت عليها مع ان ما ليش اسبوع جاية... ليبيا تسلم عليكم وحدة وحدة..كانت سفرتى حلوة ومتنوعة الاماكن قعدنا اول يومين في طرابلس اخت زوجى مقيمة هناك وبعدها قعدنا يومين في بنغازى اهلى فيها وبعدها عدينا لي درنة وطبعا ولدى الكبير يستغرب ماكانش يبي حد غيرى انا والا بوه وكل ما ياخد على مكان والناس اللي فيه نحن نمشوا لمكان ثانى. .وفي فرح عمة العيال :icon28: كان في اخر شهر يونيوانسجمت وحنيت لعند الركبة والمرافق من كثر ما نحبها قعدت انقوللهم عبونى حنة بيش تمسك فترة معاش اندورها.....ولبست العربى وكل شي خاطرى فيه ...درته... بس المشكلة الايام مرواو كملوا بسرعة لقيت روحى ما زال خاطري في القعدة بس الله غالب اجازة زوجى انتهت:09: ...تخيلن فكرت انسيب العيال او واحد منهم غادى بيش نقرا وانكمل وكلهم قالولى خاطر القراية اشجعوك بس انا ما قدرتش:( شنو رايكم انتم انا جيت وجبتهم معايا بس ادعولى ربي يسهلي امرى ونلقالهم برنامج يريحنى وما يكونش غالي..:42: سامحونى دوختكم بدوتى الواجدة بس ليا فترة معاش كتبت فقلت خلينى انفرغ اللي عندي... :) المهم كيف حالكم ان شاء الله بخير .. امواج شنو امداير معاك الحمل وصحة على قلبك البازين..ان شاء الله تطلع بنية زي ما في بالك...لما تقعد بنت وحدة صعبة اسالي مجرب... سلفية كيف حالك ان شاء الله بخير وانستينا من جديد..حتى لو كان من ليبيا وربي يقدم اللي فيه الخير.. اطفالي حياتى لا باس عليها امك ان شاء الله طهورا..وكيف حالك انت والاطفال مع الصيف...ربي يقدرنا عليهم...واهم شي يصبرنا عليهم... مدام علي ما شاء الله عليك ويسلموا ايديك والعقبال ما نفرحوا بيك... عيونى كيف حالك ان شاء الله بخير..وشنو صار في الامتحان اللي قلتى عليه او المقابلة ان شاء الله من الناجحين والمقبولين ..يا رب.. ام الاء ربي يتمملك بخير وتولدى بالسلامة ويفرحك ربي باللي في بالك... جرين ستار ربي يسهلك التجهيز وحتى كان كملتوا غربتكم ان شاء الله وجودك معانا ما يكملش وتقعدى معانا قلبا وقالبا.. وربي يونسك باهلك ويونسهم بيك.. ام محمد كيف حالك ان شاء الله بخير مع الحمل والصيف ربي يعينك ويعطيك الصحة..وامتى تشتري جهاز جديد..هيا رايفنا عليك.. مشيمسة وينك ان شاء الله خير.. حياة حتى في ليبيا في انترنت بس عارفة ما فيش فضوة بس طلى ولو عالسريع.. غادة كيف حالك انت والتبتيت. ان شاء الله تمام. ان تقي الدين ما زلتى في ليبيا اكيد منسجمة ربي يكمل عليك وترجعيلنا بالسلامة... باقي البنات الغاليات ان شاء الله ما ننسى حد بسم الله وسطيه... ...وليبيا قلبى... ...وهناء ....ولوشا ...... كوكم وامل حياتى ... وام مرام... ومرت راجلها ...واموله ....لوشا...ليبو والتحنو... واكيد نوران الشرق ...G Libya ..اريام الحنين ....... تقربصتي ...حياة حلوه ........ مرت راجلها ...ام مودي وميمي ..good life ..مراااااام ...ذات الهمّة ... ... زوبة الحبوبه .....لونتى الحلوة .... ......طالبة عفو الله ... .....de lyon.... ام السنفور.... مهاد وفاء المبروك....* براءة * ...فراشة.. بهراء ....حواء118 ...بتول...nonasemo .. maramkhalid .... مدعاة السرور ... A7LA*DAL3*.... ...سومة سيف ... جنان.... ... ... ليبية ...وكان نسيت حد سامحونى توا مع السلامة وفي رعاية الله :26: :26:

السلام عليكم كيف حال الجميع ان شاء الله بخير انتم والعايلة..وشنو امدايريين مع الحمو والصيف ومن...