مراااااام :

ام محمد كيف حالك يا غالية وكيف حال صغيويرتك ان شاء الله ما بيكمش ولا باس على وبيك بعيد السو عليه ان شاء الله تسمعى عليه الخير ويشفيه يارب عيونى لا باس عليك يا غالية بعيد السو ربى يشفييك ويعطيك صحيحتك نجيمة خيرك معاش تخشى تهدرزى والله هدرزتك تهبل باين عليك مرحة وتحبى البصارة حياة كيف حالك يا حلوة وانى بنقولك على حاجة انت توة صغيرة ولازم لازم تكملى قرايتك لأن شهادتك ضرورية وتلقيها بعدين انت توة صغيرة وما تعرفيش مصلحتك اسمعى كلام امك وبوك وكملى قرايتك تعرفى انى كملت سنتين فى الجامعة وانى متزوجة وحمل وجياب ونبى نبطل وراجلى ربى يخليه ليا اصر انى نكمل وفعلا الحمد لله لقيت شهادتى توة وكنت مش عارفة قيمتها وراهو كان ماكملتيش قراية بعدين تندمى معليشى سامحينى كا ن تدخلت شوية بس حسيتك صغيرونة وحبيت ننصحك مشيمشة كيف حالك حبيبتى ان شاء الله بخير انت والصغيويرة وومبروك الحمل كان صار وربى يتمملك على خير ويجعلها من الذرية الصالحة ليبيا قلبى كيف حالك وحال عويلتك الدرناوية اهلا بيك بيننا انت منين فى طرابلس يعنى من اى منطقة بالزبط لأنى حاسة انى نعرفك باقى البنيات الباهيات كيف حالكم ان شاء الله كوووولكم بخير

ام محمد كيف حالك يا غالية وكيف حال صغيويرتك ان شاء الله ما بيكمش ولا باس على وبيك بعيد السو عليه...

ام تقى الدين :

السلام عليكم ورحمة الله وبركاته كيف حال الجميع ، ان شاء الله كلكم بخير ، الحمد لله من بعد ما شرا زوجى اللاب توب قعدت انحصل وقت اكبر للنت وان شا الله ربى يجمعنا على الخير ام محمد لاباس على بوك وان شاء الله ما تسمعى عليه الا كل خير ، سبحان الله المتغرب يقعد حساس لكل شىء بخصوص الاهل -الله يحفظهم او لا يغيبهم- وانت كيف حالك وكيف صحتك توة والله يا اختى لما قريت اللى كتبتيه عن الضروف اللى مريتى بيها زدتى سبحان الله كبرت فى عينى والحمدلله ربى اللى عطاك الصبر والحكمة فى التصرف والحمدلله على كل حال واكيد يا حبيبتى لمستى كيف ان كل محنه فيها منحه والحمدلله ان امورك بخير وزادك الله من الشفاء ، مواضيعك اللى تكتبى فيهم سبحان الله ايخلونى متاكدة انك على خير عظيم ،أسأل الله لك الثبات وان ييسر الله لنا الاستفادة كلنا مع بعض لما فيه صلاح ديننا ودنيانا خواتى ليبيا قلبى وحياة حلوة انتو جيرانى انا معاكم بالامارات وان شاء الله انحصلوا فرصة انتعرفوا اكتر ، انا بابوظبى او ديما نمشوا لدبى والشارقه او سبحان الله على ما حبيت الشارقه-امارة العلم- انتمنى لو الله كاتبلى ايامات فى الامارات ان يجعلهم فى الشارقه حياة حلوة راهو طبيخة السلق زى طبيخة السبانخ ولا البليبشه كلهم نفس الطريقه او نعطيك على السريع طريقة امى او هيا انصبى طبيختك عادى يعنى زيت او بصل او حطى عليهم اللحم ولا الدجاج بعدين زيدى توابلك فلفل احمر وبزار -كركم- او كان تبى حطى شوية حرارات او بعدين حطى طماطمك المعجون -او ما يفوتكش طماطم البوارجى من الكارفور ممتاز- او خليه شوى بيش تمشى الحموظه امتاعه او بعدين زيدى ميتك ، او لما قريب ايطيب اللحم امتاعك وتكونى غاسله السلق ومقرظتيه حطى السلق او حطى معاه مقدار ملعقة طعام رز -نى - اتكونى غاسلتيه او ما تستغربيش غير جربيه ، او بعدين اتكونى امقرظه كسبر اخضر ومعاه ثوم زيديه للطبيخه او راجيها لين ما تطيب-او تعرفيها طابت لما اتلاقى حبات الرز طابن- او كان تبيها اكثر دسامه والطعم اقوى خوذى الثوم والكسبر الاخضر واقليهم فى شوية زيت او ضيفيهم للطبيخه لما خلاص قريب اطفى عليها وبالهناء ومعلومه تانيه راهو السلق والسبانخ ايطلعوا فى ميه واجدة عشان هكى ما تبليش طبيختك واجد يعنى ما تكتريش ميتها عشان السلق ولا السبانخ توة ايطلعوا ميتهم او حتى البليبشه نفس الشى ان شا الله يكون الشرح واضح او معليش توة ماشيه انصلى المغرب او بالكى انردلكم مرة تانيه

السلام عليكم ورحمة الله وبركاته كيف حال الجميع ، ان شاء الله كلكم بخير ، الحمد لله من بعد ما شرا...

امواج البحار :

السلام عليكم ... كيف حالكم كلكم ان شاالله طيبين ... سماح يابنااات راني مريضة فى حال ما يعلم به الا ربِ "اللهم لك المشتكي" ... واللهِ قريب نمشي زحف على ركابي بيش اندير للعويلة حاجة ولا اندير حويجة فى الحوش وهابا عليك دور مغير اهو !!! :icon36: :icon36: :icon36: حرارة حشاكن وجسمي تقولي مضروب طريحة وراسي يبرم حتي صلاتي وانا مقمعزة من الدوخة ولوز حشاكن ملتهبات وينزلن فى صديد "الحمدلله على كل حال" لي 3 ايام فى حالة واليوم قلت خلاص لازم نشوف الدكتورة ... واللهِ انها اول ماشفت حلقي عيطت وقالتلي هذا له كم يوم !!! ياخياتي مانحبش الدكتور لكن مشيت مشيت مافيش فايدة ... اهي عطنتى مضاد حيوي كيف بديت فيه توا ... وقلت نكتبلكن ونطمنكن عليا وكان غبت الايام الجاية ماتنشغلوش عليا راني بخير غير اني مدهشرة ومانقدرش نكتب ونقرا ... وان شاالله نصح مع الدواء ونعاودلكن ... وسلامي لكل البنات ... ومشكورة يااريام ياغالية عالنشدة اهو جاتني مرضة معتبرة هذك اليوم انقول صداع واللهِ ليلتها مارقدت من الحرارة والابراد "اللهم لك الحمد والشكر يارب" ... تعرفن يابنات ماقطع قلبي الا عيالي ياميمتي عليهم كانو مرضي ومايشكوش مساكين ربِ يشفي كل مريض واللهِ يابنات اتريه العيل حمال احسن من الكبير ... يالله نسيبكم نحس فى عيوني انحولن مش قادرة حتى انبهت فى الجهاز ... وبعد خطرها باللهِ ادعو لعيوني راهي مريضة مسكينة فى حالة ... يارب اشفِ عيوني وكل مريض يارب يارب اشفِ عيوني وكل مريض يارب يارب اشفِ عيوني وكل مريض يارب اللهم ياذا العرش المجيد اشفيها واشفي كل مريض يارب اللهم ياذا العرش المجيد اشفيها واشفي كل مريض يارب اللهم ياذا العرش المجيد اشفيها واشفي كل مريض يارب اللهم ياذا العرش المجيد اشفيها واشفي كل مريض يارب اللهم ياذا العرش المجيد اشفيها واشفي كل مريض يارب اللهم ياذا العرش المجيد اشفيها واشفي كل مريض يارب اللهم امين ... اللهم امين ... اللهم امين ...

السلام عليكم ... كيف حالكم كلكم ان شاالله طيبين ... سماح يابنااات راني مريضة فى حال ما يعلم به...

امواج البحار :

نسيت نسلم على لوشا ... كيف حالك ياغالية ومبروك عليك العتبة الجديدة وان شاالله عتبة مباركة يارب ... يالله فى امان الله ...

نسيت نسلم على لوشا ... كيف حالك ياغالية ومبروك عليك العتبة الجديدة وان شاالله عتبة مباركة يارب...