em mohamed :

السلام عليكم ورحمة الله وبركاته كيف حالكن يا بنات أن شاء الله كلكن بخير وربى يطمنا على الغايبات ونسأل الله الشفاء للمرضى . وسلمكن نشادات على بوى المهم قعدت انقصقص فى امى قالت لى الايام اللى بعد العمليه قعدوا خايفين لأن الدكتور رعشهم بس بعدها داروا كمبيوتر وتريحوا اشوى وهذا عليش يبوا يمشوا لمصر (دكتور ابو العينين اخصائى فى جراحة المسالك البوليه معروف ) بيش يطمنوا من مصدر موثوق وأن شاء الله ما هناك ألا الخير ,,, طبعاً أنا الكلام اللى قالوه كله ما خشش راسى وقاعده نضرب اخماس فى اسداس ,,, لكن وعدونى انهم مش حيدسوا عليا شيئ لما يمشوا لمصر ويخبرونى اول بأول ... وربى أن شاء الله يكتب لبوى كل الخير ويشفيه ويطمن باله وبالنا يارب . بعيد السو عليك يا امويجه ان شاء الله فى القطوسه وليش صابره 3 أيام هذه بكتيريا (ستربت) وكويس عطوك مضاد حيوى أن شاء الله خلال 24 ساعه حالك يتحسن زوجى امرض منها السنه اللى فاتت بعيد عنك قعد امطوح وحتى الزمط ايعيط منه وقبل يبوا ايدخلوه للمستشفى علشان ابر فى الوريد غير هو قاللهم توا نضربهن ابروحى . أن شاء الله لا باس عليك وربى يشفيك ويقويك ننقنها رقدت ام العيال واعره أسألينى تقعدى تبحتى بعيونك وغالبتك الحاجه ما تقدريش اتحركى الحمد لله على افضاله وان شاء الله نسمعوا اخبار اكويسه عيونى أن شاء الله لاباس عليك وحتى انتِ توا الدوا يأخذ مفعوله ربى يشفيكن وترجعلنا طيبات سلفيه شنو اخبارك وكيف الصحه توا وشنو حال البيبيى ؟ وكيف حال زوجك توا ان شاء الله صابر ,,, ربى يوصلكم لهلكم بالسلامه أن شاء الله . ام تقى الدين بارك الله فيك على كلامك وربى يثبتنا كلنا ويقدرنا على الطاعه والحمد لله كيف ما ايقولوا العرب الاوله تنزل المصيبه وينزل امعاها الصبر ,,,, والدنيا تستمر غير زايد وما نحن ألا عابرى سبيل وقت المصيبه العبد يحسابها هى نهاية الحياه بس أتخف مع الوقت وينسى ويندمج فى الدنيا ويقعدن غير الذكريات .. اللهم لك الحمد على نعمة النسيان وصدقينى ما فيش واحد خالى فى هالدنيا ربى يغفر لنا ويرحمنا . مرام شنو حالك وان شاء الله ربى يفرج همك وكربك أن شاء الله ديما طيبه ويا حنا اسكتى ع الحوسه كلنا طول النهار نجروا ولولا طشة الصبح اللى انحصلوا فيها على الكمبيوتر رانا اخلوقنا اطبقن . اريام كيف اخبارك وان شاء الله كل شيئ تمام لوشا مبروك عليكم الحوش والنت ان شاء الله عتبه مباركه ومعليش فرق التوقيت هو اللى ما ايخليش فيك تلقى فينا غاده سلم حالك يا حنا قاعدين امغير كل وحده لاهيه فى حوستها واهو يوم الواحد يقدر ايخش ويوم ما يقدرش يتواصل امعاكم انا مع انى انخش يومياً بس مشاغل الاشراف والمتابعه ما نقدرش نكتبلكن هنا ,. حياه شنو حالك وفعلا كيف ما قالت مرام اهم شيئ الشهاده ان شاء الله حتى تاخذيها وتعلقيها بحذا راسك(كيفى انا وعيونى مع وقف التنفيذ خخخخخ) بس المهم عندك شهاده وخصوصا فى هالوقت ام مودى شنو اخبارك وكيف حال العيال قود لايف القشطه انا نأخذ فيها من المحلات العربيه وبالنسبه للبسبوسه يا قود لايف انا اندير فيها بالنستله مرات وانخلط امعاها فى جبنة فيتا (الغير مملحه) او كيرى أو فيلادلفيا بس احلى وحده الفيتا اتجى تهبل طعمتها ,,, امشيمشه وام ألاء وقرين ستار ..هناء..تقبرصتي..مهاد ..ليبية100 100 .. .... ..سهلولة1 ..ريحانة السنة.....بهراء.... nonasemo....... ذات الهمه...almsbahi ..de lyon ..بهراء... انا اعتزلت الغرام..فاطمه كمال..الدرناويه.. وباقى البنات شنو اخباركن ؟ وشنو دايرات فى الحفظ هيا بكره الامتحان بأذن الله ما زال ثلاث سور ونكملوا جزء عم وفى ذلك فليتنافس المتنافسون .

السلام عليكم ورحمة الله وبركاته كيف حالكن يا بنات أن شاء الله كلكن بخير وربى يطمنا على...

+4