امسويه ملك شيك فراوله ومدلعه نفسي بعد تعب الحنك

وايد تكلمت اليوم ..

سهرت اهلي كل خميس عندي

ومشوا على الساعه 11

واكلتهم كباب وتكه وسمك مشوي على الفحم يعني قعدتنا كلنا براا

الرجال في صوب والحريم بصوب بس صدق وناسه

............

يومي كان كالتالي



خلصت الترتيب والتعديل اشياء خفيفه بس عشان البارحه ما نمت الا وكل شي بمكانه

وبعدها كنست ومسحت السيراميك وغسلت حمامين كرمكم الله وخليت الثالثه تعبت قلت هذا الحمام عموما ما يستخدمونه نهائيا

طيب بعدها سويت باستا على دجاج

وتغدينا وسويت شاي وشربنا والحمدلله بكذا كل شي تمام

نمت من الساعه اربعه الين الساعه خمس ونص

وبعدها ابتديت ترتيبات السهره من تقطيع الخضروات و سلطة فواكه وشربت وجهزت الكاسات والصحون

وطلعت الحوش مسحت الكراسي والطاولات قبل ما يجون الضيوف

والحمدلله الجو كان عجييييييييييب

وانقضى اليوم

........

طيب يا ام الاحمر هههههههه

يا بنت الحلال دام قال لك وش هالزين كله

معناته انه عجبك

بس مت من الضحك لما قلتي انك حسيتي بخجل كأنك مخطوبه

تدرين ان انا اليوم بعد كان لبسي احمر على لحمي

وبنطلون بيج وكليب احمر و حلق احمر على بيج

ولبست جزمتي احمر فيها شريطه صغيره بلون بيج

قولي اشوه ان قال لك وش هالزين انا ما قال لي شي

بس قال آآآآآآآه على عطرك

يكفي والله وزود

عادي سوي الشاي والقهوه له ولصاحبه وانتي كاشخه

اهم شي وانتي بالبيت حلوه وجميله

والله اكثر الحريم يقولون ان فعلا على النفسيه

بس انا اعتقد ان النفسيه مالها دخل بالتعدل والتكشخ

شرط ان لو تكشختي زان نفسيتك وحسيتي نفسك افضل بكثير

انا كنت افكر ان النفسيه لها دور او البيت او اعمالي اليوميه

بس بعدها تغيرت وعرفت ان ما دخل هذا بهذا

فخليك كذا يا اختي كملي يوم بعد يوم وان شاء الله

انتي بنفسك راح تذكرين كلامي وراح تقولين ليه من زمان ما كنت كذا

وش كان حالي قبل وراح تضحكين على شكلك قبل ..

عادي شباصه على قلوب انا عندي شباصه خخخخ على سلحفاه فيها فصوص احبه واجد

لونه اخضر فيروزي ههههههههههه غالي على قلبي

...........

سأكون بإذن لله

يا حبيبة قلبي والله

بالنسبه لعيالي عندي اثنين بس والحمدلله رب العالمين

ولدي بخامس ابتدائي وبنتي برابع ابتدائي

بينهم بس سنه

ان شاء الله بجيب بس مدري متى يمكن ما اجيب هههههههه

كل ما نجي نجرب نجيب نتردد سبحان الله مدري وش السالفه

لا انا متقبله ولا هو حاليا

بس نمووووووووت على البيبيز

الله كريم ان شاء الله السنه الجايه نحج سوا انا وزوجي وبعدها نجيب ان الله كتب

وان صرت حامل قبل فالحمدلله نعمه من رب العالمين

بالنسبه للبسي بالصباح اكون لابسه تي شيرت كات مع بنطلونه قطن لكن مو بيجامه

يعني ناعم حتى للعصريه بس يطلع زوجي على طول افصخه والبس جلابيه وادش الحداق ههههه

بعد ما اقفل الباب يعني اتاكد ان هو مو فيه

وقتها عاد ازيت شعري واحط لي خلطات اشوف الجدول بالاول وش عندي من اهتمام بالنفس

واسويه قبل ما ابدي شغلي بالبيت ..

بالنسبه للعصر لما يكون اجازه احب البس تايت الي هو برمودا استرج مع تي شيرت يناسبه حلو وقت الحركه يكون اريح من الجينز

بس اخلص اخر صلاة ارجع للجينز واغير

ما احط ميك اب بالصباح لكن احط كريم التجميل تبع اولاي عجيب يسوي الوجه وردي وفرش

انصحكم فيه

اما باخر الصلاة لازم اسوي لي ميكب خفيف او ثقيل الثقيل اقصد فيه خطوط العين اركز عليها

بس ما اكثر الظل اهم شي شكل العين يلفت النطر

.............

بالنسبه للشعر

لما تزوجة خيبت بختي هههههههههه ما جاني نصيبي الا وانا بالصدفه كنت قاصته فرنسي

وانصدم الرجال هههههههه

و من يومها ما قصيته رافض تماما

صار شعري الين نهاية ظهري ومتعب جدا بالاهتمام

ما كنت ابي اقصه درجات لان من النوع الي غليض ما شاء الله تبارك الله

ومنفوش لكن ناعم بس مو سايح هههههههههههه

فالحل ..

سالت وسألت الين ما حصلت مشغ بالبحرين

يسون يوكو بس مضمون مئه بالمئه

لا يحترق ولا يتساقط واصلي وموثوق بشهادة معارفي

وتوكلت على الله ورحت وسويته

وطلع توقعاتي اكثر ما كنت متصوره

وقتها صار للبيت ستاير

هههههههههه

اقصد الكشخه بدون شعر حلو بيكون بيت من غير ستاره

هههههههههههه وش هالوصف

بس صدق صدق الكشخه مع شعر كذا ناعم واربع وعشرين ساعه جاهز وحلو

ما في احلى من كذا

بعد السبوح بس مفلول ولما يجف كأنه مستشور كأني رايحه مشغل

وقتها بس سويت قصه سويت لي تدريج بشعري لكن بنفس الطول

هذا شرطه والحمدلله مرتاحه وناويه كل ست شهور بس اسوي للجذور

وكمان صبغته سويته هاي لايت بثلاث درجات من الوان الشوكولاته

سويت الصبغه قبل اليوكو يقولون افضل وبعدها سويت اليوكو

وحلات الصبغه والشعر سايح عشان يبين تدرجات الالوان والخطوط بالشعر

وفعلا مرتااااااااااااحه الحمدلله اكثر ما كنت قبل استشوار كل اسبوع وباقي الايام كليب وكعكه

.............

بنزل جدول الاهتمام بالجسم والبشره بس تعبت الليله بروح اكمل جلستي معه وبنام وبكره ان شاء الله بكمل اوكي


تصبحون على خير

ورد / وش أخبارك والله حتى انتي لك وحشه:39: ، عيالي الحمد لله طيبين الله يصلحهم يغارون من بعض الحمدلله على العافيه ،
فروووحه / ياهلا وغلا بأميرتنا والله انك ماتغيبين عن البال ، اسأل الله تعالى ان ييسر امرك ويفرحك بما تحبين في القريب العاجل وأن يحنن قلب زوجك عليك ،،
وكل الغوالي في حملتنا لكم مني

الوفاء الله يشفي بنتك وماعليها الا العافيه,والله يرفع عنكم البلاء
رؤيا والله موضوعك جنان الله يعطيك العافيه
ستارز حلليني ضحكت عليك لدرجه ان زوجي كان جنبي وقلت له اللي مضحكني عاد هو جاب العيد بس الاحمر ختييييييير اخاف هو انحرج اكثر عشان كذا قام يصرف الموضوع بالشاهي هههه

رؤيا / تو قريت ردك ، شوفي حبيبتي انا ما أتوقع نفسي اني راح اتغير كثير لأني الحمد لله من تزوجت وانا مهتمه بشكلي ولبسي لازم الكحل يكون بعد كل شاور + كريمات الجسم اللي تجي تبع العطور كل مره ابدل واللي يعجبني اجلس عليه فتره وأغير والحين عندي كريم جسم من مكياجي لونه موف فاتح ريحته نعومه وارش عليه اي عطر عندي مشان تثبت الريحه اطول ، وبالنسبه للبس الحمد لله كل مره اغير احيانآ بيجامه وأحيانا تنانير قصيره وأحيانآ شورتات او بناطيل وأغلبها جنز ، لكن المسأله ومافيها هالبنطلون الأحمر خخخخخ ،،
دانه / لا حبيبتي ماراح احللك ولا ابيحك لا ومضحكه ابو العيال بعد هاه:mad:
امزح معك ياحلوه ،،بس قولي لي وش العيد اللي جابه لازم تقولين لي والا ترى :024:

الاموره الحلوه ليه ما تنامين ...بكره عندك فطور مبكر:024: