رؤيـــــــــــــــــــــــــــــــا

تسلمين يا قلبي نصايح اكثر من رائعه
عاد انا اليوم مسكت معي حكاية العطر وتبخبخت اللين انفجر راسي :D
واجي احوس من حوله يعني ارتب يعني <<<بس لاحياة لمن تنادي
رحت لاختي شفت على تسريحتها عطر كنت احط زيه ايام الخطوبه وشهر العسل وهو يحبه
والله واقوم اتبخ بخ منه وركبت السياره شمه قال الله الله زمان عن ذي الريحه

ومن ثم قررت اني اروح اشتري هذا العطر وما احط منه الا اذا ابغا الفت نظره او للياللي الخاصه :35:


ستـــــــــــــــــــــــــــــــــــــار

ههههههه والله مت ظحك عليك الله يسعدك :hahaha:
واحلى شي عجبني الشباصه القب وهي مدفونه في تضاريس شعرك ولا البنطلون الاحمر حكااااايه خخخخ


جروحــــــــــــــــــــــــــــــه
:Dهلا والله بالطش والرش يالله حيها والله لك وحشه تو ما نور المنتدى

يوووووووه خلاص تعبت سلااااام:kiss2:

صباح الخير

بما انة ماجاني نوم قلت اكتب يومياتي لليومين الي راحت

الثلاثاء بالليل نظفت غرفة امي نزلت الملابس من الدواليب ومسحتها وخرجت امي الملابس الي ماتبغاها للجمعية
ومسحت التسريحة والكمدينات ورتبت الي فيها اشياء التسريحة مرة قليلة امي ماعندها خرابيط كثيره الله يخلف على تسريحتي غسلت ستارة غرفتها ومسحت السيراميك بماء وصابون وسطفتها بموية مسحت السرير وغيرت المفرش
غرفة امي تنظيفها مرة مريح ماتعبني كثير الشباك والمكيف نظيفة يمكن علشان كذا ماتعبت
خلصت على الساعة 10 جابوا اخواني عشى واتعشينا ونظفت المطبخ ونمت
الاربعاء
صحيت 10 افطرنا وغسلت نحاس الفطور وكنست البيت ومسحت السيراميك بماء وصابون وداك وشطفتة ورتبت الصالة
ومسحت الطاولات رشيت على الشجر معطر ساعة صفا مرة روعة
سويت غدا مكرونة بالبشامل وايدام مشكل اتغدينا وغسلت النحاس ومسحت المطبخ
مسحت اربعة من ابواب البيت والمدخل واخذت دش وصليت العصر والساعة 5 سويت قهوة وشاهي
وسويت بسبوسة وحلا اوريو والمغرب خرجنا نتمشى لجدة رجعنا الفجر صلينا ونمنا
الخميس
صحيت 2 صليت الظهر وافطرت والعصر غسلت الحمامات والبيت مايحتاج تنظيف صليت المغرب وسويت عشاء غداء
والساعة 7 اتعشيناء وغسلت النحاس وسويت شاي بالنعناع وبث
الحين الساعة 3 وربع ومو جايني نوم

دنيتي راما

يعطيك العافيه وياجرك على برك بامك ما شاء الله تبارك الله
ياريت كل البنات مثلك بوركتي

بسم الله الرحمن الرحيم
كيفكم بنات وحشتوووني ياقماري كيفكم مع الكرف
اولا ابغاكم تسامحوني على التقصير اليومين الي فاتوا بس والله لاني كنت تعبانه
مررره الله يفرج على كل مسلم وانا دحين الحمد لله احسن وان شاء الله ما اقصر معاكم
وابغى اعتذر منكم ما اقدر ارد لان الصفحاات كثير
بس بقول لستارز يا احمريكا موتيني ضحك والله الله يسعد قلبك يارب
ورد وشوك فينك من زمان عنك
فروووحه ياقلبي فييينك والله يبشرك بالجنه ان جبتي كونكت

بالنسبه للجدول بما ان الاجازه جايه فالاسبوع الجاي بنمسك المجالس
مجلس الحريم والرجال مع بعض وكل وحده وقدرتها الي تحب تخلص مجلس في يوم
تسويه والي تبغى تتبع الجدول على راحتها الموهم انها المجلس راح تتنظف ان شاء الله

السبت

تنظيف يومي للبيت +ستاير المجالس غسيل وتركيب + قراءة قرآن (الورد) + تنظيف الثلاجه +
غسيل الملابس

الاحد

تنظيف يومي للبيت + مسح جدران المجالس + قراءة الورد من القرآن + مسح ابواب المجالس
تنظيف الشبابيك +كوي

الاثنين

تنظيف يومي للبيت + تنظيف ومسح الغبار عن الكنب للمجالس + قراءة موضوع ديني من النت او كتاب
غسيل الملابس

الثلاثاء

تنظيف ارضية المجالس + وكنس تحت الكنب + كوي + سماع او قراءة فتاوى من النت او كتاب +
قراءة ورد القرآن

الاربعاء

تنظيف يومي للبيت + ترتيب كنب المجلس ومسح الطاولات+ وتنظيف التحف للمجالس +قراءة ورد القرآن
غسيل الملابس

الخميس

تنظيف يومي للبيت +قراءة ورد القرآن +سماع محاضره في البيت او السياره
اجاااازه من التنظيف العميق

الجمعه

تخصيص الجمعه بقراءة القرآن والاذكار والاكثار من الصلاة على الرسول صلى الله عليه وسلم
قراءة سورة الكهف
اجااااااااااااااااااااااازه من اعمال البيت يلا حتى كنس لاتكنسوا خخخخخخخخخخخخخ