صباح الفل والكادي
ترى انا من جيت ماشفت مشرفتنا يعني لسى ماتعرفت عليها<<<يالله تعالي سلمي علي
وبنات بيرث كل ابو جدهم مختفين ماأشوف احد بس انا مبلطة بالتجمع وينكم بنات كني مقطوعة من شجرة<<<فاهمه غلط
وين ام سارونة وام اللوس وسمسم ومياسن وبنات كثير >>>المشكلة ماني عارفه من اللي تخرجوا ورجعوا للسعودية نهائي ومين لسى باقي (امحق صديقة) خخخخخخخخخ

الحمدلله

دائما ابغى اعرض هذا الحديث
باب تقوم الساعة والروم أكثر الناس

2898 حدثنا عبد الملك بن شعيب بن الليث حدثني عبد الله بن وهب أخبرني الليث بن سعد حدثني موسى بن علي عن أبيه قال قال المستورد القرشي عند عمرو بن العاص سمعت رسول الله صلى الله عليه وسلم يقول تقوم الساعة والروم أكثر الناس فقال له عمرو أبصر ما تقول قال أقول ما سمعت من رسول الله صلى الله عليه وسلم قال لئن قلت ذلك إن فيهم لخصالا أربعا إنهم لأحلم الناس عند فتنة وأسرعهم إفاقة بعد مصيبة وأوشكهم كرة بعد فرة وخيرهم لمسكين ويتيم وضعيف وخامسة حسنة جميلة وأمنعهم من ظلم الملوك

عز الله ماعندتس سالفه يارورو<<<بتنجلد


ولا واحد ولا ربع من المصادر اللي حطيتيها جاب سيره التلبس

ولا اصل في القياس هنا بتاتا البته

قياس حرمه المخدرات من اصل حرمه مايذهب العقل وهو المذكور بالقران (الخمر) ولان تاثير المخدرات العن من تاثير الخمر فتاكدت حرمته

لكن التلبس!!!!! شي جديد بالكليه :30:

اعرف ان الشياطين تنزغ الانسان او توسوس له
لكن تتلبسه وتتكلم بلسانه !!!!!!!!!!!

الغريب ان الجني اللي يدخل بشمريه يتكلم شمري واللي يدخل بجنوبيه يتكلم جنوبي ياخي هالجن ذولا مثقفين!! لاواللي يقهر ان هالمسكين الجني اذا هو ذكر ودخل بحرمه يصير صوته صوت حرمه وراه مايصير اسد مثل القذافي<<وش دخل خخخخخ



تدرين وحتي اصدقك القول
الله اعلم ان تفسير حاله المرآه انفصااااااااام ولاغيره

لو اعطوها ادويه نفسيه صدقيني بتعقل ويستاسع صدرها

طيب ابسآلك سوعال

لو ادخلو هذه المرآه في غيبوبه
وشغلو عندها القران
فهل سينطلق الجني ويلعن ويشتم!!

لا طبعا
مايطلع الجني الا في حاله الوعي...ليييييييييييييييه؟؟؟؟؟

لانها حاله مرتبطه بالمشاعر والعواطف والخيالات

عشان تسذا ...اسمحي لي لاتحارشيني ولا احارشيتس اذا مابوه دليل من قران ولا سنه يؤيد قصه التلبس ولاتنسين بالله التحدث بلسان الملبوس مدري المتلبس

وجزاتس الله خييييييييييييير

يؤ نسيت اقولتس

الله اعلم ان بي جني متلبسني ...لانويت الصيام فرك راسي بالصداع من اصبح وخلاني افكر بالخبز التركي اللي تقل مولوووووووود يذوب بيدياتي ذوبان ..عقب ابطل
ادعي لي ربي يشفيني من هالماخوذ :06:


بقوم الكيمست اجيب لي اسبرينه كودها تذبحه هالمنعون :p





عسيريه

كلمت الكيميست وعندهم تحاميل بس من عمر 6 شهور
عاد مدري عن بسيستك كم عمرها الله يشفيها
ذكرتيني بي مع نوسا اول ماجاها التشنج قال لي الدكتور انتبهي من الحراره والارهاق
والله وكيلتس لا ارتفعت حرارتها اوديها المستشفي زي المجنونه

الحين اوووووووووه تطورت منفوحه صرت اعطيهم الدوا واكبر المخده واوقت الساعه بعد 5 ساعات
فنصيحتي لك
لاتعذبين نفسك
عندك خيارين اما تكبرين المخده وتتوكلين علي الله وكل 5 ساعات او 4 ساعات قومي لها
او اشتري لها مقياس الحراره اللي ع البطن
انتي تحددين درجه الحراره اللي لو وصلت لها يطلع صوت انذار وتصحين عليه
اخبره بالسعوديه بـ 120 ريال
عاد مدري اذا موجود هنا والا لا

اذا تبين علميني وابحث لك عنه يالغلي

مون يا لبى الي فاهمتني .. أشكرك من قلبي انبسطت انك فهمتيني هههههههههه اذا ما فهمني احد تجيني الصياحة مدري ليه

> نفسية خخخخ

و الله ماشاء الله عليك تقطيعك مبين مرتب .. الله يوفقك يار رب

بيسو : من غير شر يا رب .. الله يحفظ لك عيالك ويخليهم لك يا رب ..

العيال بهذلة و غثى يمكن بس الله لا يقطعنا زينة الحياة الدنيا ..

جوهرة : انا توني لي سسنة بس مستعجلة هههههههههه

الله يرزقك الذرية الصالحة يارب ..

..

لا إله إلا الله محمد رسول الله .. اللهم صلي على محمد و على آل محمد كما صليت على ابراهيم و على آل ابراهيم

إنك حميد مجيد ..