o°°o°°o كشتـتـنــــــــا o°°o°°o

الموهم وصلنا للمخيم في أمان الله وكان فيه خياااام وتراااب >>قولي قااا

بس ياهو ملكي مخيمنا تصدقون ان ارضيته رخام وفيه كنبات كلاسيكيه وتكييف مركزي >> تكفووووون مشووووها علشاني :biggrin:

وماامداني اقول بسم الله واحط رجولي على الارض الا ويخطف من يمي كائن حي اشهبن الهب خشته تجيب المرض تقولون له شهر ماتسبح حتى الرموش وقسم عليها طبقه غبار !
اثره واحد من بزارينا منطلللق بعنف الله يصلحه مغير تلاقط عيونه بالبر ومايدري وش يبدي >> ماقد شاف خير :biggrin:
واناظر والقى ذيك اللي معبسه تقولين شايفتة لها قطو ميت >>الله يخس العدو :11:
الا هي بنت خالي تعيييط تقول لأمها وععععععع التراب يوسخني وخرييييييه >>انعن ام الخكاريه ياشيخ خخخخخخخخ

والاشهب الثاني واقف في باب الخيمه يوزع ابتسامات على الرايح والجاي يبيهم يشيلونه الضعيف اثره باحل ماعرف يمشي على التراب >>حااااله ذا العايله الله لايشقينا

وجدتي بنت الحلال ماجاز لها الوضع تقول لااااااااااااااا انا ماابي تربات وخيام وبس ابي عشب وجنى >> وينتس فيه الله يرحم والديتس ياجديدتي !!

حتى انا صراحه اول ما وصلنا وناظرت التراب تفاجأت من لونه كنت احسبه وردي ماكنت ادري ان التراب كذا شكله!!
تعرفون بعد ماخبرت نفسي من ولدت الا وانا متفنقسه قدام خضرة ماليزيا ماعمري شفت تربات ابد :biggrin2: >> بتملون من كثر الارانب في ذا الموضوع هع هع


ويوم وصلنا طبعا حنّا اخر من وصل من خوالي وخالاتي كالعاده يعني
فرحوا فينا وقام يهلون ويرحبون انا تشققت كنت احسب انه عشاني يعني تعرفون ياحبيلي كلي ملح >>لا يكثر
الا هو صار عشان يتقهوون ويشربون شاهي ذا الدببه كانوا يحترونا نجي عشان يفغمون >>انواااع طيحه الوجه :unsure:


** برايفت K.S.A **

لو ينقرض الشاهي والقهوه وش بتسوون بالله ؟؟ (وجه يقول الحمد لله منب احبهم)


المهم قعدنا وعيينا من الله خير ومعدل الرجه والدجه منخفض مابعد ارتفع ... هالوضع طبعا غير محبب الى نفسي البتتتته >> ومستانسه هي وخشتها



انا حذرتكم من البدايه ان موضوعي طووويل تحملوا ماجاكم هع

ههههههههههههههههههههههههههههههههه
موضوووووووع قمة في الروعة ..

نحتري باقي الكشتة يا عذوبة<< مطيحة الميانة...

أختكk s a

رحت الله يعافيني احوس بشنطتي لقيت فيها بخاخ ذاك اللي كنه ثلج >> ميب شنطه ذي محل ابو ريالين خخخخخخخ
وامسكه وابخخ على هالبزيرات وقاموا يصايحون ويبكون وينحاشون منه >> مايبون لا تراب ولا ثلج وش مجيبهم بالله ؟!!

والا البنات متفقين وماريين ابو ريالين وخامين لهم عشر طعشر علبه من ذا البخاخات وقعدوا يبخخون عل بعض ويتراكضن وصراخ وهبال وطفولة متاخرة الله المستعان :biggrin2: >> تبي تقنعكم انها ميب معهم خخخخخخخ

وماجت الساعه ثلاث ونص الا وحنا مخدرين كننا مبخوخين بفليت تعرفون بعد متعودين على نظام الدراسه والنوم واليوم الاربعاء ولا نمنا العصر فخلاص انتهى بنزينا >> طيب خلاص فهمنا انكم تعبانين بلا لجه خخخخخخ


بس ياشين قومة البرد اعوذ بالله ماودك تنقشعين من الفراش !! :crap:
نمنا عقب الصلاة وصحينا على الساعه سبع الصباح >> مربيتنا الدوامات هع


وش ذا صراحه ماقومنا الا صوت هالدبابات مع اني كنت اتمنى اني اصحى على زقزقة العصافير وعلى خرير الماء في الجداول والينابيع >> لا تدققون واجد مأثرة فيني هايدي ترى
بس والله مالقاها الا ذا الهنود حقين الدبابات نعنبوا غيرهم كم يدخلون باليوم ؟؟ >> راحواا فيها :tongue:
شكلي بأبسط انا ودباباتي جنب حدا هالمخيمات اترزق الله وبلا دراسه بلاهم

الصباح كان الجو اقل مايقال عنه رووووووووووعه
بس الظهر والعصر الله لايوريكم انوااااع الفطسه
المشكلة اننا ماحسبنا حسابنا للحر ماغير محشين من هالبلايز والملابس اللي كنا بطاطين من متنها خخخ
والضحى تعاونو الرجال ودبغوا لهم خروف والله من الفضاوة في روسهم .. يعني إلا لزمة لحم ؟؟ طيب وش فيه الدجاج يعني ماله رب ؟؟ >>اقول على تبن :biggrin:

أنا صراحتن ماذقت طعمه ولاادري وشو .. موب متعاطفه معه لاااااا يخسى :biggrin: ..بس زرطت لي اندومي >>مقطوعن سري في شرق اسيا ترى هع هع

العصر والظهر كان بايخ شوي عشان الحر والشمس لكن انواااع الفله المغرب الجو كان تمام استأجرنا لنا كم دباب ومترنا ابو جد المخيم فيه >> اشك انكم بنات هع

امي ياعمري عليها انصدمت في بنتها طالعه تدورني تقول من شاف عذيبوه المشكلة اني كل شوي مارتن من عندها وفاحطه بالدباب أثرها تقول احسب انك حدا هالعيال ووجع وش ذا العربجه !!
عاد وش نسوي يايمه ملينا من الرقه والنعومه فقلنا خل نجرب العربجه مرة في حياتنا >>ايه طيب يالرقيقه هع

الا على طاري الدبابات أنا أول مرة في حياتي أشوف وحده عليميه لهالدرجه ..
اوكي طيب تصبخ مرة مرتين لكن موب ثلاث مرات وكل صدمة اشد من الثانيه

هذي الله يطول بعمري يارب بنت خالي الداجه اول مرة مريت من جنبها والا هي باحله تطلع الدباب ناشبن في حبال الخيمه وفطست عليها ضحك تقولين كنها هندي متعطل سيكله في راس الشارع
طبعا مافكرت انزل اساعدها فاضيتن لها انا خاشة جو مع التطعيس >> تسمع بالنذالة هع هع

والمرة الثانيه راكبه الدباب وتمشي هدا هدا.. هدا هدا كنها بزر توه يتعلم المشي >>يعني بشويش مرررررره
قالت لها بنت خالتي يافلانه مااقول الا الله يخلف عليك بس انتي وذا السواقه امشي زي الناس
وتلتفت عليها ذا العليميه وهي تسوق خير ان شاء الله وش الله يخلف علي >> مسويه عصبت من كلامها
ودردم ددم ددم >> صوت شبوك الشوي اللي صكت فيها هي ودبابها :07:

والمرة الثالثه عاد هي النكبه صدق... تخيلوا درعمت هي ودبابها عند الرجال !! :hahaha:
وقسم بالله فطسنا ضحك لين قلنا بس تمشي ذا الفاهيه بشوييييش ثمن تزود السرعه يوم شافتنا نطالعها يعني اني استعرض عندكم ثمن تزووود اكثثثثثر مادرينا الا وهي صاااكه في الراواق اللي يفصلنا عن الرجال وماش الدباب ماوقف درعم نصه عند الرجال ونصه الثاني عندنا ههههههههههههههههههههه ياربي لاتعاقبني
دخلوا علينا خوالي وابوها وهي مفنقسه على التراب وشكلهاا جناااااااااان >> احب التشمت بقوة وش اسوي !!
حتى خوالي وهم يناظرونها ودهم انهم فاطسين ضحك بس قاعدين يحاولون يكتمون الضحكه حفاظا على مشاعرها هالخبله >>فيكم الخير والله خخخخخخ

بس والله طاح وجهها ذا المهستره طيحه مهيب صاحيه مسيكينه تقول ماحسيت بالوجع من الفشله .. خشمها شايفته بعيوني ذي مسير على خيمه الرجال داق معهم حنك !!
وعيونها تقامز على التراب :biggrin2: >> كل ذا من الفشيله يعني هع هع



آآآآآآآآآآآآآآآآآخر مرة هع

قسسسسم انواع الفله ذا الدبابات حتى يوم خلصت ونزلت منه احس ان اصبعي داعس على البنزين من كثر مهو ناشبن فيه خخخخخخخخ

راح يوم الخميس كله بالدبابات حتى نتغدى ونتعشى على الشيبس وحنا نسوقه عشان مايضيع الوقت علينا >>قراوة وطاحوا في شئ هع هع



وفي الليله الاخير كنا دااااااااايخييييييين موووت >>بلا هبالكم والله خخخخ
وكل خلق الله نايمين ماعدا ثنتين من بنات خالتي .. صارو بس يفرفرون بالمخيم ويطلطلون على هالنايمين >>طيب وش حادكم يالدلوخ
وطقهم الخوف وطسوا نامو فجأة إلا تقوم وحده من البنات على صوت كلابه الله يعزكم
قامت الضعيفه تقول احسبني احلم :frown:
والله وكل ماله الصوت يقرب لين ماحسبت الكلب برا الخيمه ومابينا وبينه شئ
وكان مأذن الفجر والسفر شوي وبيطلع دخلت علينا جدتي ومعها عصا مدري من وين لاقطته !!
ماتلعب جدتي مسويه زعيمه متأثره برامي الصياد يحلفووووووون انها في صباها ماكنت تقوم من سبيس تون >>سبيس تون في عهد جدتس يام الارانب
جدتي : ياله يابنات قوموا صلوا ياله قوموا بتطلع الشمس
خااااااخ خيييييييييييييخ خااااااااااااااااخ خييييييييييخ >>صوت شخير بمعنى انهم ماجابوا خبر جدتي ومعطينها الخامس :icon31:
جدتي: قوموا شوفوا فيذاااك تسلابه قوموا والله ان عيني ماذاقت النوم >> ياااااقلبي عليك ياجدتي
ياله كل ثنتين يقومون يروحون يغسلون ويصلون ولارجعوا يقومون لهم ثنتين بعدهم >>امحححححق عيشه
قاموا ثنتين من البنات وراحوا يبون يغسلون للصلاة وفيما هم يتوضون سمعوا صراااخ وهيصه وشافوا الحريم طالعين من خيمه يراكضون ويصرخون ومتجهين للخيمه اللي قبالها !!
عاد ذا الدلوخ جاء في بالهم ان الكلب اللي ينابح من شوي دخل في الخيمه وبيعرمش في خلق الله
وحدتن منهم ماردها الا الحمام ذا النذله تبي تدخل وتقفل على روحها واشوى انها رحمت خويتها اللي معها وعزمتها في الحمام والا الغبيه الثانيه تبي تروح الخيمه الي تجمعوا فيها الحريم تقول في نفسها الموت مع الجماعه رحمة ترى
بس تقول خفت يقابلني التسلب ويتوحد فيني فقلت الحمام أصرف وبلا جماعه بلاهم هع هع

عاد عقب طيحة القلب ذي اكتشفوا ذا الدلختين ان ذا المدابك والمراكض عشان فوير صغينوووون وسسسس حليله طلع على اللي بالخيمه وقام يناقز ويستعرض رشاقته قليييل الحيااا ...الناس وين وهو وين !! >>وهو وش يدريه عنكم يالسبهه خخخخخخخخخ
وصراحه حنا هنا ضاعت علوومنا وماعد قمنا نتحمل فكرة اننا نسمع صوت ذا الكلابه كل دقيقه والثانيه >>وش مطلعكم من بيوتكم بالله !!
:biggrin:
فدقينا على الرجال يجون يشوفون لنا صرفه .. ايه اجل رجال ببلاش :biggrin: هع هع
جاء حدى العيال ايقالكم بيطمنّا الا الله يهديه يروعنا زياده اجل ذا الذكي يقول لاتخافون بس هم ينابحون عشانهم جواعى !! أنّه البلا انهم جواعى وبيطفون ذا الجوع بعظامتنا

بس الحمد لله الليلة عدّت بسلام ولافيه اصابات ولا تعرمشنا ولاهم يحزنون >>ليتهم مفتكين من خشتس هع هع

ورجعنا مرة ثانيه نمنا وقحصنا من صباح الله خير وافطرنا وتغدينا ومشينا >>ماتلاحظون اختصرت بالاخير بلاي خايفه انشات طولتها عاد هع هع

وياكثر بربرتي ادري بس وش اسوي راضعتن مع ام تابط >> تشوف زبيريه مسفحه من بعيد

وياله نراكم على خير

وكل عام وانتم بخير >> بتبتلين تهنين طيب خخخخخخخخخ

اهليييييييييييين اختي عذبه الروح

كمليييييييييييييي لاتطولين


وتراك معزومه على مخيمنا يوم الاحد مسيان الاثنين الساعه 9 العصر بالضحى لاتتاخرين

نحتريك .........الوعد الغضاه هذيك ..ايييه عليك نور هناك الوعد


<<<<<<<< محششه