لا بلو انت قدها وقدود ان شاء بتخلصيها وبتجيبي السيارة وبتدورينا دورة انا عم بستنى

خلص جيزانية لعيونك احلى صحن لحم بعجين

بحكي شو هي عش البلبل طلعت لحمه بعجين
بتعرفو كلارا والفرقان من كم يوم كان نقاش بيني وبين وحده من تركيا صديقه عن اللحمه بعجين ومثل ما بتعرفو هون متعارف عليها على انها تركش بيتزا فحكيت الها من وين تركش هي ارابيش هههه وجدال بطول وعرض هي تحكي من تركيا وانا احكيلها عربيه واصلها من حلب على ما اعتقد
واهو طلع الها اسم تاني عش البلبل يلا صحتين وعافيه بس الفرقان ما ظهرت بعدها غاطسه بتعمل في عش البلبل الظاهر
بلو سكاي الله يوفقك يارب وهي اولها خوف بعدين بمشي الحال واحناا مصممين اول ما تاخدي الرخصه تعملي جوله لعندنا حتى تنزعي الخوف
بيهايند وينها اليوم ما ظهرت طمنينا عنك
ام موسى الله يفتحها عليكم يارب ويصبر اهلنا في غزه ويكون الهم معين ويهد المعابر على روس اليهود حتى ما يضل يهودي فيهم بعين الله وان شاء الله الكم الاجر

جيزاينه تسلمي حبيبي والله يوفقك
تحياتي للجميع ام نور واسراء وموني ودموع والغائبات الام الحنون وربوش وينكم اظهرو وبان عليكم الامان

هههههههههههههه ضحكتيني يا امل الوطن
سبحان الله على اساس عملت عش البلبل ولاطلع لاعش بلبل ولا عش غراب حتى ههههه مابقرب عش البلبل ابدا الطعمة غير والعجينة غير انا لاقيتها بالنت وقلت اجربها فما طلع اللي بنعرفه بحلب بس طلعت طيبة يعني اخترعت عش بلبل جديد عش الدجاجة رح اسميه ههههههههه
بس يا امل الوطن عش البلبل غير اللحم بعجين يعني كل واحد طعمة شكل مو نفس الشي


كلارا
تئبشيني أبوشة رح اجربها بكرة ان شاء الله واخبرك بالنتايج على فكرة شغله سهل كتير مو متل اللحم بعجين


بلو سكاي
الف مبروك وعلى قبال العملي ربي يوفقك
قوليلي عبتعملي على شالت فاكن ولا اوتوماتيك ؟؟
انا كمان كنت رح اسال عن الاتيرنين فست مدري شو اسمه على قولتك هههه انا عندي رفيقة المانية مسلمة سالتها قالتلي هاد عيد ديني بالنسبة للالمان وحرام نشارك فيه !!!
بس المشكلة الولاد بتفرح على الضو والمشية باليل وخاصة نحن عاملينا باكبر حديقة في برلين يعني تمشاية باليل حلوة بس ماقررت لسى اخدهن ولا لا ... بس اتاكد انو مو حرام ممكن نروح

جيزانية
هاد الامتحان مشان يشوفوا مستواك ويحطوك بالكورس المناسب للغتك
الله يوفقك

والغاطين على قولة امل الوطن عليكن الامان
طمنونا بس بكلمة مابدنا اكتر

صباح الخير شايفين النشاط كيف بس الجو مشجع كثير انه الواحد يرجع ينام ثاني

جيزانية الله يبارك فيكي يارب

الفرقان الله يبارك فيكي انا بعمل شالت فاكن مش اوتوماتيك
وعلى قولتك الاولاد بيجبوا هيك يمسكوا الضو ويمشوا بالليل بس اذا فيها حرام لا بالناقص بس البنات ما حد اعطانا رأيه بيخلوا اولادهم يشاركوا او لأ

امل الوطن خلص حبيبتي علشان خاطرك بجيكي خصوصا انك في نفس الولاية اللي انا فيها يعني مش بعيدة :)

كلارا خلص ولا يهمك استنى بس خايفة تستني كثييييييير ههههههههههههه

ربوش وينك كل هلقد مشغولة بالدورة ماشاءالله عليكي شطورة وعندك همة

بيهايند كيفك وين مش مبينة

صباح الخير يا حلوين

بلو سكاي ,مبروك وعقبال ماتنجحي في العملي كمان وتاخدي الرخصه ,وانا اول وحده راح تيجي لعندي ,وادا بدك تسوقي علي الاوتوبان خوديني معك راح اونسك كتيييير واشجعك ,بالزبط زي مابعمل مع زوجي ,والله وقتها بانسيكي يمينيك من شمالك ههه
وبالنسيه للنوم والجو اخخخخخخخ بس متي راح يغيروا التوقيت لاته حرام هيك الاولاد بيطلعوا ولسه عتمه

امل الوطن ,كيفك والله انا انشغلت امبارح لانه غرفه ابني وصلت وركبتله السرير واخد وقت معي لانه جايبه معه رفوف ,فانهلكت ,بس عملته ابل مايجي زوجي من شان اريحه ,واليوم ان شاء الله بكمله الغرفه والله يعيني علي التعب

امو موسي ,شكرا الك كتير وتسلمي وان شاء الله احنا كمان بنحاول ننزل علي الصيف ادا الوضع ضل مستقر مع اني باستبعد
,صحيح انتي من وين في غزة ,انا سكان الوسط في حي النصر

فجر ,تسلمي حبيبتي كلك زوق

سلامي لكل الصبايا

صحيح فرقان ,شو الفرق بين عش البلبل ولحم بالعجين ,انا بعمل التاني ,بس عش البلبل اول مره اسمع فيه ,هدا اسم حلو عنا