صحيح يابلو ,بالنسبه لهدا الفيست انا قرات انه مش حرام السنه الماضيه ,بس مش عارفه اطلعها مرة تانيه ,لانه هو بالاساس مش عيد ديني يعني مش جاي عن اعتقاد ديني زي الهالوين وغيره ,وقصته انه هدا مارتين كان يساعد الفقراء ومره اعطاه فقير لبسه ويعني هيك ,ومن شان هيك بيقدروا الالمان وبيعملوا يوم احتفال لاله ,انا هي الي بعرفه وادا في حدا من البنات بيعرف غير هيك يحكيلنا ,لانه انا بنتي امبارح سالتني ادا بينفع يحتفلوا مع الالمان في المدرسه او لا لانه حرام زي الهالوين ,وانا فهمتها انه مش حرام لانه مش عيد مرتبط في دينهم ,وانا هيك فاهمه واولادي دايما بيروحوا في التمشايه الي بالليل

بيهايند
ياستي عش البلبل بختلف كتير عن اللحم بعجين
اذا انتبهتي كلارا كتبت الطريقة الو طريقة عجين خاصة بتكون سميكة شوي اسمك من عجينة اللحم بعجين والحشوة بتكون لحمة مع دبس رمان اذا بتعرفيه يعني بكون لون اللحمة اسود
اللحم عجين بدو ستين شغلة وشغلة للحشوة هاد بشوفه اسهل بس لسى جربت طريقة وماطلعت اللي بدي اياها وهلا رح اجرب الطريقة اللي كتبتها كلارا وان شاء الله تزبط
هالغربة خلتنا نعمل شغلات امي وام امي ما عملوها ههههههه


وبالنسبة للفست اليوم سالت المربية بالكيتا انو هاد عيد ديني عندكن قال لا لا نحن بس بنحتفل مشان الولاد والمشي باليل ونفس القصة اللي قلتيها الفقير اللي ساعد الناس !!!

صباحكم الخير بإذن الله
الفرقان ما بعرف انا اعتقدت انها عش البلبل هي نفسها اللحمه عجين من وصفات كلارا ومتل ما قالت بيهايند شو هي دلينا عليها خلينا نعملها شي يوم وصحتين وعافيه اكيد زبطت معك ومشي حالها هههههههه
بلو سكاي يا هلا وبتنوري ههههههههه يلا بس شدي حيلك
بيهايند يعطيك العافيه يارب والله شغل التركيب والترتيب مهلك والله يعينك اجيك مساعده :icon29::icon29:
اما بالنسبه مارتين فيست انا عني اولادي بشاركو فيه من اول ما كبروا وصاروا في الكندر جارتن ومتل ما قالت بيهايند هو تشجيع لعمل الخير ودينا الاسلامي بحض على عمل الخير وانه هاد القس مارتين شاف واحد فقير بردان في التلج وما عندو شي يدفيه قام شلح المعطف تاعه وقسمه نصفين لبس هو نصف ولبس الفقير النصف التاني
لهيك كل سنه بنحكي قصته للأولاد وانه احنا دينا مو بس مره حث على فعل الخير في رمضان مثلا والزكاه كل سنه وجعل مساعدة الفقير كفارة لبعض الذنوب وحلف اليمين لكن عن الحلال والحرام بصراحه ونظرة الشرع للمشاركه فيه ما بعرف يعني انا متبعه انه الاعمال بالنيات وانا نيتي اني ابين لأودي عمل الخير بالاضافه انهم بفرحو وبنبسطو للفوانيس وما خدها من باب ترفيهي هاد والله اعلم

الفرقان الظاهر كنا نكتب سوى ما شفت مشاركتك الا بعد ما اعتمدت مشاركتي
خلص رح نجربها ان شاء الله وندعيلك
ومعك حق فعلا الغربه خلتنا نعمل اشياء ما انزل الله بها من سطان
بس بجد رغم مساوء الغربه الا انها صقلت شخصياتها واعطتنا قوة واعتماد على النفس وثقه صح او انا غلطانه

صـــــــــــــــــــــــــــــــــــــــــــــــــح و8926482754284092 صح يالله اقراي الرقم اذا قدرتي هههههه
انا تجوزت شهرين وجيت لهون يعني كلشي لحالي مابخلى الامر كنت اتصل بامي وانا بالمطبخ واسالها شو اعمل هيك ولا هيك هههههه بس فعلا خلتنا الغربة نعتمد على حالنا بس نفس الوقت بضلي خايفة لانك شايلة الحمل لحالك صح في اصدقاء وناس بس مو متل لما يكون في اهل بدخلوا علينا باي وقت وتتونسي فيهن بس الحمدلله تعودنا على هاليشة والله ياجرنا بغربتنا بيني وبينك هون احسن هههههه هنيك تحسي الحياة فوضى ومهما حاولتي تنظميها مابتزبط لانو ماحدا بساعدك
ابسط مثال بدو يجيك حدا زيارة يا ما بتصل بطب فوقك طب يا بتصل بقلك انا جاية بعد المغرب اقعدي انت استني من بعد المغرب الا الله اعلم ايمت ممكن يجي هي اكتر شي بتزعجني لما انزل زيارة هههههه


مابعرف حسيت حالي خرجت عن السرب بكلامي هاد هههههههه معذورة يالله لاتدققوا كتير