خلص بيهايند اعزمي النيه واتوكلي على رب العالمين
وصوميهم
لاني اتوقع انه محل خلاف هالموضوع عند الشيوخ
لانو كمان في ناس بتحكي لازم قضاء قبل السته من شوال
انا الحمدلله اتوكلت على رب العالمين وصمت السته وبعدني ما قضيت
دينا دين يسر
ان شاء الله بس اكمل العشره رح اقضي

الله يكتبلنا الاجر
ويجزيكي كل الخير اختي فجر

بيهايند ما شاء الله على مدرسة اولادك فعلا بحسدك عليها
والله انا مشكلتي مشكله مع مدارس الاولاد وقت وجدت سكن عجبتني جدا المنطقه وهاديه وحلوه وسكانها مو كثير يعني دورف صغيره قريه على قدها
وهي فعلا مريحه للسكن هاديه وكل شي فيها نظيف وارتحت فيها لكن بديت اعاني معها وقت دخلو اولادي المدرسه الكل المان وبالكثير بكون 2 او 3 اجانب يعني صف ابني كلهم المان الا 2 هو وواحد صيني ولا مسلم للأسف وبعين الله
عن الصيام فعلا في كثير اراء بتحكي انه القضاء اولا وبعدين النفل وما بصير الجمع لكن ما بعرف يعني وجهة نظري انا الخاصه وربنا يسامحني عليها انه ننوي قضاء وفي هيك ايام فضيله ربنا يكتب النا اجر النفل ان شاء الله وانما الاعمال بالنيات وانما لكل امرء ما نوى يعني نظرتي الخاصه للموضوع
عني انا بصوم السته بنية السته وفي هيك ايام بصوم القضاء وانه في ذي الحجه وبصراحه موكلها لله

وعن العيد فعلا لازم نعمل اجواء للأولاد هون لأنهم بشوفوهم كيف بحتفلو بأعياد المسيحين
بالنسيه لأولادي منتظمه معهم يوم العيد لازم يروحو المسجد لصلاة العيد وفي المسجد عادة بوزعو هدايا رمزيه للأولاد وبعد الصلاة اذا بروح اشتريلهم هدايا وعادة بننزل فرانكفورت عند اقاربي ومتعودين يوم العيد نحجز صاله ونطلب عشا جاهز وكل عيله بتدفع مبلغ ليقضي التكاليف وبجيبو هدايا للأطفال واذا ما رحت فرانكفورت بعد الهدايا بنوخدهم مطعم يتغدو وبعد الغدا على الايس كافي يعني تغير روتين وجو
وتاني يوم على المدرسه لازم ابعث معهم حلو او كعك العيد لأصدقائهم ومعلمينهم وبفرحو فيها كثير
وصدقوني بحزن على اطفالنا هون انه ما في اجواء العيد متل بلادنا ويارب نقدر نعوضهم شي

الله يكرمك ام نور واسراء
والله وانا كمان رأي من رأيك على قصة الصوم ودينا دين يسر
وربنا يتقبل منا يارب

اهلين ام نور واسراء

ان شاء الله حاصومهم ,وعن نيتي ادا قضاء ولا نافله ,ان شاء الله باخلي ماما تسالي مفتي وهيك بكون مطمنه اكتر
وبصراحه مشكله انه مافي مسجد عربي طيب احلي شي يوم العيد صلاة العيد واجتماع المسلمين ,طيب شوفوا انتوا ادا عددكم كبير ممكن تستاجروا صاله وتعملوا احتفال صغير ,تعرفي في مدينتي القديمه ماكان كتير مسلمين عرب ,لا والموجودين عملين حلفين وفي مشاكل وكل حلف بمسجد شوفوا سبحان الله العرب ,والحلف الي كنت فيه ما كان لهم اي نشاط وماكانوا يتحركوا الاادا حركتهم ,فانتوا بادروا وبتكسبوا اجر في هالاطفال ,انا كل الي كنت اعمله بس من شان الاجر بادن الله ومن شان هالاطفال والله كتير عملتلهم انشطه واشغال يديويه وكنت بالاسابيع اشتغل وماكنت مستنيه اي مقابل بس من شان الاطفال الي بجد تحسيهم ضايعين

اهلين امل الوطن ,تعرفي وانا لما كنت في الجنوب كانت مدارس اولادي ابدا مافيها مسلمين ,بس هنا الحمد لله اكتر شي انبسطت منه المدرسه ,حتي بنتي حاسه بالتغيير وبتقولي انه هادي المدرسه احلي وحتي الاطفال كمان هان بتقولي كتير نت مش زي اطفال الالمان معظمهم كشرين هههه يعني الاطفال بيميزوا كل شي ,مع انه المنطقه الي انا فيها كلها المان وكتير هاديه وامان ونظيفه والمدرسه قريبه كتير فما توقعت الاقي فيها مسلمين كتير واتفاجات لما روحت انها تقدري تقولي مدرسه تركيه مش المانيه ,والحمدلله طبعا