والله يا بيهايند عنجد مش عارفة ليش احنا المسلمين دايما احزاب وبنقاتل في بعض وهذا اللي مخلينا ضعاف الله يفرجها وانا كمان زيك بالاول في المدينة اللي كنت فيها كنت ما احب اروح اجتماعات ولا اروح المدرسة اصلا كنت احس حالي غريبة بينهم كلهم المان بس هلقيت الوضع غير بحس بالونس وبتشجع كثير اروح لانه ماشاءالله مسلمين ومحجبات ما بتحسي باي تمييز حتى الالمان لطيفين لانهم متعايشين من زمان مع المسلمين هان ومتعودين عليهم بس كمان احنا المسلمين لازم نستغل هالنقطة ونثبت حالنا للاسف كثار عالفاضي يعني كل تفكيرهم كيف يجمعوا فلوس من هالبلد ومش غلط بس كمان لازم نرتقي باولادنا ونهتم فيهم من ناحية التعليم والتربية

امل الوطن والله كثير حلو لانك كمان بتحتفلي مع اهلك واقاربك الله يهنيكم يارب وكل واحدة تحاول على قدر المتاح والامكانيات تعمل جو علشان الاولاد يفرحوا

كلامك مزبوط يا بلو

الله يكرمك يارب يا بلو
وفعلا معك حق احنا لازم نستغل كل نقطه حسب تواجدنا لأنه في كثير المان بالرغم من عنصريتهم الا انهم بدأو يتفهمو الاسلام والمسلمين والحمدلله حسب الاحصائيات انه 20 الف الماني بدخلو الاسلام
والحلو او الظاهره هلا انه اغلب الي بدخلو الاسلام من الالمان من طلاب المدارس يعني بعمر 15 فما فوق من سنه اسلمت صديقة بنت بنت حماي ومن اسبوعين اسلمت صديقة بنت صديقتي كمان بعمر 14
والي جاره المانية بتحكي انها اسلمت بعمر 15 تأثرا بصديقاتها الاتراك يعني اولادنا ممكن يكونو نقطة تحول في البلد وربنا ينصر الاسلام في كل مكان يارب
وبيهايند فعلا الي فترة مفكره اغير المنطقه بس خوفي انها تأثر على الاولاد ومدارسه خصوصا انهم هلا في صفوف متقدمه يعني بنتي الكبير سابع وبنتي الثانيه خامس وابني الصغير ثالث لهيك كثير ما بشجعو وبحكي قضيت 12 سنه في المنطقه بصبر كمان 10 سنين هاد اذا ما رجعت البلد ههههههههه وبعين الله

امل الوطن خلص ادا نويتي تغيري تعالي عندي علي كولن ,مش انتي بتقولي انه شغل زوجك في كولن ,
بنات شكلي كتير حكيت كلام مش لازم انا هيك بحس خالي احيانا بخبص بالحكي هه خلص راح الغيه كله