ذوق باسلووبي :

صباح الورد وصباح جديد وحلو متفائل يومياتي امس مافي ولاانجاز صحيت 7 ام زوجى اللى صحتنا ياساتر نسيت اعاير الجوال وجري اصلى يالله مره تاخرت الله لايغضب علينا وعلى ماقاموا عصبت منهم وجلست بنتى وولدى يبكون مايبون يرحون وجلست ادلع واراضي فيهم الين روقوا وفطرتهم ولبستهم ورددنا الاذكار وجلست احفظ ولدى سوره الماعون واسماء الله الحسنى 15 اسم وراحوا وبديت اصور لموضوعي وكتبته من 8 الى 9 ونص وانا اعدل واحمل وعلى 10 رحت انام الين 11ونص وقمت جوا عيالى غيرت لهم وصليت واعطيتهم تفاح وشغلت لهم السوني وخليتهم يلعبون وقلت هدوووووء ورجعت نمت هههه مره مكتئبه وقتها لانو كنت ابي اجيب وحده تساعدنى عيالى ثلاث اسابيع تعبوا واحس انى مرهقه وتراكمت اشغالي ونمت الى 2ونص هههههه وقمت قشرت بطاطس شرائح وكلمت زوجى قلت مااطبخ انا حره>> تدور الشر قال طيب انا بجيب وتغدى ونام على 4 وغسلت المواعين وسويت شاى اخضر مع نعناع وزنجبيل وكويت ثوب وجلست اكتب له تهنئه للامير سلطان وصحى 5 عدلنا في التهنئه وشرب الشاى واخرتها قال مو محتاجها الحين :mad: هنا انا مو عصبت الا خلاص قلت اقولك ابي شغاله شهر قال دوري قلت مالقيت الا 1300 وفي مدينه جده ولازم انزل اجيبها هههه قال اسف المبلغ كبير ومابنزل جده اجيبها دورى هنا والا هناك :icon33: عصبت مرره وجاء ولدى يقول ماما تقولك جده غيري ملابسي لانى لعبت في التراب وقتها مو ناقصه قلت ماني مغيره من قال لك تلعب بالتراب ههه زوجى عاد الا يبي يعصبنى قال روح لجدتك وقول لها ماما مو راضيه وغيرت لهم وهو خرج وجلست اعيد تحميل الصور بالموضوع وهم ناموا وعلى 8 نمت مره نفسيتى متحطمه غريبه اعوذ بالله وجاء على 11 صحى الصغيره وانا عصبت يقول قومى شوفي بنتك واخرجى بره قلت مانى خارجه وانت نومها ههههه ومدرى كيف نامت ههه صحيت 6 وربع وهو يطالع فينى قلت تبي شىء هههه ولا يرد راح تحمم وصلى وخرج وانا صليت وصحيت عيالى وفطرتهم وصحيت الصغيره غيرت لها مره طوال الليل تستفرغ واعطيتها سندوشت جبن وجلسنا نسمع السور الا الصغيره تستفرغ في الدرج وعدمت ملابس اخوها والحمدلله وقتها بدولابه بدله الثانيه نظيفه ومكويه غيرت له سريع وراحوا وحاليا جالسه اشرب نسكافه وسندوشت والصغيره تتفرج على توم وجيري يمكن على 9 ابدء اشتغل قبل لايقوم على الباشا ههههه

صباح الورد وصباح جديد وحلو متفائل يومياتي امس مافي ولاانجاز صحيت 7 ام زوجى اللى صحتنا ياساتر...