سبحان الله وبحمده سبحان الله العظيم

سلام عليكم
نصيحه يابنات حافظوووووووا ع الترطيب اهم شي يوحد اللون ويعطي نظاره

هلابكم
كل يوم بحط خلطه حور في الجسم وخلطه سنفره كاب
ولشعري بحط زيت الخروع وحمام زيت
بقى المنطقه الحساسه والكوع والركب ومفاصل اليدين :icon33::icon33::icon33:
دعواتكم القى لهم حل

أنا بإذن الله ناوية على عناية شاملة ..

جدولي للآن ما اكتمل بس راح اكتب الأشياء اللي جهزتها ..
.

الشعر ..

راح أصبغه في البيت صبغة كولستون الرغوة ..

و بإذن الله راح أعمله علاج البروتين في الصالون ..

و راح اقصه على طوله , بس ما عندي قصة معينة ..

.

الوجه ..

راح أكتفي بأشياء طبيعية فقط ..

التنظيف: عندي صابونة من بيزلين مفتحة تستخدم مرتين باليوم ..

و بعدها احط أي زيت مرطب ..

الترطيب: جربت جنين القمح للأسف ماناسبني ..

زيت الزيتون حلو بس عيبه ريحته و انه يبقع كل شي ..

زيت اللوز المر هو أنسب شي , حسيته نعم بشرتي مرة و كأنه قفل المسامات ..

الاقنعة: لي فترة أستخدم أقنعة منوعة بس المكون الأساس لها اللبن الزبادي ( الروب )..

أستخدمه مع كركم , أو مع موية ورد و نشا ..

وقريت انه ممتاز مع الحلبة بس لسا ماجربت ..

و بعد الماسك أمرر ثلجة أو موية باردة على بشرتي ..

أهم شي الأقنعة ماتكون بشكل يومي حتى ماترهق البشرة ..

خلوها يوم و يوم ..

الهالات السودا: مو عارفة اش اسوي و يمكن الجأ لدكتورة اذا ربي يسر لي ..

الخدود: يمكن أعمل فيلر ..

خصوصا ان خدودي مختفية تماما و كل من يشوفني يقولي اشبك نحفانة, اتعقدت من دي الكلمة صراحة!

شعر الوجه:عندي خفيف جدا ..

استخدمت فيت و ماناسبتني , قشعت جلدة وجهي , وصار عندي زي الجروح :frown:

الحمدلله استخدمت لها اليكا وراحت الجروح ..

بس للأسف طلعت لي حبوب ..

المهم ناوية اعمل فتلة قبل العيد و الله ييسر ..

الحواجب : راح أشقرها بنفسي في البيت بإذن الله ..

.


اليدين ..

اهم شي الترطيب الدااااائم بعد كل حمام أو وضوء ..

و أحيانا سنفرة بسيطة نفس اللي استخدمها لوجهي ..

.

الاقدام ..

راح أعمل بديكير خلال دي اليومين في البيت ..

و بعدها راح أهتم بالترطيب المستمر ..

.

بشرة الجسم كامل ..

أنا أبحث عن توحيد اللون , وهو بالنسبة ليا أهم شي ..

راح أسوي خلطة كريمات اسمها كريم الجمال ..

ابحثو عنها هنا في عالم حواء ..

تستخدم يوم و يوم قبل النوم ..

بالنسبة للسنفرة سويت خلطة بنت عز و تستخدم في الأسبوع مرتين ..

بالنسبة للماسك تبع الجسم راح استمر على الحنة مع الكركم و اللبن , و ماسك الطحينة بالتناوب ..

تترك على الجسم حتى تجف ثم تزال بالماء ..

راح استخدمها من مرة الى مرتين اسبوعيا ..

بالنسبة للصابون صابونة الببايا أو صابونة الكركم ..

ماراح اعمل صابونية وغيرها ..

بعد الاستحمام أرطب جسمي بلوشن فازلين اما الموحد أو اللي بالكاكاو ..

و الأماكن الغامقة ( الركب و الاكواح و اليد و القدم)ازيد عليها زيت الجلسرين و ذيت جنين القمح و زيت اللوز المر ..

اما مع بعضهم او في كل مرة واحد ..

.

الإبط ..

غيرت مزيل العرق لبيزلين ..

و صرت أركز على المنطقة اذا استخدمت الماسكات حق الجسم ..

و بعد الاستحمام ارطب المنطقة بزيوت اذا كنت ماراح اخرج ..

وقت الخروج من البيت امسحها بمنشفة ناعمة باسكينول الخيار او الليمون و بعدين استخدم المزيل ..

بالنسبة للشعر فانا استخدم الآلة متى ما احتجت ..

و أهم شي بعد إزالة الشعر استخدم إليكا و ما أحط ع المنطقة أي مزيل للعرق لمدة يوم ع الأقل ..

.

المنطقة الحساسة ..

أحس اني مهملتها صراحة ..

أهم شي عندي هو الشعر ..

و طريقتي في إزالته هي اني ارش المنطقة ببودرة التلك و أستخدم موس جاف و نظيف ..

بعد ما أخلص ازيل البودرة و ادهن المنطقة باليكا ..

و استخدمه تقريبا لمدة ثلاث ايام بعدها ..

للأمانة لاحظت شوية تفتيح من اليكا لأن فيه نسبة كورتيزون ..

.

و بس ..

الله يرزقني النتيجة الحلوة اللي اتمناها ..

ྀღ♪♥اللهم ♥زيّن قلبى وقلوب أכـبتى بـכـبك وכـب رســـــــولڪ وכـب القرآن الڪريم♥