اوزوريس :

السلام عليكم ورحمة الله وبركاته اخواتي الافاضل اسفة على التأخير لان الموقع احيانا بيكون بطء جدا لقد وصلنا الى كتاب العلوم في الصف الثاني الاعدادي في منهاج العلوم بدولة الامارات يدرس الجهاز التناسلي للمرأة والرجل وكانت فرصة عظيمة بالنسبة لي لكي اشرح لبنتي ماهو غشاء البكارة وكيف يتم الحمل طبعا انا كل شوية أؤجل الدرس لكي يتثنى لي شرح كل كبيرة وصغيرة عن الموضوع وحسبتها بالعقل ,,,,ليه اقول ان بنتي صغيرة ومش المفروض اتكلم معها وافهمها بالرغم ان اللى واضع هذا الدرس في هذا السن ناس تربويون ويعلمون مدي اهمية الموضوع ,,,فالاولى اني ابدأ مع بنتي قبل فوات الاوان طبعا اهلينا لم يحكوا لنا شئ ولم تفهم الام ابنتها ما هو غشاء البكارة ,,,,احتمال لان معظمهم غير مثقفات جنسيا (( لانهم متعلمات )) وهناك فرق يمكن الحياء والخجل الشديدين بين الام وابنتها يمكن الخوف ان البنت تتفتح عيونها على الشهوة واللذة (( وهذا اعتقاد خاطئ في نظري )) المهم بدأنا الخطة الخماسية وجبنا كتاب العلوم وعلى الرسم الموضع بدأنا نشرح طبعا بنتي صعقت من المنظر اللى في الكتاب ,,,فهمتها ان الجهاز التناسلي للمرأة عبارة عن جزئين ,,,,جزء مرئي بالنسبة لك وجزء خفي بداخل الجسم واللى مرسوم في الكتاب هو الجزء الداخلي وللأسف الشديد ان هذا الموضوع يدرس في كافة الدول العربية ولكن لم يذكر شئ عن غشاء البكارة بتاتا (( وهذا في رأئي خطأ فادح )) لان البنت في هذه المرحلة لابد وان تعرف ماهو غشاء البكارة شرحت لبنتي ان هذه هي الفتحة هي بداية المهبل وفي نهاية المهبل الرحم ومن الرحم الى قناة فالوب واخيرا المبيض ,,,,, والبنت قبل الزواج عندها حاجة جوة المهبل مهمة جدا واهميتها عظيمة لها ولأهلها ,,,اسمها غشاء البكارة ,,,طبعا سيل الاسئلة لم يتوقف ,,,,يعني ايه ؟؟ طبعا البنت لسة مش مستوعبة اللى بقوله .... فهمتها ان البنت ربنا خلق لها هذا الغشاء وفي هذا المكان بالذات المستخبي واللى ماحدش يقدر يوصل له بسهولة ’’’لانه رمز العفة والطهارة ,,(( يا يعني ايه رمز العفة ؟؟ )) يعني البنت لما تتزوج وتروح بيت زوجها بيحصل بينهم اتصال ,,,, (( كيف يعني اتصال )) طبعا اختكم كانت في نص هدومها ومش عارفة اقول ايه ؟؟ بس قلت خلاص مابدهاش لازم اكشف المستور وانتهي من القصة طبعا روحت على الرسمة للجهاز التناسلي للرجل وكملت الرسمة من الخارج وقلت لها ان البروز ده اللى عند الرجل بيدخل التجويف ده اللى عند المرأة ,,,,وهو داخل بيفتح هذا الغشاء وينزل قطرات من الدم ,,,والرجل كدة بيتأكد انه اول واحد دخل هذا البروز ,,,, وبعدين لما الرجل ينزل منه سائل وبيكون فيه الحيوانات المنوية بتجري هذه الحيوانات على المبيض علشان تدخل البويضة ويتكون الزيجوت وبكدة المرأة تعرف انها حامل وبعد 9 اشهر تولد بيبي طبعا سألتني سؤال نزل عليا كالصاعقة انت وبابا عملتوا كدة ؟؟ ضحكت وقلت لها طبعا عملنا كدة ....لان لو ماعملناش كدة ماكنتش خلفتك انت واخوكي وهو ده التكاثر بين المخلوقات وطبعا فهمتها ان البنت اللى مش كويسة وتروح مع ولد ويعمل فيها زي الرجل ما يعمل مع زوجته بتكون خسرت غشائها واللى تفرط في هذا الغشاء في الحرام عقابها شديد عند الله بجانب انها لما تتزوج وزوجها ما يلاقي هذا الغشاء بيفضحها ويقول لأهلها ان بنتكم مش عذراء وان حد سبقه في ذلك لكن البنت اللى تحافظ على غشائها ,,,يوم ما تتزوج ويشوف زوجها الدم بيفرح بيها وده دليل انه اول رجل بحياتها وانها بنت طاهرة وشريفة وفهمتها ان البنت اللى تفقد هذا الغشاء لا يمكن تعويضه ابدا ابدا علشان كدة ربنا خلقه في مكان يمكن للبنت انها تحافظ عليه ولو فرطت فيه بيكون بمزاجها وبالنسبة للحمل ؟؟ طبعا عرفت ان الحمل بيتم عن طريق نزول السائل المنوي حتى يصل الي البويضة ويتم التلقيح وعرفت ان اللى بتكون حامل ما بيجي عليها الدورة لان الرحم بيكون شايل الجنين لكن اللى بينزل عليها الدورة بتكون بويضتها لم تلقح لذلك بتموت وبتنفجر الشعيرات الدموية في الرحم لكي يتم طردها لما نزلت الاجازة اللى بعدها الى مصر ,,,,سألت اختي ,,,انت ليه مش تخلفي وتجيبي عيال ,,,, قالت لها اختي اصل انا بتكسف من عمو ضحكت بنتي وقالت لها ,,,,, يا خالتو انت بتنكسفي ,,,, قال بتنسكفي قال ؟؟ قلت لاختي البنت كبرت وفهمت ,,,, علشان تعرف الصح مني احسن ماتعرف من غيري ولابد ولازم اكون انا الملجأ الوحيد ومصدر المعلومات الصحيحة الى ان تستوعب وتفهم وتقدر واليكم محبتي

السلام عليكم ورحمة الله وبركاته اخواتي الافاضل اسفة على التأخير لان الموقع احيانا بيكون بطء...

omyoussef :

السلام عليكم ورحمة الله الحقيقه بقالي كتير مش بشارك بس موضوعك شجعني يا ام محمد موضوع جميل ولازم كلنا ننتبهله الحقيقه المشكله دي مش موجوده لينا احنا بس لاننا مغتربيين لكن اللي اكتشتفته انه حتى في بلادنا كانت هاتواجهنا نفس المشاكل ويمكن اكتر لكن الموضوع اللي شاغل بالي اكتر هوه ازاي نفهم اولادنا انه ميسمحوش لاي حد يعتدي عليهم الواحد بيسمع بلاوي كل يوم المشكله دي هيه اللي بفكر فيها ليل مع نهار انا اكيد فهمت ابني انه فيه حاجات عيب الناس تشوفها في جسمك والكلام ده كله الي اخره بس برضه مش مطمنه ياريت اللي عندها افكار تقولنا واسيبكم في رعاية الله

السلام عليكم ورحمة الله الحقيقه بقالي كتير مش بشارك بس موضوعك شجعني يا ام محمد موضوع جميل ولازم...