اشكرك ام محمد على الموضوع..
انا عيالي في بداية الدارسة جابوا معهم اوراق عن كلاس يدرسهم عن تطور البلوغ والتكاثر والجنس .. طبعاً اول ما قريت الورقة قلت ابداُ ما راح ادخلهم الكلاس هذا وما راح اوقع ..!!
المهم سألت الامهات الي حولي عن الموضوع وشجعوني (امهات مسلمات) ..وقالوا اذا ما عرفوا من المدرسة بيعرفون من اصدقائهم اللي راح يدخلوا الكلاس هذا.. وهو اكبر غلط لان احتمال يوصلون لهم الفكرة غلط..
لما جاء الاسبوع الي يبدا فيه الكلاس المدرسة سوت يوم للاهل يجون يشوفون الاشرطه اللي راح تنعرض للاولاد .. انا ما صدقت قلت بروح اذا فيها قلة حياء برفض دخلوهم ..
ورحت .. شفت الاشرطه الشريط الاول يتكلم عن النمو وكيف راح يتغير الجسم وضرورة النظافه الشخصية والاستحمام والتغيير يوميا..وهذا شريط للبنات ,,وشريط للاولاد (لانهم راح يفصلونهم والمدرسات مع البنات والمدرسين مع الاولاد )
والشريط الثاني عن التكاثر .. ان المراة تكون عندها بويضه والرجل عنده حيوان منوي ..
وفيه شريط عن الايدز..الاشرطه معروضه بطريقه راقيه جدا .. و الشرح كان بالرسم وبطريقه علمية بحته .. وما فيه اي شيء يخليني ارفض اني ادخلهم ... توكلت على الله وشاورت ابوهم ودخلناهم..
المدرسة قالت لنا لازم بالفتره هذي تجاوبوا على كل اسئلتهم .. وايضا قالوا انهم مانعين الاولاد يتكلمون عن الدرس خارج الفصل ..والحمدلله كنت اجاوبهم واحسسهم انه شيء طبيعي ومافيه حياء وبنفس الوقت اربط اجوبتي بالدين وانه لازم زواج بالحلال وعائلة مترابطه ..الخ
فترة كانت حساسة بس الحمدلله اكتشفت انه مافيها ذيك الصعوبه الي انا متخيلتها ..
الله يصلح عيالنا وعيال المسلمين اجمعين.. اللهم امين
اشكرك ام محمد على الموضوع..
انا عيالي في بداية الدارسة جابوا معهم اوراق عن كلاس يدرسهم عن تطور...
ربي يعينكم ويعيننا اجمعين....المرحلة هذي ما زال بدري عليها عندي وربي يقدرنا عليها لما تجي....
وشكرا لي ام محمد على تطرفها لمواضيع تهم جميع الامهات ...
والله المستعان..
سلامات...