صباح الخير يا دون
عايزين نعرف ناكل بيض ولا ما ناكلش قولوا لنا يا جماعه

السلام عليكم و رحمه الله و بركاته
لا حول ولا قوة إلا بالله إتمسح كل الكلام اللى كتبته من شويه سبحان الله
صباح الخير عليكم جميعا
قالوا هذة المعلومات فى البيت بيتك إمبارح
1 - إن كنا هنآكل الفراخ فلازم نغسل ايدينا كويس جدا بالماء و الصابون بعد غسلها
2 - يجب طهى الفراخ جيدا فى ماء مغلى حتى يقضى على الفيروس تماما إن كان موجود فى الفرخه لا قدر الله
3 - الفراخ المصابه يكون بها أنزفه كتيرة جدا حتى تحت الجلد
4 - الفراخ المصابه لا تبيض من الأساس لذلك فالبيض آمن بإذن الله
5 - يجب التخلص من طيور الزينه فى الوقت الحالى
6 - يجب عدم تربيه اى نوع من انواع الطيور فى المنزل كما فى الارياف و يشمل ذلك ( الحمام و البط و الوز والفراخ و الديك الرومى ) و كذلك الحذر من أبو قردان و ابو فصادة
7 - العدوى تنتقل للإنسان من الطيور عن طريق روث الطيور و كذلك إستنشاق الهواء المحمل بالفيروس و الذى يكون محيطا بالطيور عن قرب
8 - العدوى تنتقل من الطيور إلى الإنسان لكنها لا تنتقل من إنسان لآخر
9 - أعراضها على الطيور مثل الأنفونزا العاديه من رشح و عطس و خلافه مع الإحمرار الشديد فى المنقار و العين ( هو فى أعراض تانيه بس هو دة اللى فكراة دلوقتى )
10 - أعراضها فى الإنسان مثل الأنفلونزا العاديه ايضا مع إحمرار شديد فى العينين و تعب فى العضلات ( و دة برضه اللى فكراة دلوقتى )
أسأل الله العلى العظيم رب العرش الكريم أن يحفظ المسلمين جميعا من هذا المرض و أن يعيننا عليه و يبعدنا عن شرة آمين آمين آمين

السلام عليكم يا دون

تسلم ايديكي
انا البنات عندي كانوا عيانيين و يادوب بداؤا يتحسنوا علشان كده عملت حاجات خفيفه علي الغدا النهارده
الحاجه اللي داخله اوريهالك
سيزر سالاد caeser salad
قريت الطريقه في موضوع ريريتا بتاع تشيليز و عملت عليها سيرش في جوجل
بس و الله العظيم طلعت سهللللللللله و عبيطه خالص في العمايل و نفس الطعم بتاع تشيليز فعلاااااااااا
الصوره اهه و لو حد عايزني اكتب الطريقه اوكي بس بكره او بعده

صباح الخير يا بنات الناس فعلا زعلانة جدا على موضوع النفلونزا الطيور دة المهم بالنسبة للبيض يا هبة يتاكل بس مسلووووووق
(( ومن الاخر ان الطيور لو مصابة بيموت الفيروس عند درجة 70 يعنى الحاجة المغلية المسلوقة آمنة))
يعنى بيقولوا احتياطى بتغسلى البيض قبل ماتحطية فى الثلاجة وتسلقية وربنا يستر

رانيا تسلم ايديكى والف مليون سلامة على البنات يا حبيبتى ونزللنا المقادير والطريقة اى حاجة فايدة بتبقى كويسة يا رانيا وعلى مهلك مفيش استعجال لما تفضى
صح يا مسلمة كل الكلام اتقال امبارح مظبوط بس الحاجة اللى مقلوهاش ونكروها ان فية دجاج وديوك رومى بس هما اللى ماتوا لكن زيادة عليهم ان فية ناس بالفعل مصابين والتحاليل اثبتت وسلمى لى على ماما وتسلم ايديها عبى العدس

ام دندونة اهلا بيكى وحشتينا بالنسبة للمحل اللى انتى عيزاه هنا فى مصر ؟؟؟؟؟ةبالنسبة للبسطا فلورا انا نزلتها قبل كدة بالصور استنينى وححطلك اللينك بتاعها

اماريج صباح الخير والنوووووور

ايوة يا دون لو المحل فى القاهره عندك مفيش مشكله و فى انتظار لينك البسطا فلور0 ميرسى يا قمر