ربنا يخليكى ليا يا دندونه :27:
بالنسبه للصوبيا انا جايباها بالكيلو
عجبتنى ريحتها اوى وقلت اكيد دندونه عندها الحل ..قصدى الطريقه :D

انتى روعه يا دون
مشكورة حبيبتى على مجهودك الجميل
يا ريت لو تعرفى طريقه الارز بالمكسرات الى بيتعمل فى الفنادق و الافراح الى لونه بنى لانى اموت فيه و ما بيطلعش عدل معايا
و تسلميلى

طيب بصى يا om sarah انا حنزلهولك هنا علشان ملقتش عندك ارسال على الخاص وحظك حلو لقتله صورة فى ملف موتى


الارز بخلطة ( طبق اساسى فى العزايم)
المقادير:
3 او 4 ك ارز مغسول _مكسرات ( بندق * لوز * عين جمل * زبيب ) _كبد و كلاوى _ زيت _ عسل ( ك سكر +ك ماء _ نص ليمونة)
الطريقة :
طريقة الكبد و الكلاوى : الكمية زى ما انتى عوزة فية اكياس بتتباع جاهزة هاتى كيس كيلو قطعية قطع متوسطة و اغسليهم ثم ضعى ملعقة سمن فى حلة صغيرة و عليهم بصلة متوسطة مفرومة لحد ما تصفر و بعدين فصين توم و الكبد و الكلاوى و تقلبى تقلبى يعنى بتشوحيهم و تذودى شوية ماء فى شوية ماء لحد ما يستووا وتبلى ملح وفلفل و اركنيهم على جنب._ضعى المكسرات فى صينية صغيرة و حطيهم فى الفرن او فى توستر دقائق لحد ما يحمروا شيليهم و انفخى القشرة بتاعتهم حتلاقيها بتطير على طول واركنيهم على جنب احضر حلة كبيرة واضع فيها زيت كتير يعنى ممكن 3كوب لحد ما يقدح اروح حطة الارز و اقلب و اقلب لحد ما يبقى لونه ذهبى غامق ثم اصفية بمصفاة من الذيت و اركنة _اعمل العسل فى مقلاية( اضع السكر و الماء و الليمون و اقلب لحد مايبقى لونه ذهبى _اضع الارز على النار عادى و علية الماء لحد ما يشربها و اتركة لحين يقرب من السوى _ عند قرب السوى اضع علية العسل واقلبه كويس لحد ما يختلط كلة مع بعض مع رشة ماء خفيفة و اتركه لحد مايستوى _اضع علية 1/2 مقدار الكبد و الكلاوى و المكسرات ونقلب كله لمدة دقيقة ثم اطفى النار و انزله
عند التقديم / نغرف الارز فى سيرفيس بيضاوى و نضع على الوجة باقى المكسرات و الكبد و الكلاوى و يقدم

بعد اذنك يا دون ممكن رابط البيتزا
عايزة أعمل بيتزا تكون هشة و طرية في نفس الوقت

صباح الخير دندون شكراااااااا لك
لو ممكن يا دون عايزة طريقة الديك الرومى بطريقة حلوة و نفسى يطلع لونه ذهبى زى الفنادق
شكراااااااااااا