هنا نربى العلمــــاء!!

السلام عليكم

ان شاء الله يكون موضوع ناجح كعادة مواضيعك يا مدام وائل
بالتوفيق

المقاله دى نزلتها قبل كده واحب انزلها فى اول مشاركاتى للافاده ان شاء الله
كيف أزرع حب القرآن في نفس طفلي؟؟؟؟؟؟؟


سنتطرق اليوم لكيفية غرس حب القرآن في نفس الطفل...*

المرحلة الأولى (الجنين)..

في مرحلة حمل الأم بوليدها تستطيع الأم فعل الكثير لتربية طفلها


فالطفل يبدأ بسماع الأصوات في الشهر السادس ويميزها في الشهر السابع..

إن كثرة سماع الأم لشرطة القرآن الكريم تجعل الطفل يميل لسماعها بعد ولادته ويألفه كثيراً وهو رضيع.

كما أن قراءة الأم للقرآن الكريم وترتيلها له بصوت عالي له أثر في راحتها النفسية وبالتالي راحة الجنين , وتعويده على

سماع صوت القرآن الكريم وتحبيبه فيه.

على العكس من الطفل الذي يتعود على سماع الأغاني في بطن أمه فيألفها ويميل إليها بعد ولادته.*

المرحلة الثانية (الرضيع)..

عودي طفلك في هذه المرحلة على سماع القرآن في أرجاء البيت , ليتعود عليه ويألفه, ويمكنك أن تشغلي له الراديو
لديه بإرتفاع صوت مناسب . ثم إتركي الطفل مع لعبه أثناء انشغالك.
إن تعوده على سماع صوت القرآن في البيت يبث في نفسه الطمأنينة.
كما ينصح الخبراء بترديد الأم للقرآن الكريم عند رضاعتها الطبيعية لطفلها أثناء قربه الجسدي منها حتى يترسخ أكثر
في عقله الباطن.

*المرحلة الثالثة (من سنة ونصف إلى 3)..

احرصي خلال هذه الفترة على أن يشاهدك على سجادتك تقرئين القرآن.


وحاولي أن تشركيه في صلاتك.

إن هذه المرحلة هي مرحلة المراقبة لمن حولهم وتقليدهم.


فاحرصي على إظهار حبك الشديد للقرآن واحترامك للمصحف أمامه ورفعه عالياً.


بالإضافة إلى أهمية أن يراك ترددين أو تسمعين القرآن وأنت في المطبخ أو تعملين ليستشعر حبكِ للقرآن.*

المرحلة الرابعة (من 3 إلى 6 سنوات)..

هذه الفترة هامه جداً في تكوين شخصية الطفل ورسم ميوله واهتمامه , وهي أهم مرحله تحدد مدى حبه للقرآن

بإذن الله .

لذا اهتمي به في هذه الفترة كثيراً , واحرصي على تحفيظه بعض قصار السور مع مكافأته وتشجيعه والثناء عليه أمام

الآخرين ليشعر بالفخر بذلك.


يقول الدكتور: يحيى الغوثاني المتخصص في الدراسات القرآنيه/

إن الطفل إذا حفظ القرآن منذ صغره اختلط القرآن بلحمه ودمه.


حاولي إدخاله حلقه للتحفيظ أو داراً للتحفيظ , واشتري له جهازاً يناسب عمره لتحفيظ القرآن الكريم.


اشرحي له معاني وقصص بعض السور وحببيه بها . لكن لا تضغطي عليه بشده في ذلك فهناك فروق بين الأطفال في


قدرة الحفظ.


أيضاً احرصي على أن تعليمه الأدب مع كتاب الله فلا يضعه على الأرض ولا يضع شيئاً فوقه , ولا يتكئ عليه ... وغير

ذلك من الآداب.
*

المرحلة الخامسة (من سن 7 سنوات إلى 12 سنة)..

يجب أن يكون قد مر بالمراحل السابقة لكن احرصي على زيادة تعلقه بأماكن القرآن كالحلقة أو الدار.

ومن المهم أن يشعره الوالد بالفخر لأنه حفظ شيئاً من القرآن , فيعطيه مزايا ويفتخر به أمام الآخرين ويثني عليه ويدعو

له.
بالإضافة إلى أهمية شرح فضل القرآن وفضل حفظه وقراءاته والأجر العظيم المترتب للمسلم عل ذلك.


مع الاستمرار في إعطائه الهدايا كلما اجتاز مقداراً من الحفظ


ودمتم بحفظ البارئ

ماشاء الله عليكى يا مادو

مقالة حلوة جداااااا


وبأذن الله الموضوع يكون ناجح بتفاعلنا كلنا يارب

التربية قبل الولادة

هدفك من حملك فى طفلك اية؟؟

هل انتى مثل مريم ابن عمران حين قالت"ربى انى نزرت لك ما فى بطنى محررا"؟؟

ولو مكنتيش كدا؟؟

بتفكرى اذاى ؟؟

الولاد عزوة وسند؟؟ فرحة؟؟
بأخلف ذى ما كل الناس بتخلف؟؟

لو كنت النوع التانى راجعى حسباتك تانى

وابنى ابنك للدين والدنيا


فى فترة الحمل

لازم لالالالالالالالالالازم تسمعى القرآن كثير واوعوا تقولوا مبيفرقش والله بتفرق وبتلحظيها بوضوح لما الطفل بيكمل سنة بيحب جدا القرآن وبيكون لية تأثير مختلف عن اى حاجة تانية

وطبعا الدعاء دائما"ربى انى نزت لك ما فى بطنى محررا فتقبل منى"


ثانيا الطفل بقى عمرة 6 شهور
احنا برضو بعد لما اتولد بنسمعه القرآن

المهم بقى فى مرحلة التعليم دى انه يسمع كلة " لا اله الا الله " مع الاثارة بالسبابة

والله بالتجربة اول ما ينطق هيقولها بأذن الله

بس أستعنيى بالله وأبدأى

نفسيا من اول يوم لية كونى حريصة انه ميسمعش خناقة بينك وبين ابوه

وعلشان تصدقى احكيلك تجربة

طفل عمرة 9 شهور اول حاجة بدأ يعملها اول ما قدر يصدر اصوات انه يصرخ بنفس طريقة صاخ ابوه على أمه

ودلوقتى كل لما بيسمعهم يتخانقوا يفضل يصرخ ذيهم

المشكلة انى حاولت اقناع الام بانه فاهم بس هى مصرة انه لسة صغير ومش واعى

من سن 8 شهور بتبتدى تظهر من الولاد خصوصا الذكور ميول للعنف شوية عض – خبشة- ضرب

برضو اياكى تقولى صغير

بالتجربة

لو قامتى التصرفات السلبية بحكمة هتنتهى تماما وهيوصل ابنك او بنتك سنة ونصف وسنتين وميعرفش الحاجات دى

هتقولى اذاى

الطفل من الفترة دى بيعمل التصرف وعينة بتجرى على عنيين امه المعلم الاول لو وجد الام بتضحك او حتى لا مبلالاة للتصرف اتوماتيك بيكون عنده رد فعل ان التصرف دا مش مرفوض

وياسلام لو حد فى العيلة ضحك هيكون تصور ان التصرف دا رائع

بجد عن تجربتى الشخصية مع زيادة حركة ابنى الا انه مش عنيف اطلاقا بعكس طفل فى نفس العيلة هنا بيقولوا لسة صغير برضو مع ان سنهم الاتنين سنتين و 3 شهور

الولد التانى بيضرب وبيعض وبيخربش وبيقولوا صغير ولا تتقويم وحتى لو بدأوا يقوموا دلوقتى فيكون فيه صعبة

من شب على شىء شاب علية

نلحقة بقا قبل ما يشيب
ههههههههههههههههههه


علمى ابنك من سنة مسؤلية اتخاذ قرارة

اذاى؟؟

أقولك مثلا خيرية بين لعبة بيحبها وبين التلفزيون ولما يختار خلاص صى على اختياره وسمعية كلمة لا انتى اخترت خلاص

المفاجأة انه فى فترة قصيرة جدا بأذن الله هيفهم الكلام دا كويس جدا ودا هيظهر لما يكبر

مهم اوى ان ابنك يشوفك وانتى بتصلى وتقوليلوا دى اسمها صلاة احنا بنصلى علشان ربنا يحبنا وبس

الطفل مبيقدرش يفهم فى الاول غير بس المختصر

ولو لقيتى منه استجابه للتقليد حطيلة سجادة جنب سجادتك وسبيه شوية شوية هيقلدك انا هنا مش باعلم الصلاة انا بس باغرسها فى التكوين


وقت الاذان مهم اوى الموضوع ده!!!!

تسيبى كل حاجة فى ايديك وتقلبى التلفزيون على اى قناة عليها الاذان

وتقولى الله اكبر لازم نروح نصلى ولو والدة فى البيت تقولى بابا هيصلى فى المسجد وانت لما تكبر هتصلى معاه فى المسجد

دايما يبقى فى خيالة ان المسجد دا مكان خيالى

على فكرة انا مش باتكلم فى الخيال

الطفل عجينة فى ايديكى ذى ما تشكليها بالصبر هتكون

لا تنسى حديث الرسول"كل مولود يولد على الفطرة فأبواه يهودانة أو ينصرانة أو يمجسانه"

يعنى الابوين هما الاساس

حطى هدف اتحركى لية وربنا يعننا مع بعض

ونكمل مرة تانية بأذن الله

مبروك الموضوع الجديد يا ايمان
و ماشاء الله شايفاكوا بداتوا بحاجات حلوه من الاول

و يارب يكمل على خير زي مواضيعنا كلها