انا يا بنات ما كنت ادخل قسم الحمل والولادة ابدا الا لما تأخرت علي الدورة ولكن بفضل من الله تعالي نزلت علي ....
فحبيت اني اقدم لكم هدية بسيطة على قدي ....لكم لكل الحوامل هي بعض النصائح كتبتها بعد ولادتي مباشرة وانا في النفاس ونزلتها في منتدى والحمد لله لاقت تجاوب كبير فحبيت اني اعرضها عليكم .....
المهم هاذي نصايح من واقع تجربتي في الحمل والولادة بلخصها بنقاط يمكن تستفيدوا منها يالحوامل ؟؟؟؟؟؟؟
1. لا تسمعين كل شئ عن الولادة واتصدقينه تراها ما تخوف مثل ما نتوقعها الحمدلله الله يلهمش الصبر على الالم ولما اتشوفين الطفل تنسين الالم وساعته .
2. لما اتروحين المستشفى للولادة خذي وياج امج ضروري ماعلش راح تتألم وهي تشوفج تتوجعين بس عشان تدعي لج الله ييسر لج لان خصوصا دعاء الام مستجاب وتقرأ عليج أيات من القرآن وخصوصا سورة الاخلاص خليها تقرأها عليج 60 مرة بدون انقطاع .
3. لا تصرخين وايد لانج بتعبين روحج عالفاضي بس كتمي الالم وبدل الصراخ حاولي تتنفسي ابسرعه واتدخلين الهواء لرئتك لان التنفس مع الانقباضات يوسع عنق الرحم ابسرعه .
4. حتى لو كنتي تتألمين من الطلق حاولي تستمعين لكلام الممرضات وتتبعين نصايحهم لانهم موجودين عشان يساعدونج يعني اذا قالوا لك دفعي دفعي تنفسي تنفسي ....الخ .
5. لما اتولدين بالسلامه حتى لو كنتي تعبانه وميته من التعب لازم اترضعين طفلك لان هالشي بيفيدك بيخلي الرحم يرجع لحجمه ابسرعه وبالتالي بيخف عندج الكرشه .
6. اذا بغيتي اتدخلين الحمام وانتوا ابكرامه استخدمي الماء البارد جدا وخليه يصب اشويه مكان الجرح هالشئ بيريحج وبيخفف عليج الالم ويقولون الثلج بعد زين بس ما جربته .
7. استخدمي سافلون او ديتول مخفف بماء بارد لتطهير الجرح كل ما دخلتي الحمام ويقولون الماء والملح بعد زين وانه خليت الدكتور يكتب لي جل معقم أخذه من الصيدليه احطه مكان الجرح .
8. خلي زوجك يكون على طول معاج حتى اتحسي بالامان وايشوف معانتج ويشاركج الحدث السعيد واذا حبيتي خليه ايصورك بالكاميرا وانتي فيج الطلق ترى اتصير ذكرى حلوه .
يتبع ............ان شاء الله بكمل اذا حبيتوا وحسيتوا انكم استفدتوا منها ...,,
إن شاء الله يوم بحمل بعمل بهذي النصائح ..
اللهم ارزقني و كل خواتي في المنتدى الذرية الصالحة ...... آميييييييييييين